Pristeri na bun nyunsu — Nanga moro owru publikatie
A TEKI fu a bosroiti fu anbegi Gado, de fu bigi belang. A wani taki wi libi. A kisi fu finifini sabi èn na koni fu gebroiki disi, de sobun wan marki di warti a muiti. — Odo 23:23; Yoh. 17:23.
2 Fu kisi sabi te fu kaba èn gro ini koni, wi mu studeri a wortu fu Gado fayafaya. Na a fasi dati wi e kon bekenti nanga en gebod. wet, fermane nanga rai. Wi mu mediteer ooktu fu na historia fu den du fu Yehovah nanga en pipel. Jehovah e gi sabi nanga koni na wan fri fasi na den sma di e suku en opregti. Ini ala den yari di psa dan nanga jepi fu en organisatie a sorgu, gi publikatie psamarki di abi fu du nanga furu kontren fu bijbelsabi. Disi kan de fu bigi bun gi furu sma di no leri fu sabi Yehovah ete.
NA WAARDE FU OWRU PUBLIKATIE
3 Ini febuari nanga maart wi o gebroiki den buku, di den ben skrifi na ini na inlegvel fu Wi Kownukondredienst fu yanuari, soleki fa den skrifi den baka makandra. Wan gudu fu bodoi de ini den publikatie disi. Den kan de fu trutru yeye waarde gi libisma. (Luku Mattéus 5:14-16). Meki wi sobun fu dat-ede proberi fu prati ala owru publikatie di wi gemeente abi na ini kasi na ini den tu mun disi.
4 O prenspari a de dati den publikatie disi kon ini anu fu libisma, e kon na krin fu na ondrofenitori fu wan sma di ben kisi wan fu den owru buku leki kado fu en uma, di ben de wan Kotoigi. Te na a momenti dati a no ben sori belangstelling kwetkweti gi na bijbel. A ben meki a uma fruwondru fu si taki ini wan neti a leisi a buku te a kaba. En bribi ini a bijbel leki a Wortu fu Gado ben kon bow nanga dati, sodati a ben fisiti na fosi gemeente komakandra di ben kon baka dati; èn ben aksi fu wan bijbelstudie. Fosi dri mun psa a ben go na velddienst now a dopu.
ABI WAN POSITIEF FASI
5 No tyari dor’ai kon na krakti fu Gado Wortu. Pristeri den owru publikatie disi nanga wan positief fasi, fudi den e poti krakti tapu bijbelwaarheid. A no de fu taki dati frantwortu brada ini na gemeente sa ori ai na tapu dati soso soso den buku di sori bun, sa gi fu gebroiki na ini a veld; dati sa de wan kibri, sodati a prakseri tapu a boskopu no puru komoto.
6 A no sa muilek, baka te yu leisi Openbaring 21:4 nanga na ososma fu yu teki wan pisi di fiti ini wan fu den buku na ini san e kon na krin sortu blesi Gado kownukondre sa tyari. Meki a de so taki wi alanala sa abi prisiri ini wan diniwroko di e gi froktu fudi wi e prati sabi fu a Wortu fu Gado nanga yepi fu den owru publikatie disi. Disi kan tyari tego bun gi den wan di wi e gi kotoigi.