Overzicht gi a theokrasia diniwroko-skoro
Overzicht nanga tapoe boekoe, di abi en fondamenti tapoe a materiaal foe a theokrasia diniwroko-skoro foe den wiki foe 5 mei te nanga 18 augustus 1997. Gebroiki wan aparti pisi papira foe skrifi den piki foe someni aksi di joe man piki na ini a ten di den gi joe pasi foe doe dati.
[Wan toe sani foe hori na prakseri: Soso bijbel wan sma mag gebroiki foe gi piki tapoe ibri aksi na ini a ten foe a schriftelijk overzicht. Den bodoi di tanapoe baka den aksi de foe joe ondrosoekoe sani joesrefi. Den bodoi di e sori na sortoe Waktitoren joe moesoe go, no e kari ala ten den bladzijde nanga den paragraaf.]
Gi piki tapoe ibriwan foe den froeklari di e kon now efoe den boen noso fowtoe:
1. Hiskia ben waka na ini den foetoestap foe en papa, Akas, foe di a ben horibaka gi na anbegi foe falsi gado na ini Juda. [it-1 bladzijde 1058, 1059]
2. Den marki foe den lasti dei de foe feni soso na ini Mateus kapitel 24, Markus kapitel 13, nanga Lukas kapitel 21. [kl bladzijde 102 boksoe]
3. Na aksi foe Johanes a Dopoeman, di de foe feni na ini Lukas 7:19 e tjari kon na krin taki a no ben abi nofo bribi. [Alawiki bijbel leisiprograma; loekoe wO87 1/1 bladzijde 16.]
4. Na a lasti Pinksterfesa di Jesus ben abi nanga den disipel foe en, a ben de soso Petrus di ben taigi en: „Mi no sa taki kwetikweti taki mi no sabi joe.” [Alawiki bijbel leisiprograma]
5. No wan boeweisi de na ini bijbel di e sori taki na apostel Petrus ben de wan man di ben trow. [Alawiki bijbel leisiprograma]
6. A Kownoekondre di Jesus ben preiki foe en, de na ondro, noso de moro lagi leki na universeel soevereiniteit foe Gado. [kl bladzijde 91 paragraaf 4]
7. Herodes Antipas ben de a tiriman di ben gi a komando foe koti na ede foe Johanes a Dopoeman poeroe. [it-1 bladzijde 1041]
8. Di Jesus ben taigi den Fariseiman taki a Kownoekondre foe Gado ben de na den mindri, a ben taki foe ensrefi leki a Kownoe na ini a ten di e kon (Luk. 17:21). [kl bladzijde 91 paragraaf 6]
9. No wan reidelek froeklari de foe san ede a boekoe Lukas abi moro difrenti wortoe na ini, moro leki ala den wortoe makandra na ini den tra dri Evangelie. [si bladzijde 187 paragraaf 2]
10. No wan memre foe a Tiri Skin ben man fisiti den kondre foe Owstoe-Europa di a wroko foe wi ben tapoe na ini a pisi dati foe grontapoe. [jv bladzijde 506 paragraaf 1]
Gi piki tapoe den aksi di e kon now:
11. Sortoe film di a Genootschap ben tjari kon na doro na ini 1954, ben gi a poebliki na heri grontapoe na okasi foe si o bigi na organisâsi foe Jehovah de? [jv bladzijde 480 paragraaf 3]
12. Na sortoe fasi son preikiman e wini a tjalensi foe feni sma foe taki nanga den na ini a diniwroko? [jv bladzijde 516 paragraaf 2-4]
13. Foe san ede Jehovah ben gi Elia a komando foe „salfoe Hasaèl leki kownoe foe Siria”? (1 Kow. 19:15) [it-1 bladzijde 967]
14. San Jesus ben wani taki di a ben taki: „Abi sowtoe na ini oensrefi, èn tan abi vrede nanga makandra”? (Mark. 9:50) [Alawiki bijbel leisiprograma; loekoe wO85 15/5 bladzijde 24 paragraaf 12.]
15. Sortoe warti lès wi kan leri foe a fasi fa Jesus ben handri ini a tori foe a bijdrage foe a pôti weduwe? (Mark. 12:42-44) [Alawiki bijbel leisiprograma; loekoe wO87 1/12 bladzijde 29 paragraaf 7–bladzijde 30 paragraaf 1.]
16. Fa wan toe foe den eigifasi foe Petrus de foe si na ini a fasi fa Markus e skrifi, èn san kan de a reide gi disi? [si bladzijde 182 paragraaf 5, 6]
17. Te wi teki Mateus 6:9, 10 gersi nanga Lukas 11:2-4, foe san ede wi kan taki dati a Modelbegi no ben meki foe taki ibri wortoe foe en baka? [Alawiki bijbel leisiprograma; loekoe wSR90 1/5 bladzijde 29 paragraaf 6.]
