Meki Gado wèti psa go doro ’na ini den inisey pisi fu wi’
1 Profeytitori ben taki taki Yeyses ben sa abi Yehovah wèti ’na ini den inisey pisi fu en’ (Ps. 40). Disi ben sori fu de tru èn a ben yepi en fu du en Tata wani.
2 Den salfu discipel fu en ben abi Yehovah wèt srefi tu ’ini den frustan èn ini den ati’ (Hebr. 8:10). Disi ben meki den man fu kibri wan tumusi bun fasi fu tyari den srefi èn du den diniwroko dorodoro. Fa wi alamala kan de seyker taki Yehovah wèti skrifi ini wi frustan èn na tapu na tafra fu wi ati? — Odo 3:3.
3 Stuka fu a Wortu fu Gado fu yu srefi kan yepi wi fu meki na waarheid tron wan pisi fu wi. Na stuka, ondrosukuwroko nanga meditatie (denki dipi) de ini a tori. A de wan sondro kba konsentrâsi nanga wan krin frustan fu a marki di yu wani doro, nanga di yu e poti bun prakseri tapu den finifini pisi. Wi no musu leysi wwan den publikâsi fu a Genootschap te wi e kisi dati, ma wi musu poti wi srefi tu fu abi wan alaten stuka programa di sa sreka wi tapu ala wi ala wiki konmakandra.
4 Bun stuka gwenti e tranga wi fasti bribi ini a tori fu a waarheid èn e meki wi howpu fu na ten di e kon de moro krin. Iya, wi ’e gro go kisi frulusu’ (1 Petr. 2:2). Efu wi e leri sani di sori prenspari fu den Buku, wi wani taki fu den. Na so wan fasi sani e buweygi wi fu sori lobi gi sma na wi sey fu di wi e taki nanga den fu den sani di wi leri. Wi prati na taki faya faya fu „a wortu fu na Kownukondre” abi fu du nanga warderi gi yeye afersi, di wi ben kisi nanga yepi fu bun stuka gwenti. — Mat. 13:19.
YEPISANI FU STUKA
5 Yehovah organisâsi gi wi san wi abi fanowdu fu kisi wan tumusi bun sabi fu na waarheid. Yu e meki wan bun kobroyki fu den Tekstindex 1946-1985? Fa dati de wan gudu fu fini fini sabi di wi abi nanga yepi fu na tumusi bun wrokosani disi èn den difrenti publikâsi di wi abi noya! Èn no fu frigiti na Yepi-buku èn na Openbaring-buku. Yu e kobroyki den na wan tumusi bun fasi?
6 Puru so meni leki wi kan na ini wi stuka nanga wi srefi, ddon na omeni wi e poti na ini. Bosroyti, na ini yu ala dey situwâsi, oten èn pe yu kan feni na fanowdu rostu èn poti yu srefi aparti fu poti yu ede na wan èn fu meditâsi (denki dipi). Sorgu fu begi fu na yepi fu Yehovah bifo yu bigin fu stuka. Fu handri na wan frustan fasi na ini na muylek ten disi, dan a waarheid fu na Wortu fu Gado musu skrifi dipi ini wi ati nanga frustan (Odo 7:1-3; Yoz. 1:8). Yehovah e kobroyki en yeye fu poti en wéti nanga frumane na ini unu ati (Yoh. 14:26; 1 Kor. 2:10). Wan opregti begi fu kisi yepi fu feni èn fu frustan den gudu ini en Wortu, a no sa afrontu. — Odo 2:1-6.
7 Wi musu de geregeld èn konsekwent ini wi stuka programa, fu meki te fu kba Gado wèti go doro ’na ini den inisey pisi fu wi’. Na so wan fasi wi sa meki wan moro bigi yeye fasi gro, wi sa kisi wan moro betre frustan fu na waarheid, wi sa meki wi bekwaamfasi fu yepi trawan fu leri sabi na waarheid kon moro betre èn wi sa tan waka moro fasti tapu „na futu pasi fu libi”. — Ps. 16:11; Kol. 2:7.