Internationaal Kownoekondre zaalbow
1 Doronomo a de fanowdoe foe bow Kownoekondre zaal na heri grontapoe. Soso na ini a dienstjari di pasa, 3288 njoen gemeente ben opo. Foeroe foe den gemeente disi de na ini Afrika, Asia, Mindri-Amerika, Zuid-Amerika, nanga Owstoe-Europa.
2 Tra uitgave foe Wi Kownoekondre Dienst taki foe a gro na ini a wroko foe bow Kownoekondre zaal na ini wan toe kondre. Tokoe bericht e sori taki wán kondre di abi 568 gemeente abi wán Kownoekondre zaal nomo. Wan tra kondre abi wán Kownoekondre zaal gi 129 gemeente. Wan trawan abi wán Kownoekondre zaal gi 41 gemeente. Foeroe tra kondre di abi moro leki 1000 gemeente no ben man bow srefi wán Kownoekondre zaal ete. Disi de foe di den abi problema na ekonomia sei. Ala di foeroe wroko doe kaba, tokoe foeroe de foe doe ete. Wi de seiker taki den gemeente na ini wi kondre ben sa wani jepi foeroe foe den gemeente disi so taki den kan abi boen Kownoekondre zaal.
3 Disi de akroederi 2 Korentesma 8:14, pe skrifi: „Foe meki balansi de, dan den sani di oenoe abi toemoesi foeroe now, ben sa kan poeroe a mankeri di den e mankeri sani.” Foeroe kondre abi den eigi Kownoekondre zaal fonsoe, ma na ekonomia situwâsi foe den no e gi den brada foe drape pasi foe tjari a lai foe bow Kownoekondre zaal leki fa dati de fanowdoe. Ma nanga a jepi foe den brada foe tra kondre, a Genootschap ben man jepi foe bow 413 njoen Kownoekondre zaal èn kenki 727 trawan na ini wan pisi ten foe fo moen nomo, na ini 75 difrenti kondre. Foe di moro Kownoekondre zaal e tan de fanowdoe, meki Bakrakondre abi a grani ete foe jepi na Owstoe-Europa fonsoe. A de fanowdoe foe gebroiki a Kownoekondre zaal fonsoe na ini a kondre disi foe jepi nanga a bow na ini tra kondre. Ala di den fonsoe na Amerkankondre sa tan leni moni na den Kownoekondre zaal di moesoe bow na ini a kondre disi, tokoe pe disi kan, èn efoe moni de foe dati, den fonsoe sa gebroiki toe foe jepi gemeente dorosei foe Amerkankondre. Wi e prisiri foe si taki na heri grontapoe moro Kownoekondre zaal bow gi a glori foe Jehovah.—Ps. 102:16; Hag. 1:7, 8.