Pristeri na boen njoensoe — Te joe e gebroiki na Tak-go-tak-kon-boekoe
1 Na Wachttoren foe 1 juni 1985 ben pramisi dati na „Sma di e kibri den soifri-retifasi”-congres ben sa „gi wan sani di ben sa sori taki a de foe wan waarde di o tan foe taki-go-taki-kon nanga tra sma nanga jepi foe a bijbel”. Na pramisi disi wi ben doe nanga na kon fri foe a boekoe Tak-go-tak-kon nanga jepi foe den boekoe. Wi de moro boen bekenti nanga den moi punt di de na ini a boekoe, now di pikin moro toe jari pasa kaba? Wi abi en na wi na ini wi velddiensttas? aladi wi e gebroiki en na ibri okasi èn wi jepi njoen prekiman di no abi foeroe ondrofeni foe gebroiki en?
2 Efoe wi wani de moro doeltreffend ini a gebroiki foe den toemsi moi publikatie disi, dan a sa de boen foe go loekoe wantoe moi punt foe a boekoe èn go loekoe fa den kan gebroiki. Loekoe pikinso na pisi di nen „Fa wi e gebroiki na Taki-go-taki-kon nanga jepi foe den Boekoe” (blz. 7). Den fosi dri paragraaf abi stof di e bewégi joe foe doe wan sani èn di e memre wi foe tak-go-taki-kon nanga sma di abi opregti aksi ofoe den sma di de klari foe jere wan tra fasi foe si sani (Tori. 17:2, 3). Den tra paragraaf na ini a pisi disi foetoe foe foetoe e gi wan moi overzicht foe na fasi tapoe fa na boekoe kan gebroiki moro boen.
POEROE GENSTAKI A PASI
3 Kon oen taki foe eksempre dati a ososma taki disi: „Mi e bribi dati na ini ala fasi foe bribi wan boen sani de.” Na presi foe teki wan prakseri ofoe tekst poeroe ini wan boekoe di wi ben gebroiki ini a ten di psa, nofotron joe ben kan feni en moro tactvol ofoe doeltreffend efoe joe ben ferteri na ososma dati joe ben sa wani meki a si wan moi sani foe a tori. Teki na Tak-go-tak-kon-boekoe foe joe tas èn naki opo na ede pisi tapoe bladzijde 359 di e go foe „Fasi foe bribi”. Efoe joe meki joe ai grati psa esesi abra aksi di druk deki, dan joe sa si tapoe bladzijde 360 na aksi di e kroederi nanga san na ososma ben aksi, dati wani taki: „A de troe dati na ini ala fasi foe bribi wan boen sani de na ini?” Joe ben sa kan lési wantoe foe den kommentaar komoto foe na boekoe.
4 Joe ben sa kan go ooktoe fosi na a kaba foe a tori „Fasi foe bribi” (blz. 367). Drape joe sa feni na toemsi warti pisi „Efoe wan sma taki: -”. Na kommentaar tapoe bladzijde 369: „Ala kerki boen; joe abi di foe joe èn mi abi di foe mi” e kruderi nanga san joe ososma ben taki. Moro fara joe ben sa kan lési punt di e fiti èn di de na ondro na opmerking disi.
5 Na Tak-go-tak-kon-boekoe kan jepi joe ooktoe foe leri fa joe kan bigin takmakandra. Proeberi ibri wiki bifo joe e go na ini na velddienst foe loekoe wan ofoe toe punt foe na pisi di nen „Inleiding foe gebroiki na ini na velddienst” (blz. 9). Gebroiki difrenti foe den inleiding disi ini na velddienst. Tjari kenki kon ini joe inleiding èn disi e anga foe na tori foe takmakandra èn a gebied pe joe e wroko. Na ini wan sjatoe ten joe sa kan si kande dati joe sa de moro doeltreffend èn sabi moro foeroe foe tjari sma so fara foe bigin wan takmakandra.
6 Joe no ben firi joe srefi so switi wan dé di wan ososma ben gebroiki wan tekst tapoe wan fowtoe fasi? Hori na ini prakseri taki na Tak-go-tak-kon-boekoe ben sa kan de wan jepi nanga a pisi di nen tapoe bladzijde 445: „Tekst di nofotron sma e gebroiki fowtoe”. Drape den e sori joe na tapoe bladzijde pe kommentaar e gi ini a ferklari foe 85 tekst di nofotron sma e gebroiki fowtoe.
7 Efoe den sma di wi e studeri nanga den e poti aksi, dan wi kan jepi den foe feni na piki nanga jepi foe a Tak-go-tak-kon-boekoe. Efoe soboen wi libi wan eksemplaar foe na boekoe disi na den, dan wi kan jepi den no wawan foe sreka densrefi foe feni wan piki tapoe foeroe foe den égi aksi foe den, ma ooktoe tapoe aksi di mati nanga famirman e poti gi den. Wi e gi Jehovah tangi foe na diri jepi-sani disi di kan abi sowan kefarlek bigi krakti na tapoe wi velddienst activiteit. Meki wi gebroiki en dorodoro leki wan prijse foe en glori nen. — Ps. 66:7, 8.