Loekoe go na Jehovah ini ala sani di wi e bigin foe doe

¹ Ini ala sani di wi e bigin foe doe wi abi a blesi foe Jehovah fanowdoe. Fa a de wan koni sani foe froestan disi, den e tjari kon boen na krin ini Psalm 127:1: „Efoe Jehovah srefi no e bow na oso, dan a de foe soso taki den bowman wroko tranga na dati. Efoe Jehovah srefi no e bow a foto, dan a de foe soso taki a waktiman ben hori wakti.” Foe dati ede wi moesoe de seiker taki ini noti san wi e doe wi e libi a Mekiman na dorosei foe dati.

² Trawan e loekoe wi: Ini a ten disi, dan den sma di sabi den fasi foe bow, e froewondroe srefisrefi foe den sani di Jehovah Kotoigi e doe tapoe a kontren disi nanga den Kownoekondrezaal. Na so wan koranti ini wán kontren na Amerkankondre (V.S) ben taki: „A ben de leki wan legre foe friwani bowgroepoe foe den Jehovah Kotoigi ben fadon kon na inisei, di ben kon foe a dri dei „Bowprojekt Kownoekondrezaal”, èn a ben de foe troe wan dri dei projekt. . . . Ini dri dei a bowkomte foe a Kownoekondrezaal ben kon èn gowe, ma san den doe, sma no sa frigiti esi.” Ini wan koranti foe wan presi na Bakrakondre den ben skrifi na ondrosei foe wan toemoesi moi fowtow foe den bow-wroko: „Jehovah Kotoigi e doe foeroe srefisrefi ini a tori foe ’a meki’ foe wan njoen Kownoekondrezaal na wan presi Lunette, in Utrecht: A bow bigin esrede. A zaal moesoe kaba tamara.”

³ Wan tra Amerkan koranti ben taki: „Te joe si fa wan groepoe Jehovah Kotoigi e hanteri ambra, dan joe kan taki dati joe si fa wan bergi ston nanga oedoe foe bow, e kon tron wan oso. Te den Kotoigi e meki wan oso, dan joe e si leti na fesi joe eigi ai fa na tapoe wan gewoon sementi plaat, wan constructie, nanga skotoe, di e prati den kamra, nanga wan dak e kon èn disi e pasa ini moro mendri ten leki a ten di gewoon temreman abi fanowdoe foe poti ala den wrokosani foe den klariklari.”

⁴ Ini Montana na Amerkankondre, pe wan sma ben teki a projekt gersi nanga a bow foe wan maksin, wan njoensoe skrifiman ben taki: „A meki foe wan maksin? A kan, ma dan nanga a toemoesi soifrifasi di de fanowdoe foe seni wan raket go na moenkenki èn nanga a fasi fa wán pitsgroepoe e wroko na wan toemoesi boen fasi na den otorace foe Indianapolis.” Na tapoesei foe wan artikel nanga wan fowtow ini wan koranti foe wan presi ini Zutphen, den ben skrifi foe wan esi-esi bowprojekt no so langa pasa: „’Wan wondroe’ tangi foe boen orga nanga na ori di sma e ori densrefi ordroe di den gi den”. Wan tra njoensoe koranti ben skrifi foe a bow foe wan njoen zaal ini Tilburg: „A fadon di den moro leki 250 bowmira nanga redi helm ben fadon tapoe a bow, ben de wan ongewoon sani foe si. Sma di ben e pasa, ben tan tanapoe foe froewondroe. Den ben e si leki a gersi taki a oso e opo komoto ini a gron kon na tapoe.”

⁵ A e doe boen foe si fa so srefi ini wi kondre foeroe friwani wrokoman ben e gi densrefi ini den jari di pasa foe jepi na den bowprojekt foe Kownoekondrezaal. So wan jeje foe wani jepi de foe prèise troetroe èn a de ini akroederi nanga den wortoe ini Psalm 110:3 „A pipel foe joe sa de klariklari foe gi densrefi.” Wan foto-opziener ben taki: „Wi de wan bigi famiri di e wroko makandra na a bow foe wan Kownoekondrezaal.” Ma ala ten moro nanga moro sma di sabi a wroko nanga algemeen wrokoman de fanowdoe, foe di na ini a heri kondre den e tan e bow njoen Kownoekondrezaal. Nanga leti wan koranti edepenti ben taki: „Foeroe anoe e meki a wroko kon lekti”.

