Wi alamala musu studeri
1 A ben de pe den disipel fu en ben de dati Yesus ben begi Yehovah èn ben taki: „Disi wani taki tego libi, dati den mu teki na ini den doronomo sabi fu yu a wan enkri tru Gado, èn fu en di yu ben seni kon, Yesus Kristus” (Joh. 17:3). Iya, ala den discipel fu Kristus, èn ooktu den sma di kisi belangstelling nyunyun, musu teki na sortu sabi disi na ini den. Wi kan du disi fu di wi e studeri persoonlek èn na ini oso-famiri èn e go na gemeentekomakandra. Yu e hori yusrefi a wan praktis schema fu geregelde persoonlek studi?
2 Sma di kisi belangstelling nyunyun e nyanbun furu fu wan persoonlek osobijbelstudi. Ma fu gro na yeyefasi, dan den mu go doro fu teki sabi na ini den èn moro fara poti na ini den libi san den ben leri (Hebr. 5:13, 14). Yu e du dati?
3 Yongu dienstknegti fu Yehovah de ini wan tumsi moi positsi fu teki sabi na ini den. Na yeye fu den e angri fu teki bun furu bodoi na ini den, èn nofotron dem wani sabi na reide fu san-ede sani de soleki den de. Yehovah ben meki wi nanga na angri disi. Gebroiki yu ten na wan ferstan fasi fu teki yeye sabi na ini yu. Du soleki na apostel Paulus ben taki èn ’bai na ten di fiti’ gi sowan persoonlek studi di e meki yu kon gudu na yeye fasi èn di e tranga yu bribi. — Kol. 4:5.
PERSOONLEK BIBLIOTHEEK
4 Yu abi wan persoonlek ofu famiri bibliotheek? A disi abi jaargang fu Ontwaakt! èn Na Wachttoren, den pisi fu na Yepi-buku èn den publikatie di wi e gebroiki tapu den gemeente bukustudi èn den komakandra ini na Kownukondrezaal? Yu abi na Index fu Wachttoren-publikaties 1986 èn den owru publikatie fu na Genootschap di de fu kisi ete?
5 Yu sa feni warti bodoi ini den owru publikatie. Yu ben leisi ofu studeri a brochure Yehovah Kotoigi nanga na brudu-afersi? Na Yari-buku fu Yehovah Kotoigi 1976 e ferteri na historia fu Yehovah pipel fu sensi a ten fu brada Russel te na a ten disi, fu wi, èn e piki ooktu furu aksi di sma ben aksi fu Yehovah Kotoigi.
6 Persoonlek studi èn osofamiri studi de fanowdu fu tan tranga na yeyefasi, èn ooktu fu de srekasreka gi na velddienst. Fa a de ini disi nanga yu? Yu e sreka yusrefi tapu gemeente komakandra? Yu e sreka yusrefi tapu na velddienst ini wan muiti fu de so doeltreffend leki a kan? Yu e leisi yu eksemplaar fu tak-go-tak-kon nanga yepi fu na bijbel? Yu ben gebroiki en na ini na velddienst?
7 Gebroiki na Index fu Wachttoren-publikatie 1986 èn den index ini den difrenti jaargang, fu feni piki tapu yu eigi aksi èn tapu den di sma e aksi yu di yu e miti na ini velddienst. Owruman sa si dati na Index de wan tumsi warti wroko-sani fu gebroiki ini a feni fu bodoi di e gi dek’ati èn di fiti gi den sma di e kon na den èn e suku yeye yepi.
8 Ini tu Timotéus 2:15 a rai e gi: „Du ala san yu man fu pristeri yusrefi na Gado fu a feni yu bun, leki wan wrokoman di no afu fu syen fu noti, di a handri a Wortu fu Gado na wan yoisti fasi.” Fu kan du disi, dan wi alamala musu studeri èn poti san wi e leri ini wi libi.