Pristeri na bun nyunsu — Fu di yu e preyki fri sondro frede ini bisniskontren
1 Fri sondro frede de fanowdu te yu e pristeri na bun nyunsu. Disi de spesrutu na kofal te wi e preyki ini bisniskontren. Son preykiman e draydray fu wroko ini bisniskontren. Ma dati e kon kande fu di den e mankeri ondrofeni. Ofu a kan de wan kontren tapu san a de fanowdu ’fu tyari kon na wan fri sondro frede’. — 1 Tes. 2:2.
2 Furu preykiman ben abi bun bakapisi fu di den ben preyki ini bisniskontren. Wan kringopziener fruteri taki na ini neygi mmanten di bisniskontren ben wroko ala nanga ala 177 buku ben prati. Moro buku ben kan prati ete, ma a nomru fu buku di den ben abi ben kba. Ooktu yu kan abi bun bakapisi efu yu e meki muyti fu teki prati na a wroko fu bisniskontren.
KIBRI WAN POSITIEF YEYEFASI
3 Abi bun bakapisi e anga furu tron fu wi yeyefasi. Son preykiman abi na gwenti fu prakseri taki preyki gi wenkriman de tumusi muyliki. Wan preykiman di ben abi na prakseri dati ben taki: „Mi ben fruwakti taki a fasi fa a sma o du tapu wi preyki sa de wan fowtu fasi. Ma a ben fruwondru mi di a fasi fa sma ben du tapu na Kownukondreboskopu ben de soyfri a kontrari fu dati. Den ben abi trutru maniri èn switifasi èn pikinso moro alaten, ben teki tijdschrift.” Iya, den di e teki prati na a wroko na ini bisniskontren e taki fu en leki wan wroko di e tyari froktu kon èn di e gi blesi.
4 Owruman, èn spesrutu na dienstopziener, musu teki fesi. A kan bun fu meki spesrutu gebiedenvelop fu pisi pe furu bisniskontren de makandra. Ini tra kontren bisnispresi makandra nanga tanpresi (oso fu libi na ini) kan wroko. Sorgu taki unu no psa no wan enkri wenkri, kantoro, fabrik èn so moro fara. Den owruman kan si en teki wan sani di fiti fu suku bekwaam preykiman fu wroko pisi di abi furu bisniskontren.
5 Den wan di abi wan prati na a wroko disi, musu weri netjes èn musu feti na baka fu de syatu èn hori den srefi na a tori te den e miti bisnis sma. Pristeri di no e hori moro langa leki wan miniti ofu so fiti srefi srefi. Fu doro moro bun bakapisi te yu e wroko na ini bisniskontren, a de prenspari fu suku dey nanga ten tapu san a de moro mendri druk. Sonwan ben si taki tapu satrammanten fruku fiti aladi trawan feni taki a abi winimarki fu psa fruku na tapu den dey na mindri wiki, te eyginari no de nanga so furu sani fu du èn furu sma no de na ini den wenkri.
SAN WI KAN TAKI
6 Te den bisniskontren e wroko wi kan pristeri tijdschrift, na bukupristeri di e kobroyki na a ten dati ofu tractaat. Wi taki fu bigin nanga na pristeri kan kenki sontron akruderi den omstandigheden. Na a pristeri fu tijdschrift wi ben sa kan taki: „Fu di furu tron a de tumusi muylek fu miti bisnis sma, na oso, wi e du tide wan syatu muyti fu miti den. Èn ini den moro nyun uitgave fu Na Wachttoren wan artikel tanapu [kari na nen] di abi bodoy di abi fu du nanga yu srefi. Wi denki taki yu sa nyanbun fu na artikel disi, so srefi tu den tra artikel te yu e leysi en. Wi e pristeri Na Wachttoren makandra nanga na Ontwaakt! fu wan bijdrage fu soso Sf 1,-.”
7 A mun disi wi e wroko nanga a publikâsi: Libi — Fa a du kon? Nanga yepi fu evolutie efu fu di Gado meki sani? Efu yu e pristeri na publikâsi disi ini bisniskontren yu ben sa kan taki: „Leki bisnisman yu sabi taki a e aksi furu muyti te yu prakseri bun a fesi fu abi bun bakapisi. Breni toeval ben sa man fu meki na libi nanga heymel nanga grontapu du kon? A buku disi e gi sabidensi buweysimateriaal taki Gado ben meki a libi du kon. A e sori tu tapu Gado en prakseri fu sortu sma di a ben meki libisma du kon. Na mun disi wi e pristeri na buku disi: Libi — Fa a du kon? Nanga yepi fu evolutie efu fu di Gado meki sani? A e fruteri furu fu a libi èn san na tamara abi na ini gi na libismafamiri. Wi e libi en na baka fu na bijdrage fu Sf 10,-.” (Na pikin formaat na Sf 5,-.)
8 Wi kan frutrow na tapu taki Yehovah sa blesi wi fayafaya muyti fu miti sma nanga na bun nyunsu disi di e kibri libi. A de wan tumusi fanowdu sani fu de, finifini ini wi preykiwroko (Tori. 20:24). Fu di furu tron a muyliki gi wi fu miti bisnis sma na oso, wi musu nyanbun fu na okasi fu taki nanga den na presi pe, den e wroko. Aladi a wroko na bisnis-kontren kan de wan tyalansi, wi kan abi bun bakapisi efu wi ’tyari fri sondro frede konmakandra fu preyki na bun nyunsu fu Gado’.