Pristeri na bun nyunsu — Na ibriwan sma
1 Aladi Yesus ben e preiki, a ben e sori wan tumsi bigi belangstelling fu miti someini sma leki a kan (Mark. 6:34; Yoh. 4:7, 40, 41). Ooktu wi mu pruberi someini leki a kan fu miti sma. Libi de fu lasi — a di fu den nanga a di fu wi (1 Tim. 4:16). Wi wani yepi tra sma fu leri sabi Yehovah sodati den ooktu kan kari en nen fu kisi ferlusu. — Tori. 2:21.
2 Wan algemeen problema na fesi fu san furu fu wi tanapu, ofu wi e wroko now na foto ofu na boiti-presi, de fu miti den sma di no de na oso te wi naki den doro fu na fos’tron. Yu ben pruberi moro lati na asrefi dé fu go baka? Furu sma ben feni bun winimarki fu disi. Efu pruberi fu go baka wan tra dei. Den sma di alaten baka no e de na oso, kande wi kan miri nanga yepi fu wan brifi. Prakseri disi dati wan brifi fu gi kotoigi mu de alaten wan sani di de fiti, nanga switifasi èn fu bow a sma. Ooktu a sma di e skrifi sowan brifi, musu ferteri alaten ooktu en eigi nen èn adres, fu di na wan sani di no fiti fu seni brifi brifi pe yu nen no de na ondro. Te yu e wroko foto gebied, teki fesi na in a taki nanga den sma di yu e si na ini den balkon, ini wenkri ofu doro, ofu nanga den di e waka na strati. Efu a takmakandra fu yu mu de syatu, yu sa feni en wan bun sani fu pristeri wan fu den nyun traktaat, ofu gebroiki den moro owru traktaat ofu na gemeente abi dati ete.
STRATI NANGA FU-WENKRI-GO-NA-WENKRI WROKO
3 Na teki prati na stratiwroko kan yepi yu fu miti sma di gewoonlek no de na oso te wi e naki a den doro. Te wi e waka fu go miti den sma, a de fanowdu fu de nanga switifasi èn fu taki go leti a tapu a tori efu yu e pruberi fu bigin wan takmakandra. A poti fu wan syatu aksi, di e go tapu a punt kan yepi yu fu wiki a belangstelling. Yu sa feni en seiker wan makriki sani fu taki nanga den sma di no e hasti densrefi. Son sma ben di winimarki fu waka pikinso wantu stap nanga a sma aladi syatu den e pristeri den tijdschrift. Te a de druk a tapu strati, dan son sma ben feni en praktis fu taki nanga sma di tanapu pikinso a dorosei fu a drukte. Fu wenkri-go-miti-wenkri wroko kan yepi yu fu miti eiginari nanga wrokoman di nofotron wi e misi te wi e naki na den oso. Pruberi na wan tacvol fasi fu fisiti den tapu wan ten dati pikinso sma tanapu ini a wenkri. — km 7/85, blz. 8.
4 Èn no denki dati ini a du fu a stratiwroko èn a wroko fu go wenkri-go-miti-wenkri yu musu pristeri soso tijdschrift. Buku nanga brochure kan pristeri ooktu. Wan preikiman di ben si winimarki e bigin na takmakandra fu di a e bigin fu „Yu ben si a moro nyun buku fu wi?” Wan watrawan e taki eenvoudig: „Mi abi wan sani di nanga prisiri mi wani meki yu si en”.
5 Fa yu kan meki belangstelling di yu feni na a strati èn u wenkri-go-miti-wenkri wroko gro go moro fara? Furu sma ben si winimarki fu aksi den sma di ben ai belangstelling na a adres fu den, sodati den ben kan taki moro fara nanga den tapu wan ten di fiti. Efu yu e si dati den no e libi ini yu gebied, dan na gobaka kan gi na a gemeente fu a gebied dati. Na fesiman opziener fu na gemeente sa yepi yu nanga disi nanga ala prisiri.
6 A de a wani fu Yehovah dati ibriwan sma mu yere na waarheid. „Èn ibriwan sma di abi dreiwatra, mu kon; èn ibri sma di wani, teki na watra fu libi fu soso” (Openb. 22:17). Te wi du muiti opregti fu miti nanga ibriwan sma, dan wi e sori dati wi lobi tra sma soleki Yehovah e du disi. — Yoh. 3:16.