Jepi njoen sma foe go a fesi na jejefasi
1 Joe ben abi oiti na prisiri foe studeri nanga wan sma te leki a doro a marki dati a teki a sé foe Jehovah? A de wan diri momenti te wan sma e symboliseer taki a gi ensrefi abra nanga jepi foe a dopoe ini watra. Ibri jari tin doesoendoesoen sma e doe a stap disi ma net leki pikinnengre abi tiri fanowdoe te den e gro, na so den njoen sma ooktoe moe kisi jepi foe go a fesi na jeje fasi. — 1 Kor. 4:14-17; 2 Kor. 6:13.
2 A no de foe taki dati a ben gi oen alamala prisiri foe si tapoe twarfoe april so foeroe njoen sma tapoe a Memrefesa. Now oen moe jepi den foe kon sabi Jehovah nanga en organisatie moro boen. Fa wi kan doe disi? Loekoe a tapoe dati den njoen sma disi di abi belangstelling èn di ben de na a Memrefesa disi foe joe kari èn dati joe e teki den go na den gemeente konmakandra èn e jepi den foe leri sabi tra sma ini a gemeente. Gi den dek’ati foe fisiti na „Fertrow ini Jehovah”-districtscongres èn na kringkonmakandra di e kon. Meki wan boen gebroiki foe den bodoi tapoe bladzijde 14, 15 nanga 18, 19 foe na Tjari kon na a heri grontapoe-brochure. No hori joesrefi na baka foe di joe e denki dati den no klari foe dati ete. Foeroe sma ben go fisiti geregeld den konmakandra, sjatoe bakadi den ben kon ini kontakt nanga a waarheid foe a fositron.
JEPI BIJBELSTUDI
3 Sani kan doe moro foe jepi wi bijbelstudi? Joe leri den fa den moesoe studeri? Den abi jepi fanowdoe foe sreka densrefi tapoe gemeente konmakandra èn teki prati na dati? Gi den dek’ati foe skrifi den nen tapoe na theokratis diniwrokoskoro efoe den boen foe dati. Nanga dati den sa kisi wan warti opleiding èn a sa gi den fertrow. Teki prati geregeld na den konmakandra e meki foe a moro bigi pisi dati wan sma e go a fesi na jeje fasi.
4 Proeberi foe leri sabi na bijbelstudenti boen sondro foe go boemoei nanga en persoonlek libi. Skotoe de di e tapoe en foe go a fesi na jeje fasi? Efoe joe e si dati a moe tjari kenki kon ini a tori foe a kristen libifasi, jepi en nanga dati tapoe wan switi èn tactvol fasi.
5 Gemeenteboekoestudi-leider kan seti sani foe kon sabi den sma di abi studi èn foe gi den dek’ati foe fisiti geregeld na boekoestudie. Te na dienstopziener e fisiti na boekoestudigroepoe, dan a kan loekoe a bijbelstudi wroko ini a groepoe dati nanga a boekoestudileider. Den wani kande foe go nanga son prékiman na den bijbelstudi èn gi jeje dek’ati. Te na gemeente-opziener e fisiti na gemeente dan en ofoe en oema sa feni en wan prisiri sani ooktoe foe go nanga prékiman na bijbelstudi. Na dienstopziener sa loekoe na bijbelstudi rapport-systema èn seti sani di fiti dati prékiman teki na kringopziener ofoe en oema go na den bijbelstudi foe den. Disi e poti krakti, na tapoe o tranga fanowdoe a de dati na dienstopziener e hori wan geregeld schema na a fisiti foe boekoestudi èn e wroko krosbé makandra nanga den boekoestudileider. — Rom. 1:11; Fil. 1:25; loekoe na Aksiboksoe ini km 6/81.
6 Baka te wan njoen sma teki dopoe, dan wi e tan jepi en foe go moro fara a fesi (Gal. 6:10; 1 Petr. 1:22; 4:8; Fil. 3:13-16). Sorgoe grantangi dati den toe publikatie di wi e rikomanderi studeri nanga den studenti, a winsi a ben fisiti kande na boekoestudi di wan foe den toe publikatie disi ben e studeri (km 5/83 blz. 8 km 11/83 blz. 7). Efoe disi no psa, dan a kande dati a studenti no de na jeje fasi sofara ete foe tanapoe tapoe en égi foetoe. Efoe wan sma e denki dati foe persoonlek omstandigheden ede a no man foe jepi wan bijbelstudenti foe gro kisi jeje lepifasi, dan a moe taki na afersi nanga den owroeman. — Loekoe na Aksiboksoe ini km 6/86.
7 Na prisiri di wi e ondrofeni te wi e si wan njoen sma e go a fesi na tapoe a pasi foe libi, e doro wan hémarki te wi e si ai gro go miti kristen lepifasi. Dan ensrefi ooktoe sa kon ini wan positsi foe jepi tra njoen sma foe go a fesi aladi wi alamala e feti baka na marki foe libi. — 1 Tim. 4:16.