Yepi trawan fu gi densrefi abra èn fu teki dopu
1 FA a de wan prisiri fu si na nomru di e gro fu sma di e studeri a bijbel èn di e tai densrefi na Yehovah organisatie! A de srefi wan moro bigi prisiri fu yepi den fu meki wan krosbei matifasi nanga Yehovah Gado gro èn fu kibri dati. — Teki gersi Tori. 20:35.
2 A de wan sani fu prijse dati furu nyun sma ini a fasi disi e go na fesi dati den e tron sma di wi e feni bun èn di tai densrefi nanga na organisatie, èn a moro bigi pisi fu den abi wan prati ini na preikiwroko regelmatig. Now den mu wroko ini na richting fu gi densrefi abra èn teki dopu. Fa wi kan yepi den ini a teki fu na tumsi prenspari stap disi? — Matt. 28:19.
FA WI KAN GI YEPI
3 Wi mu yepi bijbelstudenti fu meki lobi warderi gi Yehovah gro, sodati nanga bribi den e kisi na tranga fu gi densrefi abra na en (1 Kron. 28:9a). Leri den fu dat’ede ini a ten fu na osobijbelstudi, te yu e taki fu den wroko nanga markitiki fu Yehovah fu den eigifasi fu en. Yepi den studenti fu abi ooktu warderi gi na lusuprijs. Yepi den fu kisi wan soifri sabi fu Yehovah Gado èn Yesus Kristus. — Yohannes 17:3.
4 Meki na lobi prakseri fu Yehovah nanga na libisma-famiri èn na grontapu kon krin na fesi èn ooktu na kon santa fu en santa nen. Yepi na studenti fu si krin fa a de ooktu ini a tori èn fa a kan gi wan piki na a sma di e kosi Yehovah (Odo 27:11). Gebroiki ibri okasi fu yepi na studenti na en gro na yeyefasi, sodati ’a no sa ke fu ensrefi èn sa teki en pina-udu’, èn e teki dopu leki wan disipel fu Yesus Kristus.
5 Yepi yu bijbelstudenti fu si dati Yehovah wet nanga gronprakseri de fu a bun fu wi. Den mu kon si dati efu den wakti te na a laste momenti nanga a teki fu a sei fu a tru anbegi, den ben kan lasi na prijs fu a libi (Luk. 21:34, 35). Taki nanga den fu a warderi di yu abi gi en organisatie, na gemeente, den komakandra èn na bradafasi (Psalm 100:2). Sori den dati a Wortu fu Gado de na libi èn abi krakti. Gebroiki en fu beweigi den leki studenti fu abi demakandra nanga Gado pipel tapu gemeente komakandra, kringkomakandra nanga den sortu komakandra disi. Disi sa yepi den fu meki na lostu gro fu abi wan krosbei persoonlek matifasi nanga Yehovah.
NO POTI EN NA WAN TRA TEN
6 Na Etheopia eunuch nanga suma Filipus ben taki, no ben poti na dopu fu en na wan tra ten. A ben ondrosuku en eigi yeye nanga ati èn a ben aksi Filipus efu wan sani ben de di ben e tapu en fu teki dopu. Fudi a no ben feni no wan reide fu poti a dopu fu en na wan tra ten, meki den ben dopu en wantewante (Tori. 8:26-38). Dati de a yeye di wi wani kweki ooktu ini bijbelstudenti. — Teki gersi Yohannes 14:23; 2 Korinte 5:14, 15.
7 Soso den sma di ’abi wan marki’ fu kisi ferlusu, sa psa libilibi go ini Yehovah nyun seti (Ezech. 9:2-6). Fa den sma di saka densrefi na ondro ’a kisi fu wan marki’ fu kisi ferlusu, sa de koloku fu na gi den gi densrefi abra ede èn de ini wan matifasi nanga Yehovah Gado soleki na watra dopu e agersi disi!