⁶ Fa disi na wan ondrofeni, di joe no sa frigiti moro, foe jepi doe wroko na so wan projekt. Wan Kotoigi ben taki: „A de moeilek srefisrefi foe taki sortoe firi a e gi, foe si taki wi eigi Kownoekondrezaal e bow. Mi denki taki a projekt disi foe wrokomakandra e gi wi a firi taki wi de wan famiri, èn taki wi sabi dati ibriwan foe wi doe a pisi foe en, efoe a ben de now a piki foe spigri na gron noso a meki foe a dak. A wanfasi foe wi nanga a organisâsi seiker ben sori taki a troe taki Jehovah tanapoe na wi baka. Wi alamala sa prakseri na a bow disi baka leki wan toemoesi spesroetoe sani.” Baka di wan sma ben teki prati na a wroko foe wan Kownoekondrezaal projekt a ben skrifi: „Mi e studerie ete ini a Tjari kon na wan ini anbegi boekoe. A projekt disi ben de wan toemoesi moi demonstrâsi foe na wanfasi di den e skrifi foe en ini a boekoe disi. Kesekese no de. Foe di mi wroko so sei na sei nanga den brada, meki mi firi taki mi taki mi tai moro tranga nanga den. Mi e firi troetroe taki mi de wan pisi foe na organisâsi disi. Wan tra fasi foe libi no de. Baka so wan ondrofeni wan sma no kan firi kwetikweti taki a de en wawan. A jeje foe Jehovah de djaso!”

⁷ Sondro foe kibri sani, wan koranti ini Amerkankondre ben taki: „Den boen bakapisi di den Jehovah Kotoigi abi nanga a ’esi bow’ foe den presi foe den foe anbegi, no de soso foe di den e wroko makandra, ma so srefi foe di den e gi densrefi foe dini .” Wan stafmemre foe wan universiteit ben fisiti wan bowprojekt ini a birti èn a ben taki: „Disi moi kefarlek! Di mi ben e rèi kon, mi ben e si bord nanga nomroe foe ala sei ini Nebraska nanga difrenti tra foto. Joe sabi, sma kan taki san den wani foe den kerki leri foe den, ma disi na wan troetroe kresten jeje.” A jeje disi foe gi joesrefi foe dini sma ben si toe na ini wi kondre. — Neh. 2:18.

⁸ Kande trawan e kisi deki-ati srefi foe gi wan bijdrage, so leki wan bisnisman ini a birti pe den ben e bow wan njoen Kownoekondrezaal. Di a oso ben kaba bow, a ben go drape wan sonde bifo a konmakandra ben bigin èn a ben gi wan bijdrage foe horibaka gi na projekt, foe di en, na so a ben taki, ben wani de wan boen sma na wi sei.

⁹ A meki foe den tekening foe den zaal nanga a fasi fa joe o poti den tanapoe: Foe gebroiki den sani di sma gi na wan froestan fasi, den moesoe poti boen prakseri tapoe a meki foe a tekening foe wan Kownoekondrezaal nanga a fasi fa joe o poti en tanapoe. Den oso moesoe de bescheiden. Ini a Diniwroko-boekoe den e poti krakti na bladzijde 63 taki ’foe di a Kownoekondrezaal na wan presi foe anbegi, meki a no moesoe de wan oso di moesoe moi pasa marki foe kan naki sma ati. A zaal moesoe man gebroiki boen. (Teki gersi Tori foe den Apostel 17:24). A moesoe de wan presi pe sma kan sidon boen èn wan presi di fiti foe hori kresten konmakandra di e jepi wi foe gro na jejefasi èn foe kisi moro sabi foe Jehovah, èn pe wi e kisi deki-ati foe abi wan prati na a diniwroko foe en Kownoekondre.’ Na ondrofeni e leri wi taki moro foeroe foe den preikiman e njan moro boen foe en te a Kownoekondrezaal de so krosibei leki a kan foe a presi pe den e libi.

