Wan toemsi moi demonstratie foe brada lobi
1 Soleki taki nofotron na ini wi Kownoekondredienst, dan wan tranga fanowdoe de ete foe moro Kownoekondrezaal. Den brada nanga sisa e gi geregeld bijdrage foe Kownoekondrezaalfonsoe foe na Genootschap èn disi de troetroe wan switi sani. A de ini akroederi na kristen jeje foe „lobi foe gi sani” alaten. Dati den brada nanga sisa lobi foe gi sani, e bewijsi dati wi e poti wi howpoe tapoe Gado, „di e gi wi ala sani foeroe foe njanboen foe den” (1 Tim. 6:17, 18). Te joe loekoe en boen dan now, a no doro wan jari bakadi a fonsoe bigin ini Bakrakondre, dan de fosi lening gi kaba.
2 Boiti den moni jepi foe gemeente nanga aparti sma dan ooktoe na tra fasi tapoe wan lobifasi sani doe. Wrokoman di koni foe doe wroko ben gi den warti ten nanga koni na wan friwani fasi foe jepi bow Kownoekondrezaal. Trawan ben gi apparatuur nanga materiaal. A de wan sani di e gi dek’ati foe si dati someni nanga den heri ati e wroko makandra. Foedi wi alamala „abi koni di de difrenti akroederi na no-ferdini boenfasi di ben gi wi”, meki wi tan gebroiki den dorodoro. — Rom. 12:4, 6.
3 Na nomroe fisitiman tapoe na laste Memrefesa no tjari kon boen na joe froestan na fanowdoe foe bow moro foeroe Kownoekondrezaal? Na apostel Paulus ben gi dek’ati na den Thessalonikasma „foe sori a brada lobi foe den moro foeroe” (1 Thess. 4:9, 10). Efoe joe e tan doe disi tapoe den praktisfasi di kari dja, dan joe sa sori na kristen jeje foe gi sani (Matt. 10: 8; Tori. 20:35). „Meki tog spesroetoe joe brada lobi tan.” — Hebr. 13:1.