Yu e gi wan reide fu a howpu di de ini yu?
NO so langa pasa den ben aksi wan brada. „Yu e bribi dati yu abi na wan enkri yoisti fasi fu anbegi?” A ben piki: „A no de fu taki dati mi e bribi dati. Efu mi no ben denki dati, mi ben sa sroiti mi na wan tra fasi fu anbegi.” Ne a ben go moro fara na wan switifasi èn ben ferklari san na den leri fu Kotoigi fu Yehovah èn fa disi abi en fondamenti na ini den Buku. A ben gi yesi na a fermane “fu verdedig ensrefi gi ibri sma di e aksi wan reide fu yu, fu na howpu di de ini yu ma du disi nanga safri-atifasi èn dipi lespeki”. — 1 Petr. 3:15.
2 Aladei okasi de fu gi wan reide fu na howpu fu wi. Tapu a wroko kompewrokoman e aksi densrefi kande fu san-ede yu no e teki prati nanga den ini den doti takmakandra. Tapu skoro onderwijzer ofu klas-mati ben sa kan aksi fu san-ede yu no e hori feistedei. Kande birti e aksi fu san-ede yu e go so furutron na komakandra. Den sortu okasi dati kan gi mogelekheid fu gebroiki na rai fu na apostel Petrus. Efu yu sreka fu gi na piki, kande yu kan yepi opregti sma di e poti aksi èn leri den fu dini Yehovah makandra nanga wi.
DORO NA ATI FU DEN ARKIMAN
3 Fu kan takmakandra nanga sma, a de fanowdu fu poti wan gemeenschappelijk fondamenti. Disi de na geval efu now wi de ini na velddienst ofu e hori takmakandra na okasi. Wan tumsi moi bijbel eksempre de fu feni ini Tori fu den apostel 17:22-31. Luku fa na apostel Paulus e poti a bigin wan gemeenschappelijk fondamenti na wan bekwaam fasi èn fa a hori disi pasa a heri takmakandra. Leki winimarki wan tu ben kon de overtoigi fu na waarheid. — Luku Handleiding-buku, blz. 156-158, par. 15-24.
4 Suku, te yu e go doro-fu-doro ini na mun februari, wan gemeenschappelijk fondamenti fu bigin takmakandra. Wi abi fu du nanga densrefi problema leki den ososma. Na ini disi broko-ede gi e veiligheid fu wi pikin fu a ten di de na den fesi de, a mankeri fu trutru vrede, na kon morofuru fu ogridu nanga na fowtu gebroiki fu drug. Gado kownukondre na a piki èn fu dat-ede wi tori fu takmakandra e poti na prakseri tapu wantu blesi fu na kownukondre.
5 Na a pristeri fu wan owru buku fu wan bijdrage fu Sf. 1,50 a de bun fu sori tapu specifiek bodoi fu Gado kownukondre. Ini a Wortu fu Gado-buku fu eksempre den onderkop fu kapitel 14 e sori sortu blesi a kownukondre sa tyari. Na grontapu tiri-buku e ferteri tapu bladzijde 9-13 fu na grontapu di den ben si ini a visioen fu Openbaring 21:4. Suku fu dat-ede den sortu punt dati ini den buku di de fu geboriki now ini na set ini unu gemeente.
NA GO-BAKA
6 De, te yu e go baka fu meki a belangstelling di sori gro moro fara, srekasreka fu puru kon moro na krin finifini na reide fu yu howpu. Bow moro fara tapu na gemeenschappelijk fondamenti di yu ben poti fosi na fesi na a ososma. Arki en fasi fu si sani. Tak-go-tak-kon nanga en. Libi en na baka nanga a fruwakti dati fisiti ini a ten di e kon sa gi bodoi di sa kon fiti na den fosi wan, èn di e bow, tapu san ooktu en kan bow en howpu.
7 A wansi oten ooktu wan okasi de fu gi wan reide fu na howpu di de ini wi, wi wani meki gebroiki fu dati. Ofu wi de now yongu ofu owru, wi mu man fu gi reide un, krin èn di de overtoigi wi bribi. Meki wi alamala sori wan tranga bribi fudi wi e gi fayafaya wan reide fu na howpu fu wi.