Na bibliotheek fu na theokratis diniwrokoskoro
1 Na apostel Paulus ben taki tranga nanga Timotéus ’fu tan poti ensrefi na tapu na leisi, na fermane, na leri fu sma, èn fu go denki fu den sani di a ben leri, fu go krinkrin na ini den, sodati a go na fesi fu en sa de krin gi ala sma’ (1 Tim. 4:13, 15). Wan fasi fa wi kan gebroiki a fermane disi, de nanga yepi fu wan persoonlek studi èn na ondrosuku fu sani. Gi disi wan bun theokratis bibliotheek de tranga fanowdu. A de bun f u abi na oso wi eigi persoonlek bibliotheek èn fu gebroiki disi. Ma na bibliotheek fu na theokratis diniwrokoskoro di de na ini a kownukondrezaal, kan abi tra buku, spesrutu gi nyunwan di no abi den eigi eksemplaar fu owru buku.
2 Na ini 1944 gemeente ben kisi dek’ati fu bigin nanga wan bibliotheek fu na theokratis diniwrokoskoro na ini na Kownukondrezaal. Na marki fu na bibliotheek ben yepi studenti fu go na ini buku fu na Genootschap èn na ini tra buku di de bun fu ondrosuku sani èn fu studeri a bijbel fudi den no de fu feni na tra presi. — Tori. 17:3.
SAN YU MU POTI NA INI
3 Sortu buku mu teki poti na ini a bibliotheek fu a diniwrokoskoro? Fudi na marki fu en de fu yepi wi na a bijbelstudi, meki na bibliotheek mu abi buku fu a Genootschap di wi e gebroiki ete èn difrenti bijbelvertaling. Ooktu wan bun wortubuku kan de. (Luku Aksiboksu, Kownukondredienst augustus 1972.) Na Index fu Wachttorenpublikatie 1986 èn Index di mu kon ini a ten di de na wi fesi, di meki fu ondrosuku èn fu studeri, de prenspari pisi fu bun theokratis bibliotheek.
4 Na opziener fu na theokratis diniwrokoskoro de frantwortu fu na bibliotheek. Wan dinari ini na diniwroko kan kisi a wroko fu yepi en nanga disi. Na skoro-opziener abi belangstelling fu yepi nyunwan fu leri fa den kan gebroiki na bibliotheek sodati den kan nyan moro bun fu en. A mu luku na tapu ooktu dati nyun buku di fiti kon ini a bibliotheek èn dati den buku kisi wan bun marki fu sori dati den de fu na gemeente. Ala sma musu wroko makandra nanga na skoro-opziener fu hori na bibliotheek netjes nanga ordelek. Efu yu abi buku di yu wani gi na a bibliotheek dan yu kan meki na skoro-opziener sabi san yu abi.
HORI EN BUN
5 Na skoro-opziener sa seti sani fu luku ten-na-ten fa a de nanga a biblotheek fu si efu ala sani de bun èn dati a sorgu e gi fu meki sani kon bun baka ofu poti trawan na ini den presi. Firi yusrefi fri fu gebroiki na fesi ofu baka na komakandra a fesi ofu a baka den komakandra ibri buku ini na bibliotheek. Ma buku no mu teki fu na Kownukondrezaal go na oso. Efu wan aparti fanowdu de, dan disi yu mu taki nanga na skoro-opziener. Efu moro leki wan gemeente e hori komakandra ini na Kownukondrezaal, dan ibri gemeente mu abi en eigi bibliotheek fu na theokratis diniwroko-skoro.
6 Na bibliotheek fu na theokratis diniwrokoskoro e dini wan bun marki. Aladi wi e nyanbun fu na seti disi fu ondrosuku sani, dan wi kan ondrofeni na prisiri ’Fu tyari den kibri gudu’ fu na Wortu fu Gado kon na krin, di e gi sabi, koni nanga koni fu du sani. — Odo 2:4-6.