Gi trawan dek’ati fu leisi èn studeri a wortu fu Gado
1 Fu ala den buku di oiti ben skrifi, a bijbel de na wan enkriwan die gi na libismafamiri bodoi di no e misi fu kan kakafutu gi den problema fu na libi (Yer. 10:23). Na sei dati, a e gi wi ooktu wan seiker howpu fu na ten di e kon. A de na prisenti fu Yehovah na a libismafamiri. Aladi na bijbel de na buku di seri morofuru moro wanten, dan ondrozuku e sori dati soso wan pikin percentage fu den wan di abi wan eksemplaar, e teki na ten fu leisi na ini en. Wi kan yepi moro sma fu abi wini fu a Wortu fu Gado di skrifi?
2 Awinsi pe sma e libi na grontapu, den e tuka nanga densrefi problema. Aksi di e gi broko-ede e aksi fu wan piki, èn soso na bijbel abi den yoisti piki. Fu san-ede wi de dya? Fu san-ede sma e owru èn den e dede? Pe wi e go? Fu san-ede sondro-wet-fasi e kon moro furu? Fu san-ede Gado e gi pasi na goddelowsufasi? Sortu dresi de gi inflatie, taki tan presi nanga, nyanyan no de nofo, èn so morofara? Wi musu leisi èn studeri na bijbel fu kisi piki di e gi unu tefreidefasi tapu disi èn tra aksi.
FA FU GI TRAWAN DEK’ATI
3 Fu gi sma dek’ati fu leisi èn studeri a Wortu fu Gado, wi mu bow na fertrow na den dati na bijbel skrifi nanga yepi fu Gado santa yeye (2 Tim. 3:16). Wi ben sa kan du disi efu wi meki gebroiki fu den geselecteerde pisi fu den bodoi ondro na ede „Bijbel” ini na Tak-go-tak-kon-buku. Den bladzijde 70 te nanga 74 e gi difrenti sortu fu tumsi bun buweisi taki na bijbel de na Wortu fu Gado di skrifi nanga yepi fu en santa yeye.
4 Furu sma bigin fu leisi na bijbel ma dan den ben stop nanga disi. Fu san-ede? Kande fudi den las’ati fudi den no ben frustan san den ben leisi. Kande wi kan yepi den sortu sma disi fudi wi e gi den dek’ati fu leisi na Nyun Grontapuvertaling fu den santa Buku. Fu na makriki fu leisi a vertaling disi na ini na disiten tongo sowan 50,000.000 eksemplaar ini 9 difrenti tongo meki, sodati disi ben tron wan fu den moro prenspari twenti-yarhondro bijbelvertaling di sma e gebroiki ini a ten disi.
5 Efu wi miti sma di e sori belangstelling fu leisi na bijbel, wi musu pristeri fu studeri en nanga den. Spesrutu den sma wi mu yepi di abi na Nyun Grontapuvertaling kaba. Soleki den ben poti krakti na tapu ini Wi Kownukondredienst fu november, wi wani léi progressief bijbelstudie (Matt. 28:19, 20). Disi wani taki dati wi sa proberi fu doro na ati fu na sma di e kisi leri, sodati na sani san a e leri, sa abi krakti na tapu a fasi fa a e tyari ensrefi èn sa piki den bijbelaksi fu en.
PRISTERI NA BIJBEL ÈN NA SAKA-FORMAAT-BUKU
6 Ini na mun december wi sa pristeri Nyun Grontapuvertaling fu den santa Buku èn wan saka-formaat-buku gi wan bijdrage fu Sf 15,00. Efu wi pristeri den tu publikatie disi na wan fayafasi, dan kande wi sa man gi moro sma dek’ati fu leisi èn studeri Gado Wortu. Leki a bigin gi na Tori fu takmakandra fu now, kande yu wani gebroiki di fu tu inleiding ondro „Bijbel/Gado” tapu bladzijde 10 fu na Tak-go tak-kon-buku. Efu na gebroiki fu na fosi inleiding ondro „Osofamiri/Pikinnengre” tapu bladzijde 11 ben sa kan fiti gi yu ini yu kontren. Efu yu sreka yusrefi tapu den tu inleiding disi, dan yu sa de srekasreka fu yepi furu sma ini december.
7 Omoro wi e doro na kaba fu na seti fu sani disi, dan sondro degedege morofuru sma ete di abi aksi, sa suku den piki di de fu feni ini Gado Wortu wawan. Meki a de so taki wi de fayafaya na ini na pristeri fu san den abi fanowdu. Meki wi go morofara fu gi trawan dek’ati fu leisi èn studeri Gado Wortu. Na pristeri fu december na Nyun Grontapuvertaling nanga saka-formaat-buku e gi wi wan tumsi bun okasi fu dati.