Aksi boksu

● Fa Yehovah Kotoygi musu si cassette-lolo di e komoto fu tra presi boyti a Genootschap?

A Genootschap e sorgu gi yeye nnyan psa marki na ini difrenti fasi, pe yu abi na ini cassette-lolo fu na beybri srefi nanga tra cassette-lolo di abi den fondamenti tapu publikâsi fu na Genootschap, so leki [ini wantu tongo] Na Waktitoren, Ontwaakt!, Mi buku nanga beybritori èn Arki na a Bigi Leriman. So srefi Kownukondremelodie nanga difrenti drama meki. Ma wi musu luku bun na ini na tori fu wi eygi cassette-lolo di e waka lontu èn di kande e go fu den srefi sani disi. Fu di wi de wan bradafasi di e frutrow makandra na so wan fasi, dan son sma ten na ten e teki kande kopie fu cassette-lolo fu trawan èn e arki den, sondro fu de seyker fu pe den komoto.

Sontron lezing di teki poti tapu cassette èn di e lontu, abi krosibey fu du nanga sani di sma e denki èn e fruwakti ofu den e meki kobroyki fu sensatie informatie na ini. A no ben sa de fu dati-ede wan koni sani fu waka baka Paulus ray na ini 2 Timoteyus 3:14? Drape, na baka di Paulus warskow gi bidrigi sma, a ben poti krakti na tapu na prenspari fasi fu sabi den sma na suma wi e arki. Wi musu de seyker taki wi no e arki na wan sani di e go „dorosey fu den sani di skrifi” na ini den Santa Buku èn na ini na yeye nnyan di e gi nanga yepi fu na „kotrow èn koni srafu”. — 1 Kor. 4:6; Mat. 24:45-47.

Na ini son kontren [ini wantu kondre] den e bariwroko na publiki èn e seri cassette-lolo fu gi leri fu na beybri na den pikin. Den cassette-lolo disi, leki fa sma e taki, komoto fu brada èn ben go lontu na ini wantu gemeente. Disi, ala di a buweygi fu ati kan sori bun, no ben sa de a srefi leki a meki kobroyki fu teyokrasiya kontakti fu yu eygi wini? (Luku Wi Kownukondredienst fu yuli 1977, blz. 4, fu yanuari 1980 blz. 3 èn fu oktober 1987, blz. 3, 4.) Yehovah organisâsi e gi moro leri leki san de fanowdu èn di abi en fondamenti tapu na beybri, fu kweki wi pikin. Fu dati-ede wi no e horibaka gi a waka lontu fu den sortu cassette-lolo disi.

Son sma kande e meki cassette-lolo fu gemeente konmakandra ofu fu kringkonmakandra nanga kongresprograma fu kobroyki gi den srefi. Kande den memre fu na gemeente di fu a wan ofu tra bun reyde no ben man de tapu den konmakandra sa warderi den sortu cassette-lolo disi tu. Ma disi no musu meki fu prati gi brada nanga sisa na ini algemeen ofu fu pristeri en na trawan fu den bay en. Meki a de so taki wi e meki dorodoro kobroyki fu ala sani di Yehovah e gi fu meki wi kisi deki-ati èn fu bow wi na yeyefasi nanga yepi fu en organisâsi.