Aksiboksu

● A de joisti fu meki particulier bodoi di e go fu afersi leki dienst fu datra ofu rai tapu den sortu ofu tra kontren disi waka lontu mindri brada nanga sisa?

Ini a tori fu kristen waka nanga libi na apostel Paulus ben skrifi dati na „gemeente de wan postu èn wan yepi fu na waarheid” (1 Tim. 3:15). Sobun na gemeente no mu de wan kanaal nanga yepi fu san particulier bodoi mu prati, efu a de now tapu spesrutu komakandra di e hori spesrutu fu na marki dati ini na kownukondrezaal ofu tra presi ofu ini na vorm fu brochure di druk èn brifi di e seni waka lontu ofu cassettelolo ofu videobanti.

Na Wachttoren nanga Ontwaakt! ben gi tumsi moi bodoi èn rai fu na fasi tapu san wi musu du nanga datraproblema èn mu hori na wet fu Gado ini na tori fu brudu hei. Ooktu artikel ben kon na doro di ben go fu frede, depressie nanga tra emotioneel problema. Den artikel disi ben meki fu gi bodoi, ma den no e ferteri taki bepaalde sortu diagnosestelling, therapie, datra, raiman ofu behandelingsinstituten moro bun, fudi wan sma ini den afersi disi musu teki persoonlijk wan bosroiti. — Na Wachttoren, 15 september 1982, blz. 22-30.

Fudi furu Kotoigi fu Yehovah de, dan son sma na mindri fu suma wi brada nanga sisa de, ben proberi fu meki den bisnisafersi nanga na fasi fa den e luku sani go na fesi nanga yepi fu artikel, brochure, casettelolo di den meki, di e taki nanga den sma di de ini na organisatie. Den artikel disi e go fu prenspari èn moi tori, ma fu san-ede den e meki den e waka lontu? Fu wini sma di wani bai sani. Awinsi sonwan fu den no e panya fu du bisbis dan ete den abi kande persoonlijk fasi fu si sani di poti ini „theocratis tongo” nanga pisi di teki puru fu na bijbel. Efu na fasi fu sani komoto now fu wan Kotoigi ofu no, den no de kande akruderi nanga na bijbel èn na bijbel rai di owruman e gi, ma kande den abi den fundamenti tapu filosofie nanga den elementairi sani fu na grontapu. — Kol. 2:8; 1 Tim. 6:20.

Disi ben tyari problema nanga bruya kon fudi brada nanga sisa ben gi so wan particulier bodoi doro sondro fu ben denki a tori. Wi alamala, spesrutu den owruman di e wroko makandra nanga na „getrow èn koni srafu”, na suma wi e luku fu kisi tiri, musu wani fu tan farawe fu meki den sortu muilekheid disi kon (Matt. 25:45). Ooktu wi no musu meki den bisnis afersi nanga denki ofu filosofie fu wan sma go na fesi fudi wi e meki den sortu bodoi disi waka lontu na mindri brada nanga sisa. — Luku na Aksiboksu ini Wi Kownukondredienst fu juli 1977.