Doe moro na ini a prati foe traktaat
1 Na ini 1880 Jehovah Kotoigi ben bigin na ini Pittsburgh (Pennsylvania) foe tjari kon a doro èn foe prati bijbeltraktaat di e leri joe sani. Ini a ten disi, moro leki wan hondro jari a baka, na prati foe traktaat tan foe de wan pisi foe wi préki diniwroko. Na prensparifasi foe en e kisi krakti ini na nen foe na corporatie, dati wani taki Watch Tower Bible and Tract Society of Pennsylvania (Wachttoren-, Bijbel en Traktaatgenootschap). — Matt. 24:14.
2 Ini den jari di psa wan nomroe foe traktaat di abi leki nen Kownoekondrenjoensoe ben tjari kon a doro. Sonwan foe den ben meki foe tjari njoen boekoe di ben tjari kon a doro na a prakseri foe sma. Nanga den traktaat disi nanga trawan spesroetoe moeiti ben doe foe miti ibriwan sma na ini wi gebied nanga wan sjatoe boskopoe di abi na algemeen belangstelling foe sma. Foeroe prékiman e gebroiki konsequent den traktaat foedi den e gi den na ala ososma di e sori switifasi èn foe libi gewoonlijk na ibri adres wan a baka pe sma no de na oso. Ala disi abi boen foeroe winimarki foedi belangstelling gi na kownoekondre boskopoe ben wiki èn sma prakseri ben poti a tapoe a bijbel boskopoe foe wi ten. — Ezech. 3:18, 19; Openb. 22:17.
3 Foedi na boen winimarki foe na prati foe traktaat ben sori, meki den moen di o kon spesroetoe moeiti sa doe foe prati moro foe den. Kownoekondrenjoensoe nr. 32 (Wan kolokoe osofamiri di bondroe kon a wan — San na a sroto?) wi sa gebroiki ini februari. maart wi sa poti na prakseri na tapoe kownoekondre njoensoe nr 31 (Wi e doro Armageddon?). Ini april nanga mei wi sa pristeri Kownoekondre njoensoe nomroe 33 (Libi — Fa dati doe kon? Nanga jepi foe evolutie ofoe foedi Gado ben meki sani?). Na Genootschap sa seni traktaat go na gemeente ini den bigi foto foe na kondre sondro foe pai wan sani. Gemeente di abi wan voorraad ete foe traktaat, moe gebroiki den disi. Kande densrefi wani tjari den kostoe foe den traktaat disi ofoe den wani disi, aksi creditering foe na Genootschap.
4 Den traktaat disi abi prenspari boskopoe gi den sma ini na gebied. Wi kan gebroiki den na wi oso-foe-osowroko di wi e doe geregeld nanga tijdschrift èn na ala moen pristeri foe boekoe. Ala sma e kisi dekati foe alaten abi wan voorraad foe traktaat na den èn foe proeberi foe libi na ibri ososma wan eksemplaar èn tapoe ibri adres pe sma no de na oso èn, foe sorgoe dati sma di e waka psa no poeroe en foe na brifibus ofoe e si en na ondro a doro a dorosé. Efoe wi e poti wan owroe Wachttoren ofoe Ontwaakt! na ondro a doro, dan wi moe poti wan traktaat toe. Traktaat di wi e libi a baka tapoe adres pe sma no de na oso, bakaten kan opo na pasi foe abi wan takmakandra di e gi dekati.
5 Sorgoe foe joe abi wantoe eksemplaar na joe èn pristeri bisnissma foe joe, sma tapoe joe wrokope ofoe onderwijzer noso skoromati wan eksemplaar. Pristeri ooktoe famiriman nanga birtisma. Den traktaat de toemsi boen te joe e gi okasipréki. Njoen nanga jongoe prékiman sa si dati na prati foe traktaat de wan toemsi moi fasi foe abi wan moro bigi prati na a panja foe na kownoekondreboskopoe.
6 Meki Jehovah blesi na moeiti foe wanfasi foe wi foe abi wan prati dorodoro na a spesroetoe moeiti disi di abi leki marki foe meki sma kon jere na warskow foe den sani di e kon èn foe meki a boen njoensoe bekenti. — Jes. 52:7.