18. Na sortoe fasi na overtoigi foe wi taki bijbel de foe froetrow e kon tranga, te wi e leisi den tekst soleki Lukas 3:1, 2? [si bladzijde 188 paragraaf 7]
19. Sortoe tekst na ini Psalm èn na ini Hebrewsma e sori taki Jesus no ben bigin tiri wantewante na baka di a ben opo go na hemel? [kl bladzijde 96 paragraaf 15]
20. Foe di wi sabi taki noiti Jesus ben lasi bribi na ini Gado, dan foe san ede a ben bari taki: „Mi Gado, mi Gado, foe san ede joe gowe libi mi?” (Mark. 15:34) [Alawiki bijbel leisiprograma; loekoe wO87 15/6 bladzijde 31.]
Poti a (den) wortoe noso a pisi foe a prakserilin di de fanowdoe foe klari ibriwan foe den froeklari di e kon now:
21. A trow foe Herodes Antipas nanga Herodias ․․․․․․․ èn a ben de so srefi ․․․․․․․ na ondro a wet foe den djoe. [it-1 bladzijde 1046]
22. Moses ben aksi en swagri, ․․․․․․․, foe de a ․․․․․․․ gi a nâsi Israèl na a ten di den ben waka foe a kontren foe a Bergi Sinai go na a ․․․․․․․ [it-1 bladzijde 1061]
23. ․․․․․․․, a kownoe foe Tyrus, ben jepi Salomo foe bow a tempel na Jerusalem di a ben gi ․․․․․․․ èn ․․․․․․․ [it-1 bladzijde 1057]
24. Den ben seni Harold King nanga Stanley Jones go na ․․․․․․․ na ini 1947, èn nanga dati China ben tron wan foe den fosi kondre foe Owstoesei pe den ben seni zendeling di ben kisi skoro foe Gilead, go. [jv bladzijde 489 paragraaf 2]
25. Sibia nanga Light ben de nen foe ․․․․․․․ di zendeling ben gebroiki foe gi kotoigi na ini West-Indië. [jv bladzijde 463 paragraaf 1]
Teki a joisti piki na ini ibriwan foe den froeklari di e kon now:
26. Foe sorgoe taki zendeling de, den ben seti (a theokrasia diniwroko-skoro; a Kownoekondre diniwroko-skoro; Gileadskoro) na ini (1939; 1943; 1946). [jv bladzijde 458 paragraaf 3]
27. A de krin taki (Aleksander; Diotrefes; Hymena-us), wan sma di ben fadon komoto na bribi na ini a fosi jarihondro, ben leri sma taki na opobaka ben de wan simbôlis sani èn taki wan opobaka gi den dedewan no ben sa de na ini a ten di e kon. [it-1 bladzijde 1124]
28. (Herodes Agrippa I; Herodes Antipas; Herodes a Bigiwan) ben gi a komando foe kiri den boi di no ben owroe moro leki toe jari, sjatoe baka di Jesus ben gebore. [it-1 bladzijde 1038]
29. A spotoe di Ismaèl ben e spotoe nanga Isak, di skrifi na Genesis 21:8, 9, de a bigin foe wan pisi ten foe (400; 430; 450) jari na ini san den djoe ben kisi pina, di ben kon na wan kaba di Jehovah ben froeloesoe Israèl foe (Asiria; Babilon; Egipti) na ini (537; 740; 1513) b.G.T. [it-1 bladzijde 1161]
30. Soleki fa a skrifi na ini (Mateus 10; Mateus 24; Lukas 21), Jesus ben gi finifini bodoi na den wan di a ben seni go preiki. [si bladzijde 180 paragraaf 31]
Soekoe a joisti tekst gi ibriwan foe den froeklari dja na ondrosei:
Mark. 7:20-23; 13:10; Luk. 8:31; Tori. 12:20-23; 17:11
31. Wi moesoe de na ai foe man si ibri godelowsoe noso pori idea di kan kon na ini wi prakseri nanga wi ati, èn wi moesoe poeroe en bifo a e kon tranga na ini wi. [Alawiki bijbel leisiprograma; loekoe wSR89 1/11 bladzijde 8 paragraaf 16.]
32. Den ogri jeje sa de nanga Satan na ini a situwâsi pe den no man doe noti moro èn di joe kan teki gersi nanga dede, na ini „den doesoen jari” (Openb. 20:3). [Alawiki bijbel leisiprograma]
33. Wan fajafaja jeje de fanowdoe so taki a kotoigiwroko kan doe na heri grontapoe na ini wan moro sjatoe pisi ten. [Alawiki bijbel leisiprograma; loekoe wO95 1/10 bladzijde 27.]
34. Jehovah Kotoigi leri foeroe doesoendoesoen sma leisi èn skrifi, èn dati ben gi sma na okasi foe studeri bijbel densrefi. [jv bladzijde 466 paragraaf. 2, 3]
35. Sma moesoe loekoe boen foe no teki grani gi densrefi, foe di bigifasi na wan sani di Gado no lobi srefisrefi, soleki fa foeroe libisma no lobi dati toe. [it-1 bladzijde 1043; loekoe so srefi wO94 1/9 bladzijde 21.]