Hori osobijbelstudie di wani taki wan sani
1 Wan foe den moro prenspari wroko foe papa nanga mama de taki den gi den pikin foe den leri foe na waarheid. A de wan prekti di Jehovah poti na den tapoe (Deut. 6:6, 7). Pikin abi tiri nanga rai fanowdoe foe waka nanga soifri-retifasi na ini wan gadolowsoe grontapoe. Den moesoe leri foe lobi Jehovah nanga na waarheid èn abi na fasti bosroiti foe hori na dati. Na Waktitoren foe 1 augustus 1988 ben taki na tapoe bladzijde 11: „Awasi sortoe tra froeplekti di joe abi ofoe den moeilekhèit di joe moesoe kakafoetoe gi, tokoe a kobroiki foe ten nanga den pikin foe joe moesoe kisi na fosi presi. Na ten di joe e pasa makandra sa gi joe pasi foe poti den warti jeje warti di sa kibri na ati foe den dipi na ini den èn sa tjari den na a joisti pasi.”
2 Efoe osofamiri wani waka baka den lin di Gado Wortoe gi foe tjari sma, dan doronomo den moesoe poti ten na wan sei gi osofamiri studie. Edeman foe osofamiri abi na prekti foe poti na sorgoe foe na jejefasi foe den osofamiri na a fosi presi. Efoe now papa nanga mama no e gi na joisti prakseri na den jeje fanowdoe foe na osofamiri, dan na ini na ten di e kon leki fa a sori den sa kisi foe doe nanga serjoesoe problema.
STUDIEMATERIAAL NANGA DEN FASI FOE STUDERI
3 San moesoe stuka? Na osofamiri-edeman de moro boen na ini na posisi foe sabi san na osofamiri abi fanowdoe. A kan aksi san den trawan denki taki a sa boen èn teki den rai foe den na prakseri. Sabi foe fiti joe srefi sa meki na osofamiristudie de praktis èn gi tranga. Foeroe osofamiri e froekisi foe sreka den alawiki Waktitoren-studie. Ma sontron a kan de fanowdoe foe taki foe aparti tori foedi problema e behandel di den jongoewan abi foe doe nanga den na skoro. Den bodoi di den tjari kon na publiki foe na meki foe mofo, aktiviteit na dorosei foe na skoro, sport èn immoreel gwenti foe doe sani kan loekoe na wan fasi di e bow wan sma èn e gi deki-ati. A de prenspari taki osofamiri-edeman e ondrosoekoe doronomo agen sortoe bodoi den memre foe na famiri abi fanowdoe èn fa den kan kobroiki den foe doro na ati foe den na a moro boen fasi. — Loekoe Na Waktitoren foe 15 mei 1971, blz. 297-298 (Bakratongo).
4 Fa wan studie moesoe hori? Kweki wan situwâsi pe sma no e firi den span, ma wan di e sori respeki. Kibri joe srefi foe meki sani waka sondro foe denki, èn na wan toemoesi gewoon fasi. Poti aksi èn meki kobroiki foe eksenpre di kan poti sma foe denki èn e hori ala sma na a studie. Jepi sani di sma ai kan si, soleki karta èn schema, kan kobroiki foe meki na stóf kisi libi. Pikin-nengre akroederi den jari foe den èn san den man doe, kan kisi wroko foe soekoe materiaal na ini a Index ofoe den difrenti pisi foe na Jepi-boekoe. Moksi moro jongoe pikin ini na takimakandra a momenti taki den kan gi piki. Eenvoudig aksi kan poti di den kan piki nanga soso wantoe wortoe. No kobroiki na ten foe studeri foe piri-ai gi den pikin. Prèise den na presi foe dati, sori warderi gi den moeiti foe den èn de fajafaja te joe e jepi den foe kweki wan jeje loekoe.
5 Fa joe kan de seiker taki joe e doro na ati? Gi ala sma deki-ati foe gi piki nanga den eigi wortoe. Meki na wan taktik fasi kobroiki foe aksi foe sabi pe den e prakseri èn foe bepaal fa den e denki foe na tori na ini den ati. Joe ben sa kan aksi: „Fa den pikin na skoro e prakseri foe na afersi disi? Joe e degedege sontron foe na penti disi?” Loekoe boen foe no piki na wan toemoesi faja fasi tapoe den piki di den pikin e gi kande na tapoe den aksi di e sori san na a bosroiti foe den, bika noso den pikin foe joe kande no e firi den srefi fri moro foe den srefi taki sani na wan eerlijk fasi. Gi den na ten foe taki te leki den kaba. A sa meki na moeiti foe joe foe gi den leri moro makriki te den sabi taki joe abi belangstelling gi den èn den problema foe den. — Loekoe Na Waktitoren foe 1 november 1986, bladzijde 23-25.
6 No frigiti noiti taki na fosi marki foe na osofamiristudie na foe prani den prakseri foe Jehovah na ini den pikin, èn no soso foe feni wan piki di kan gi na wan foe den gemeente konmakandra (Ef. 3:17-19). Disi wani taki taki joe moesoe proeberi foe prani bodoi na ini na ati. Gi na osofamiri reide foe san-ede den ben sa wani doe na wani foe Gado èn foe san-ede dati na a moro boen libipasi.
7 Wan doronomo osobijbelstudie de fanowdoe foe bow na jejefasi foe na osofamiri. Den pikin e kisi leri nanga jepi foe dati èn e de srekasreka foe kakafoetoe gi den problema foe na libi. Oenoe, papa nanga mama, de den moro boen wan foe jepi den pikin foe oenoe. Doe na frantiwortoe foe joe di Jehovah gi joe. Seiker Jehovah sa blesi joe efoe joe e doe ala sani foe sondro foe misi hori wan bijbelstudie di wani taki wan sani.