Osofamiri bijbelstudie — Wan sani di kristensma e poti a fesi
1 Te seryusu problema de nanga osofamirman, spesrutu nanga tini, dan nofotron na osofamiri bijbelstudie no e kisi na fanowdu prakseri. A wan sari sani fu si, ma furu osofamiri, makandra nanga fudi fu wan tu owruman nanga dinari na ini na diniwroko abi problema nanga den pikin fu den di e go na skoro in di nanga grontapu krakti di e wroko komoto ini den balansi.
2 No so langa psa kaba wan kringopziener ben skrifi fu brada di abi problema nanga den pikin fu den. Na fermane fu en ben de dati na rutu fu na problema pikinmoro alaten ben de na mankeri fu bijbelleri na, ini na osofamiri. Wan ondrosuku no so langa psa kaba di wan kringopziener ben meki ben sori dati ini son gemeente sontron 50% fu den osofamiri no abi wan geregelde osofamiri studie.
WAN SANI DI MU POTI A FESI
3 Yehovah ben fermane den papa nanga mama na ini Israël: „Èn den wortu disi di mi e komanderi unu tide, musu sori taki den de tapu unu ati; èn unu musu spikri den go ini unu manpikin èn taki fu den te unu e sidon na ini oso èn te unu de na pasi èn te unu e didon èn te unu e opo” (Deut. 6:6, 7). Iya, papa nanga mama na ini Israël ben kisi na komando fu teki na afersi disi na wan seryusufasi srefsrefi.
4 Ten geregeld ben musu poti a wan sei gi osofamiristudie, efu den osofamiri wani waka na baka den richtlijn di gi na ini a Wortu fu Gado. Osofamiri edeman mu du ala muiti fu hori doro fu abi geregeld na osofamiri studie, èn tra osofamirman ooktu mu yepi fu meki na pisi disi fu na osofamiri anbegi waka bun, leki bun fu na heri osofamiri. Ala sma mu ferstan dati efu den no e gi na yoisti prakseri na den yeye fanowdu fu na osofamiri, kande seiker den sa mu kisi fu du na ini a ten di e kon nanga seryusu problema èn srefi di de hati wan.
FA FU FITI NA STUDIEPROGRAMMA
5 Fa wan studie mu hori? San unu mu studeri? Oten na studie mu hori èn o langa? Fa yu kan de seiker dati yu e doro na ati fu a pikin? Luku fu den piki tapu den aksi disi Na Wachttoren fu 1 november 1986, bladzijde 24 par. 6 (Bakratongo uitgave.)
6 Fanowdu spesrei fu wan bun osofamiri studie de na prisiri èn enthousiasme di den papa nanga mama e sori (Teki gersi nanga Psalm 40:8.) Papa nanga mama mu prijse den pikin ooktu fu den muiti fu den èn gi den dati fu poti Yehovah gronprakseri ini den libi.
7 Wan sisa ben leri sabi na waarheid di aiti fu den pikin ben de ete a oso. Srefi aladi na sisa ben abi wan masra di no ben wroko makandra, toku a ben ondrosuku fu sabi seiker dati yoisti prakseri ben poti na a yeyefasi fu den pikin fu en. A ben gi wan bun eksempre na ini na velddienst èn fudi a ben teki prati na a kringkomakandra. Baka na velddienst a ben luku alaten na den fesi fu den pikin fu si efu den fesi ben sori prisiri. Efu dati no ben de so, dan a ben sorgu wantewante fu gi wan dekati. Te den ben didon wawan na ini den kamra a ben taki na wan lobifasi nanga den fu sabi san ben psa inisei fu den èn ben gi den dekati nanga na, Wortu fu Gado. Na bakapisi ben de dati ala den pikin de ini na waarheid. Dri fu den de gewone pionier èn tu fu den e dini na Bethel. Den muiti fu en ben kisi bigi pai fudi alaten a ben poti den yeyefasi fu den na a fosi presi. — Teki gersi nanga 3 Yohannes 4.
8 Now èn na ini a ten di e kon papa nanga mama kan nyan furu blesi efu alaten den e poti prakseri na den yeye fanowdu fu den pikin, fu den. Omoro den pikin e ferstan na waarde fu na Wortu fu Gado èn e kisi na overtoigi dati a bun trutru, dan den no sa hari densrefi a baka fu tra sma kon sabi san den e bribi nanga wortu èn nanga du (Ps. 119:165). Unu papa nanga mama gi fu dat’ede unu osofamiristudie na prenspari presi di a mu kisi.