Ferdrage tesi na wan prisirifasi, e meki Gado feni joe boen
1 Jezus ben taki a fesi dati den bakaman foe en netleki en ben moe ferdrage ferfolgoe èn ograti (Joh. 15:20; Matt. 24:9). Aladi foe troe wi abi foe doe nanga den sortoe tesi disi, dan foeroe sma e feti ooktoe nanga tesi soleki brokede foe moni nanga gesontoe problema èn moeilekheid tapoe grontapoe wroko ofoe tapoe skoro. Fa na wan prisirifasi wi kan kakafoetoe gi den sortoe tesi disi?
2 Na thema foe den lo kringkomakandra di e bigin na ini april 1987, sa de: „Ferdrage tesi na wan prisirifasi e meki Gado feni joe boen.” Wi sa kisi jepi foe ferstan foe san-ede wi kan ferwakti tesi, sortoe winimarki e kon te wi e ferdrage den èn foe san-ede wi kan de nanga prisiri. Na publiki taki di e go foe a tori „Joe kan libi now na ini vrede” sa de toemsi moi. Den bodoi di sa pristeri sa jepi sma di abi belangstelling foe ferstan san na a fonten foe vrede èn fa den kan libi now na ini vrede. Alla sma sa wani meki plan foe kan de ala den toe dé.
3 Jezus ben abi prisiri ini a doe foe na wani foe en Tata. Awinsi a ben moe ferdrage ferfolgoe. Foedi te na dede a ben ferdrage nanga prisiri tesi, meki a ben kisi a boenati foe Gado (Hebr. 12:2). Na njoen kringkomakandra programma sa gi wi dekati foe waka na baka na toemsi moi eksempre disi. — 1 Petr. 1:21.