Sreka wisrefi tapoe wan spesroetoe okasi
1 „Tan doe disi foe memre mi” (Luk. 22:19). Den wortoe disi abi spesroetoe betekenis gi Jehovah Kotoigi. Jezus ben taki den gi en pipel di a ben poti na Avondmaal foe Masra. Na sani disi nanga reti e hori ibri jari tapoe 14 Nisan. Na ini 1987 na memre disi foe Kristus dede e fadon tapoe sonde 12 april. Joe e meki plan foe de drape?
ALA SMA MOE SREKA DENSREFI
2 Efoe wi wani njan boen dorodoro foe na aparti santa dé disi, dan a meki foe plan de fanowdoe. Sortoe plan wi moe meki? Ini na fosi presi wi moe sreka wisrefi na jejefasi. Wan toemsi moi jepi na ini disi de na spesroetoe bijbellésiprogramma foe 7-12 april soleki tanapoe tapoe na kalender foe Jehovah Kotoigi foe 1987. Ala sma e kisi dek’ati foe gebroiki soifri na lési-schema èn gebroiki ten foe go denki dipi tapoe den bijbel vers disi. Te wi doe disi, wi sa kisi jepi foe sreka wi jeje èn wi ati tapoe a spesroetoe okasi disi.
3 Meki plan foe de wan boen pisi ten bifo a bigin foe na komakandra na a Kownoekondrezaal. Disi sa gi joe na okasi foe bari wan switi kon gi njoen sma. A jari di psa na bijkantoro foe den Verenigde Staten ben ferteri dati pikinmoro wan miljoen sma moro ben de na tapoe na Memrefesa leki ini a dienstjari 1986 gemiddeld ibri moen ben de ini na velddienst. Kande na ini a jari disi foeroe moro sa kon foedi na Memrefesa sa de tapoe wan sonde. Wan boen meki foe plan sodati wi de biten na tapoe na komakandra foe taki odi na njoen sma nanga trawan di no e kon geregeld tapoe den komakandra kan de precies na sani san de fanowdoe gi a go a fesi foe den moro fara.
4 Sani moesoe seti foe meki na sonde dati de wan spesroetoe dé foe dienst activiteit. Foe san-ede joe no sa meki NOWNOW plan foe gi ten na a dini-wroko? Foeroe sma sa de wan jepi-pionier ini april èn nanga disi wan moro bigi kotoigi ben sa gi tapoe a spesroetoe dé disi. Tjari gobaka go na fosten bijbelstudi, abonné èn tra sma di kande sa kon efoe joe memre den. Efoe son bijbelstudi ofoe tra sma di abi belangstelling abi oto fanowdoe ofoe wan sma di go waka nanga den, doe ala sani dan san joe man foe jepi den. Meki plan biten a fesi.
SAN OWROEMAN MOE DOE
5 Na skin foe owroeman sa wani poti prakseri na den foeroe fini pisi foe na tori foe na sreka di sani moe sreka. San de ini disi ini a tori? Loekoe pikinso ini a lijst ini a fosi kolom tapoe bladzijde 3.
6 Tapoe a dé foe na Memrefesa nowan enkri tra gemeente komakandra moe hori. Den owroeman moe meki na normale publiki taki no hori èn moro fara sani moe seti dati a materiaal foe a Wachttoren foe a sonde dati moe hori tapoe na gemeente boekoestudi ofoe tapoe a satra a fesi foe na Memrefesa. Den owroeman moe loekoe ini a gemeente foe den oten tapoe 12 april a son e dongo.
7 A Memrefesa na wan spesroetoe okasi gi wi alamala. A de wan ten foe go prakseri foe na lobi di Jehovah ben sori wi nanga a seni foe en Manpikin foe dede leki srakti-ofrandi, sodati wi abi a okasi foe kon ini wan regtvaardiki positi na Jehovah (Joh. 3:16). Wi no ben sa wani meki nowan enkri activiteit wroko tége a Memrefesa di de wan santa okasi efoe den activiteit disi de a fesi ofoe baka a Fesa.
[Faki na tapu bladzijde 3]
SREKA GI NA AVONDMAAL
(Loekoe w85 15/2 blz. 19)
1. Na takiman sabi na joisti ten nanga presi pe a fesa o hori? A abi vervoer?
2. Soema sa sorgoe gi den symbool (brede nanga win)?
3. San seti dati wan sma tjari wan krin tafradoekoe èn a nomroe foe wingrasi nanga preti?
4. Sortoe sani seti foe a krin foe a zaal?
5. Soema sa hori wan komakandra nanga den dienstjepiman nanga den sma di o prati a win nanga brede foe loekoe san na den wroko? San sa de den procedure foe sorgoe dati ala sma kisi den symbool?
6. Sortoe sani sa meki bekenti ini a tori foe ten presi foe a velddienst tapoe a dé foe a Memrefesa?
7. Ala sani seti di kan foe jepi owroe nanga siki brada nanga sisa? Sani seti dati wan salfoewan di tai na bedi èn di no kan de drape, kisi den symbool?