Aksi boksoe
◼ Sortoe poeblikâsi moesoe poti na ini a bibliotheek foe a theokrasia diniwroko-skoro?
Bogobogo poeblikâsi foe jeje afersi meki gi a boen foe a pipel foe Gado. Foe di foeroe preikiman no abi ala den poeblikâsi disi gi densrefi, a bibliotheek foe a theokrasia diniwroko-skoro na ini a Kownoekondre zaal e jepi foe ondrosoekoe sani na ini poeblikâsi di den no ben sa kan feni na wan tra fasi. Foe dati ede, a bibliotheek moesoe sreka boen nanga difrenti bijbelvertaling, den moro njoen poeblikâsi foe a Genootschap, eksemplaar foe Wi Kownoekondre Dienst, jaargang foe A Waktitoren nanga Ontwaakt!, èn den Index van Wachttoren-publikaties. Èn wan boen disiten wortoeboekoe moesoe poti toe. Efoe den de foe kisi, dan encyclopedie, atlas, noso verwijsboekoe foe grammatika nanga historia kan de boen foe gebroiki. Ma, a moro prenspari sani moesoe de den poeblikâsi di „a getrow èn koni srafoe” gi.—Mat. 24:45.
Na ini wan toe kefal wi ben kon jere taki boekoe di no e fiti, poti na ini a bibliotheek foe a theokrasia diniwroko-skoro. A no ben sa fiti foe abi toriboekoe na ini, noso boekoe di e kroetoe bijbel, noso boekoe foe filosofia noso afkodrei. A bibliotheek foe a theokrasia diniwroko-skoro moesoe abi soso boekoe na ini di sa jepi den sma di e gebroiki en, foe tan gro na jejefasi.—1 Tim. 4:15.
A skoro-opziener de frantiwortoe gi a bibliotheek, ala di wan tra brada kan kisi a toewijzing foe jepi en foe sorgoe gi dati. A moesoe sorgoe taki a bibliotheek abi den moro njoen sani na ini, te a e poti njoen poeblikâsi na ini wantewante te den de foe kisi. Ibri boekoe moesoe abi wan krin marki na inisei foe a kafti èn a nen foe a gemeente di abi a boekoe. Ibri jari den moesoe loekoe den boekoe foe si efoe den moesoe meki boen baka noso taki njoenwan foe den moesoe poti.
Ala sma kan jepi foe sorgoe gi a bibliotheek. Wi moesoe loekoe boen fa wi e hori èn e gebroiki den boekoe. Pikin-nengre no moesoe kisi okasi foe plèi nanga den, èn no wan sma moesoe skrifi na ini den boekoe. Wan moi sani kan skrifi na ini a bibliotheek foe memre taki sma no mag teki boekoe poeroe foe a Kownoekondre zaal.
Foe di njoen gemeente e tan kon moro nanga moro, a kan taki foeroe bibliotheek no bigi. Wan toe preikiman di abi den owroe poeblikâsi foe wi ben sa kan prakseri foe gi den na a gemeente. Kande den owroeman wani bisteri den Wachttoren jaargang di a Genootschap druk baka. Na den fasi disi, a bibliotheek foe a theokrasia diniwroko-skoro sa de wan toemoesi boen jepi gi ala sma di wani kon sabi den goedoe foe Gado Wortoe di kibri, di e gi sabi, koni, nanga froestan.—Odo 2:4-6.