„Fu na sei fu mi nanga mi osofamiri . . .”
1 „FU na sei fu mi nanga mi osofamiri, wi sa dini Yehovah” (Yosua 24:15). Sowan sortu faste bosroiti fu na sei fu Yosua nanga tra edeman fu osofamiri ben de srefisrefi fanowdu efu osofamiri fu Israël ben wani kakafutu gi na druk di ini na kondre Kanaän ben de tapu tru anbegi. Na net so tu ini a ten disi wi mu de nanga na faste bosroiti ini a tori fu a sei di wi teki gi na tru anbegi fu tranga wisrefi nanga wi osofamiri fu kakafutu gi na krakti fu sani disi di no de gesontu èn di lontu wi.
2 A de na frantwortu di Gado gi na edeman fu osofamiri fu sorgu gi den osofamiri (1 Timotéus 5:8). Disi no de wawan tru ini a tori fu sani na skinfasi ma spesrutu te ai go fu yeye afersi! Famiri-ede, unu abi wan bun programma fu osofamiri anbegi, makandra nanga a gi fu praktis bijbelleri, èn unu e teki na ini un osofamiri fesi na ini a velddienst?
OSOFAMIRI TAKMAKANDRA FU NA BIJBEL
3 A no ben sa fiti ini a heri osofamiri fu denki na disi ibridei, fudi Yehovah tumsi lobi bunfasi de „ibri mamanten nyun” (Kragisingi 3:22, 23) Wan bun fasi fu du disi, na fu taki fu na deitekst di komoto fu Ondrosuku ala dei den Buku. — Luku den rai ini na fesi wortu ini na uitgave fu 1987.
4 Furu theokratis osofamiri abi wan faste ten gi osofamiri studi nanga anbegi tapu na takmakandra fu na deitekst (Deut. 4:9; 6:1, 2). Leki wan yepi na ini disi dan den buku fu na Genootschap e gi dek’ati nanga rai èn ibri osofamiri-edeman ben sa du bun fu waka na baka na rai disi. — Luku w86 1/11, blz. 24. Handleiding-buku blz. 36-38, km 3/79 blz. 1, 3.
VELDDIENST LEKI OSOFAMIRI
5 Fudi na velddienst de wan prenspari pisi fu un anbegi, meki na osofamiri mu abi na ini disi makandra wan prati (Hebrewsma 13:15). Osofamiri-edeman kan du furu fu meki na wan fasi fu a osofamiri go na fesi èn fu bow yeye krakti fudi den e wroko makandra nanga ibri memre fu na osofamiri ini na velddienst. (Odo 22:6). November e gi wan tumsi moi okasi fu du disi, fudi wi e pristeri wan yari abonnement tapu Ontwaakt! ofu na Wachttoren, fu f 7,00 fu wan.
6 Wawantron dan den papa nanga mama kande sa wani du na inleiding na a doro èn dan wani gi na pikin na okasi fu leisi wan tekst ofu fu meki a sma si soso den tijdschrift èn fu pristeri wan abonnement. Efu den sma no wani teki na abonnement, dan lusu tijdschrift kan pristeri fu f 0,35 wan. No luku psa san pikin kan du ini na diniwroko! Nofotron ososma de ondro na indruk fu yongusma di kan taki bun na den doro. — Matt. 21:16.
7 Yu teki wan faste bosroiti net leki Yosua dati yu nanga yu osofamiri sa dini Yehovah getrow? Begi ini na tyari kon ini yu libi fu den rai di kari dya na tapsei fu kisi a tiri fu Yehovah. A sa blesi na faste bosroiti fu unu fu du muiti fu dini en Getrow.