¹⁰ Moro foeroe a de so taki toe aparti Kownoekondrezaal na difrenti presi ben sa moro betre leki wan oso pe toe Kownoekondrezaal de na ini. Efoe na wan froestan fasi den teki wan boen presi, dan foe ibriwan foe den zaal disi toe noso moro gemeente kan meki gebroiki.

¹¹ Bifosi joe bigin nanga a bow foe wan zaal, joe moesoe loekoe difrenti sani fosi. Ofara na zaal tanapoe foe a gebied foe wan gemeente? Sma kan doro makriki na oso? Bijbelstudie nanga sma di sori belangstelling no so langa pasa, sa kon na den konmakandra ini a Kownoekondrezaal efoe a zaal no de ini a birti pe den e libi? Na faja di den preikiman abi na a bigin no sa gowe pikinpikin te baka wan moro langa pisiten a e aksi moro ten èn moni foe rèis?

¹² San den ben doe: Foe sensi 1987 te now, dan 6 njoen zaal nanga wàn congreshal ben bow. Den Kownoekondrezaal disi e gi presi na 7 gemeenten. Fa disi de wan moi sori foe kresten lobi! Ini amerkankondre dati ala jari 200 njoen zaal e bow èn so srefi toe den e repareer 200 zaal di ben de kaba. Foeroe hondrohondro brada nanga sisa e gi, nanga foeroe lobi, den ten nanga den krakti foe jepi den gemeente nanga den bowprojekt foe den Kownoekondrezaal foe den (Fil. 2:4) Foeroe foe den friwani jepiman disi e doe wroko so srefi toe foe a boen foe distriktkongres nanga kringkonmakandra, èn son brada abi tra wroko foe doe gi a Genootschap, foe eksempel na ini Ati-oso kontaktikomte noso Kongreshalkomte.

¹³ Den sma di e wroko ini na bowkomte foe a kondre, de foe prèise troetroe foe den boen-ati èn a jeje di den e sori foe de klariklari foe jepi, foe di den e horibaka gi a toemoesi bigi fanowdoe di de na a sei foe a bow ini Jehovah organisâsi di e gro. „A jeje foe den, foe de klariklari foe jepi, abi krakti tapoe wi alamala,” na so wan bowkomte foe wan presi ben taki, „ma a bekwaam tiri èn a tirigroepoe, di man foe teki bosroiti, èn di Jehovah ben gi na wan lobifasi foe di a ben poti wan bowkomte, sori taki a warti srefisrefi. Leki komte foe a kondre, wi ben sa wani taki a Genootschap opregti tangi foe di den ben seti so wan sani. Sondro a seti disi nanga a jepi foe a santa jeje foe Jehovah, a wroko disi no ben sa komoto boen.” Den sortoe firi disi, foe a tiri foe a bowkomte foe wan presi, di ben tjari kon na fesi nanga den wortoe disi, sa de den firi toe di ete foeroe tra sma abi.

¹⁴ Moro friwani wrokoman de fanowdoe: Foe di a nomroe foe gemeente e tan gro, meki moro Kownoekondrezaal de fanowdoe. Moro moni nanga wrokoman de fanowdoe foe kan sorgoe gi na nowtoe disi. Ini a ten di e kon, wi sa bow moro Kownoekondrezaal.

¹⁵ Soema sa fiti foe go: Te den e bigin wan bowprojekt foe wan Kownoekondrezaal, dan friwani-wrokoman foe a gemeente di o gebroiki a njoen zaal dati noso a zaal di den o meki kon boen baka, nanga friwani wrokoman foe den gemeente foe a birti dati, moro foeroe sa de den sma di de ini a bowgroepoe. Sonwan foe den e kisi leri èn baka dati a sa fiti foe den kan gebroiki den leki sma di abi ondrofeni ini a wroko noso leki vakman, so taki den kan vul in wan Aksi-lijst gi wrokoman foe a bow foe Bethel.

