Yu e sreka yusrefi gi a Memrefesa?

A ben de 13 Nisan fu a yari 33. Yesus ben sabi taki a ben o de makandra nanga den moro bun mati fu en wan lasti neti fosi sma kiri en. A ben o hori a Paskafesa nanga den èn a ben o seti wan nyun fesa, na Avondmaal fu Masra. So wan prenspari fesa ben musu sreka bun. Dati meki a seni Petrus nanga Yohanes fu go seti sani gi a fesa (Luk. 22:7-13). Sensi a ten dati, Kresten di wani hori a Memrefesa e sreka densrefi gi a fesa disi (Luk. 22:19). Sortu sani wi musu sreka gi a Memrefesa di o hori tapu 3 april fu a yari disi?

San den owruman musu sreka:

Sreka sani fu gebroiki a Kownukondre zaal noso wan tra gebow di fiti. A gebow musu abi nofo sidonpresi, nofo faya èn a no musu waran tumusi. Seti sani so taki a presi kan krin fosi a Memrefesa.
Suku wan bun takiman, wan fesiman, nanga brada di o begi gi a brede nanga a win.
Efu moro leki wán gemeente o hori a Memrefesa na a srefi presi, a bun fu seti sani so taki unu sabi o lati ibri gemeente o bigin èn fa den sma o kon noso komoto na ini a zaal noso na a presi pe den e poti den wagi.
Luku sortu brada yu o poti leki yepiman èn sortu brada o prati a brede nanga a win èn sorgu taki den alamala sabi san den musu du.
Sorgu taki unu abi brede nanga win di fiti gi a Memrefesa. Sorgu tu gi preti, grasi fu poti a win, wan bun tafra nanga wan tafraduku.

Fa den preikiman kan sreka densrefi:

Sreka sani so taki yu kan gi furu sma wan kari gi a Memrefesa.
Skrifi den nen fu yu Bijbelstudie, famiriman, skoromati, sma na wrokope, nanga tra sma di yu sabi èn gi den wan kari.
Leisi èn denki dipi fu a leisipisi fu Bijbel gi a Memrefesa.
Kon fruku na a Memrefesa fu gi den fisitiman wan switikon.