Aksiboksu

● Oten a de wan yoisti sani fu libi lectuur (buku) fu soso, èn fa disi musu du?

Efu wan sma abi belangstelling ma a no kan gi ensrefi pirmisi fu gi wan bijdrage fu a lectuur, dan wi ben sa kan gi na sma wan brochure, wan owru tijdschrift ofu wan tractaat. Kande wantu owru uitgave fu den tijdschrift kan prati na ini den waktikamra ofu na ini den hal fu hotel pe wi no kan preiki fri. Na wan sma musu gebroiki a koni fu si sani ini a tori fu na nomru fu tijdschrift di a libi a baka na wan bepaalde presi èn omeni tron disi e psa. Den sma di e luku wantu fu den presi disi ben kragi fu di den ben musu trowe tijdschrift te na ini wan bepaalde pisten tumsi furu ben libi a baka.

Wantu preikiman na wan okasi ben kan libi wan owru uitgave fu wan tijdschrift a baka na wan doro pe nowan sma de na oso. Ma efu ibritron te wi o wroko a gebied sondro fu wi gebroiki na koni fu si sani ben sa libi tijdschrift a baka na adres pe sma no de na oso, dan den sma ben sa kan taki-go-taki-kon dati den tijdschrift de fu soso. A de sobun wan bun sani fu gebroiki na koni fu si sani ini a tori disi. Efu na gemeente e ondrofeni problema fudi owru tijdschrift e libi a baka furutron baka makandra te sma no de na oso, dan na skin fu owruman fu na gemeente kan luku na afersi èn gi rai fu na gebied èn ini na moro bun belang fu na wroko, A ben sa de moro fiti fu libi tractaat na baka na den oso pe sma no de na oso.

Fudi sma fu a grontapu disi nanga takru beweigi fu ati e kan suku na marki dati nowan sma de na oso, meki wan tractaat ofu wan owru tijdschrift di e libi na baka na so wan doro mu poti na so wan fasi dati a no de fu si nanga ai kwetikweti (Mateus 7:12). Efu tra drukwroko feni na a doro, dan kande a ben sa bun fu no libi na a okasi dati ete wan sani ekstra a baka.