Pristeri na bun nyunsu — Nanga na koni fu man si fa fu du
1 Na apostru Paulus ben poti krakti tapu na fanowdu fu kobroyki na koni fu man si fa fu du, te yu e pristeri na bun nyunsu na sma nanga difrenti fasi fu bribi nanga bakagron. Na ini wi ten son sma e taki, taki den de kerki sma, ala di trawan no abi wan yeye fasi èn no abi warderi gi yeye waarde. Leki preykiman fu na bun nyunsu wi musu meki na Kownukondreboskopu de switi gi „ala sortu fu sma” fu di wi e meki kobroyki fu na koni fu man si fa fu du na ini na diniwroko. — 1 Kor. 9:19-23.
FRUSTAN NA OSOSMA
2 Na praktis kobroyki fu na koni fu man si fa fu du na ini na velddienst abi na ini na man di wi man fu fiti na pristeri fu wi na den sani di na ososma abi belangstelling gi. Disi e aksi wan bun sreka. Te a preykiman sabi den difrenti tori dorodoro di den e taki psa marki fu den na ini den buku nanga tijdschrift, dan a kan de klariklari fu pristeri na bun nyunsu nanga ala sortu penti fu takimakandra. Te wi e taki nanga owruwan, yonguwan, osofamiri edeman, umasma di de na oso, umasma di de na wroko, nanga trawan, dan wi musu hori den omstandigheid fu den srefi na prakseri èn meki kobroyki fu na koni fu man si fa fu du, te wi e piki materiaal di wi e pristeri.
3 De, na ay ini na tori fu na kontren ala di yu e bigin fu taki nanga na ososma. Kande yu e si taki na ososma abi pikin, taki a abi wan spesrutu relisi bakagron, taki a abi aparti belangstelling gi na sorgu fu en oso, èn so moro fara. Nanga den bodoy disi yu kan fiti na biginwortu fu yu na den omstandigheid nanga belangstelling fu na ososma. Fu di nanga taktik yu e poti yoysti aksi èn fu di yu e arki bun na den piki fu en, dan kande yu kan si san a e bribi èn e denki èn dan yu kan bosroyti san na a moro bun fasi fu go doro nanga yu lezing.
LEZING ’SAN FITI A SMA’
4 Efu na fasi fa na ososma piki e sori taki a no e si na waarde fu na ray fu na beybri, dan yu kan sori a man fu si fa fu du sani fu di yu e kenki yu lezing èn e taki: „Mi kan aksi yu kande fu san-ede yu kon na a bosroyti dati?” Baka te yu arki na piki, yu ben sa kan go doro nanga: „Mi kan frustan fu san-ede yu e denki so. Fu taki en leti, no so langa psa mi ben leysi wan sani na ini na buku disi san seyker yu sa feni moy.” Opo dan blz. 6 fu Na beybri — Gado wortu ofu di fu libisma? èn leysi den par. 3 nanga 4. Leysi so srefi na fosi prakserilin fu par. 5 tapu blz. 7. Aksi na ososma efu a ben sa wani luku nanga ala prisiri san tra sma e teki leki buweysi fu na trufasi fu na beybri.
5 Efu wi sreka wi srefi bun èn e sori na koni fu man si fa fu du, na ini Yehovah diniwroko, dan wi sa kan taki neleki na apostru Paulus: „Gi ala sortu fu sma mi tron ala sani, soso fu frulusu wantu.” — 1 Kor. 9:22; Odo 19:8.