Pristeri a boen njoensoe — Ini bisniskontren
1 ’Nanga jepi foe wi Gado wi ben tjari wan sondro frede fasi foe taki kon na wan foe taki a boen njoensoe foe Gado nanga joe’ (1 Thess. 2:2). Den wortoe disi e memre wi dati a de fanowdoe foe pristeri a boen njoensoe na wan sondro frede fasi. Disi de spesroetoe so gi den sma di e pristeri a boen njoensoe ini bisnisi kontren.
2 Wan opziener di e reis ben taki: „Foeroe brada nanga sisa, srefi den di de langa ten kaba na ini na waarheid, noiti ete wroko ini bisniskontren.” Efoe joe e libi ini wan foto èn noiti ete ben abi wan prati na ini a taki disi foe dienst, foe san-ede dan joe no ben sa meki wan bigin now foe doe en dan? Efoe joe wani taki na wroko foe bisniskontren waka boen èn switi, dan a moesoe pasa na a joisti fasi. — Teki gersi Odo 22:29.
3 Bisniskontren e gi wan boen okasi foe miti sma di te joe loekoe en fini no e miti na oso. Foe den bodoi e kon na krin taki wéniki prékiman abi prati ini na wroko ini bisniskontren noso wenkribirti. Kande foeroe abi na gwenti foe no doe na wroko disi foe di den abi wéniki noso kande no srefsrefi ondrofeni nanga en. Joe moesoe tjari kon na wan moro vrijmoedigheid kande?
4 Ini den jari di pasa na Genootschap ben gi praktis bodoi foe na wroko ini bisniskontren: Weri krin; go fisiti drape te a no druk ini na wenkri noso tapoe na kantoro; kon na a chef noso manager; taki sjatoe èn krakti. (Loekoe Wi Kownoekondredienst foe september 1984 nanga maart 1985) Joe ben proberi den rai disi kaba?
5 Joe gemeente abi bisniskontren? Efoe joe noiti ben wroko foe-wenkri-foe-wenkri èn joe ben sa wani doe disi so te., joe kan ge taki nanga na dienstopziener. A kan sorgoe taki joe kan wroko makandra nanga wan brada noso sisa di abi ondrofeni. A de boen foe oefen pikinso nanga makandra. Disi sa gi joe na fertrow nanga na hori foe joesrefi na inisé di joe abi fanowdoe foe a waka boen gi joe te joe e wroko bisniskontren. Begi Jehovah foe en blesi.
6 Wi kan fertrow a tapoe dati Jehovah sa blesi wi moeiti di wi sa doe nanga di wi konsensi e wroko. Wan bigi fanowdoe de foe wan heri boen kotoigiwroko. Foe di a moeilek foeroetron foe miti sma na oso, wi moesoe teki ibri okasi di wi e kisi foe taki nanga sma na tra presi. Nanga aladi wi e feni taki na wroko foe bisniskontren kande de wan tjalansi, a kan waka boen fi wi efoe wi e tjari sondro-frede-fasi ini taki kon na wan, foe taki foe ’na boen njoensoe foe Gado’.