Tan pristeri owroe boekoe
1 A de alaten wan prisiri sani foe denki go baka na den sani di ben gi wi prisiri èn di ben de leki wini gi wisrefi. Omoro foeroe wi kan taki foe disi te wi e denki go baka na wan njoen congres boekoe di wi ben kisi èn ben sabi dati dati ben gi spesroetoe foe meki na jeje gesontoe foe wi gro! — 2 Petrus 3:1, 2.
2 Na veldtocht foe now na ini san den toemsi moi saka formaat boekoe e pristeri na sma, di ben kon na doro ini jari di psa, ben memre foeroe foe wi baka na a waarde foe den boekoe disi. Den prékiman nanga sma di kisi belangstelling njoenjoen di no ben lési den boekoe disi, séker sa wani foe teki wan foe ibriwan. Efoe wi e poti den owroe boekoe disi ini den anoe foe den sma ini wi gebied, dan wi alamala sa abi na faste fertrow dati den sa meki belangstelling gi na Kownoekondreboskopoe wiki go moro fara.
OWROE BOEKOE DI WI KAN GEBROIKI
3 Na ini 1974 foeroe foe wi ben prisiri foe kisi na boekoe A libi disi na ala san de? O boen a ben de foe si dati den ben taki foe tori leki a sili, na goedoeman nanga Lazarus, na faja foe Gehenna èn den ferwakti foe miljardmiljard sma foe opobaka foe dede! Disi ben de troetroe wan warti wini gi theokratis bibliotheek.
4 Na ini 1977 wan more moi boekoe ben gi fri tapoe na „Prisiri wrokoman” — districtscongres. Disi ben abi leki nen Wi grontapoe tiri di e kon — Gado Kownoekondre. Fa na boekoe disi bewijsi taki a de wan wondroe goedoe! Soleki tanapoe na tapoe a fosi bladzijde foe den sma di druk a boekoe, dan a boekoe „ben gi abra na a Gado di a prisiri ten foe en ben doro foe poeroe na ongolokoe égi tiri foe libisma èn poti na regtvaardiki tiri na san sma foe ala ras di lasi ati e loekoe nanga angri foe kon.” Na thema foe a bijbel, Gado Kownoekondre, e tjari kon a krin foe bigin te na kaba foe na boekoe.
NA IBRI OKASI
5 Foedi wi e si den boekoe disi leki wan prenspari pisi foe wi éigi theokrasia bibliotheek meki wi moe doe ekstra moeiti foe tan pristeri den na ini maart ini na velddienst. Efoe joe o pristeri na boekoe Na libi disi na ala san de?, joe ben sa kan taki: „san na joe ferwakti foe a ten di e kon, now di sma na alape na grontapoe abi foe doe nanga someni problema? [gi okasi fu piki.] Wan loesoe de di wi kan fertrow a tapoe.” Moro fara joe ben sa kan lési den tekst foe tori foe takmakandra di wi e gebroiki èn sori a punt ini wan kapitel di fiti, soleki 15, 16, 17, ofoe 18. Wi kan pristeri na boekoe foe f 1.-
6 Kande joe e pristeri a boekoe Wi grontapoe tiri di e kon — Gado Kownoekondre. Foe san-ede joe no ben sa loekoe ini a geval dati na kapitel 1 nanga 12 èn soekoe punt foe taki di sa taki nanga na ati foe sma ini joe gebied? Loekoe dati kapitel 1 e ferteri foe den kenki na skin fasi di sma sa ondrofeni leki onderdaan foe a Kownoekondre-tiri. tapoe bladzijde 14, nanga 15 e tjari kon na krin pe na njoen tiri disi sa de. Tra moi punt wi kan feni na ini kapitel 12.
7 Kande joe wani pristeri den sak formaat boekoe, di wi sa tjari kon na prakseri foe den sma, makandra nanga toe ofoe moro boekoe. De positief na ini joe pristeri.
8 Begi efoe Jehovah mag blesi joe moeiti foe jepi trawan foe njan boen foe den toemsi moi bodoi ini den boekoe di wi e pristeri ini a moen maart.