¹⁶ Den sma di a bowkomte abi ala moen spesroetoe fanowdoe, na vakman nanga ondrofeni di e gi densrefi foe jepi na a bow foe a njoen bijkantoro. Ini a gemeente den moesoe abi wan boen nen èn a skin foe owroeman foe a gemeente moesoe feni den boen. Efoe joe de foe a groepoe disi, a de so dan taki joe ben sa kan seti joe afersi na so wan fasi taki joe kan gi jepi na a pisi disi foe dienst gi Jehovah (Neh. 4:6). Efoe dati de so, dan aksi na a fesiman opziener noso a sekretarsi ini joe gemeente foe den gi joe wan Aksi-lijst gi wrokoman foe a bow foe a njoen bijkantoro foe joe vul in èn gi den brada a formulier wantewante baka.

¹⁷ Boiti dati, joe abi man di lepi na jejefasi, di de owroeman noso dinari ini a diniwroko èn di ben sa kan abi na wroko foe loekoe fa sani e waka. Ala di kande a ondrofeni foe den na bow sei no de so foeroe, tokoe den toe kan vul in wan Aksi-lijst èn gi disi na den brada. Foeroe sma foe a groepoe disi e jepi na den afdeling di no abi foe doe nanga a koni foe man bow. Trawan e kisi leri so taki ini a ten di e kon den kan gebroiki den gi moro afersi. Wi e gi owroeman nanga dinari ini a diniwroko a deki-ati foe go prakseri serjoesoe efoe den kan gi densrefi foe doe a wroko disi foe meki wi Tata Jehovah kisi grani. — Teki gersi 1 Samuèl 3:8; Matèus 4:20.

¹⁸ Ala sma kan abi wan prati na disi: Srefi efoe a situwâsi no e gi pasi foe wi gi i nen leki friwani wrokoman gi den troetroe bow-wroko, dan wán prenspari sani de foe na afersi na san ala sma kan abi wan prati. San na dati? Gi Jehovah grani nanga den warti sani foe wi” (Odo 3:9). Wi kan de seiker taki Jehovah breiti srefisrefi nanga a moni bijdrage di wi e gi na wan lobifasi foe e horibaka gi bow foe moro Kownoekondrezaal. Wi e warderi den bijdrage srefisrefi di sma e gi na a Zaalbowfondsoe, èn omoro gemeente e kon, a fanowdoe gi moro betre presi e tan (Tori. 20:35; 2 Kor. 9:6,7). Di na ini a fosi jarihondro wan fanowdoe ben de, dan na apostel Paulus ben gi den Korentesma a deki-ati: „Tokoe, neleki fa oenoe de bogobogo ini ala sani, ini bribi, ini wortoe nanga sabi nanga ala serjoesoe fasi èn ini a lobi disi foe wi gi oenoe, meki a de so taki ini a fasi disi oenoe gi boen foeroe toe.” — 2 Kor. 8:7.

¹⁹ Ija, Jehovah e jepi wi pasa marki na a bow foe foeroe oso foe anbegi so taki en e kisi a grani. Lobi di e òfer ensrefi e boeweigi brada nanga sisa. Disi de joisti a sortoe lobi foe san Jesus ben taki dati a ben sa de wan krinkrin marki foe en troe foetoeboi (Joh. 13:34, 35). Den e poti den afersi foe trawan fosi a di foe densrefi, neleki fa Jesus ben doe dati. Ini Gado njoen grontapoe dan leki fa a sori, a de klariklari foe doe sani nanga a gro ini vakbekwaam-fasi foe den dienstknekti foe Jehovah, sa gebroiki moro ete.

²⁰ Seiker, den sma di e doe bow-wroko, foe a boen foe na anbegi foe Jehovah, e kon si taki Psalm 127:1 de troe. Ala di den vakman e gi den ten nanga krakti na wan friwani fasi, foe na bow foe moi Kownoekondrezaal, tokoe a de a blesi foe Jehovah di e djaranti taki sani e go boen. Wi abi now moro leki wanten wrokoman fanowdoe. Sensi di a opo, dan a Zaalbowfondsoe foe a Genootschap ben man foe jepi foeroe gemeente nanga a Kownoekondreprojekt foe den èn now wi de bezig nanga a bow foe a njoen bijkantoro. Meki a de so taki wi alamala e tan gi fri, foe wi ten èn „warti sani” ala di wi e loekoe go na Jehovah foe blesi den moeiti foe wi. — Odo 3:9.