Pristeri a boen njoensoe — Ini bisniskontren
1 Na tori ini Tori foe den Apostel 17:17 e taki dati Paulus „ben [go] tak-go-tak-kon ini den snoga nanga den djoe èn den tra sma di ben e dini Gado, èn ibri dé na ondro wowojo nanga den sma nanga soema a ben e brems drape”. A préki foe en na ondro wowojo èn na tapoe tra presi ben sori krin taki a ben de en troetroe winsi foe ibripe pe libisma ben de foe meki den kon miti nanga na kownoekondrehowpoe. Disi ben de so srefi awasi den omstandigheden ben sori leki den no ben de so boen. Ini na tori foe san wi taki a tapsé leki wan eksempre, en préki tapoe wowojo ben abi leki bakapisi dati den ben tjari en go na na Aréopagus, pe a ben verdedig en bribi tapoe wan heri moi fasi. Na a okasi disi foeroe sma ati ben naki den, soleki Dionysius, wan kroetoeman foe teki na kristendom. — Tori. 17:15-34.
2 Wi kan ferwakti densrefi sortoe boen bakapisi disi te wi e wroko na ini bisniskontren? Ija, ma tokoe foeroe brada nanga sisa e denki taki préki gi wenkriman de wan troetroe moeilek sani. Wan prékiman di ben prakseri so, taki: „Mi ben ferwakti wan negatieve fasi foe prakseri. Ma wan sani di ferwondroe mi toemsi ben de, dati den prakseri foe den wenkriman gi na kownoekondreboskopoe ben de heri trafasi! Den ben de troetroe nanga maniri èn ben abi switifasi èn pikinmoro alaten den ben teki den tijdschrift.” Ija, den sma di e wroko na ini bisniskontren, e taki foe dati leki wan wroko di abi foeroe froktoe di e tjari blesi kon.
3 Owroeman èn spesroetoe a dienstopziener, moesoe gi prékiman nanga ondrofeni dek’ati foe wroko na bisniskontren. Den sma di e doe na wroko disi, moesoe meki moeti foe taki sjatoe èn taki san den wani taki ini den kontakti nanga bisnisman, foe di den ten skotoe kande. Foeroe ben feni en praktis foe go tapoe joeroe te wenkri nanga kantoro no de so druk, soleki foe eksempre mamanten joeroe te den wenkri e opo noso kande a mindri wiki presi foe tapoe den druk wenkrijoeroe. Wan sisa ben skrifi: „Wi ben go na ini den wenkri noso bisnisoso te kranti no ben de èn oen ben meki den si den tijdschrift noso brochure gaw. Someni belangstelling ben de dati ini toe blok wi ben prati ala wi tijdschrift.”
SAN JOE KAN TAKI?
4 A de wan sani di fiti foe aksi foe si na basi noso na sma di abi na tiri. Gebroiki wan eenvoudige fasi foe bigin taki èn ferklari na réde foe joe fisiti. Baka te joe taki fa joe nen, foe wan eksempre joe ben sa kan taki: „Foe di a moeilek troetroe foe miti bisnissma na den oso, wi e proberi now djaso foe miti joe. Ini na laatste uitgave foe Na Wachttoren wan artikel skrifi [kari na titel] nanga bodoi di de prenspari gi joe persoonlek. Wi sabi séker taki joe sa lési soboen na tori disi leki ala den tra tori nanga prisiri. Wi e pristeri joe en makandra nanga na Ontwaakt! foe Sf 0,70.”
5 Na préki ini bisniskontren e gi oenoe na okasi foe miti sma di joe no e miti foeroetron na oso te wi e doe na oso-foe-osowroko. Soboen, no lasi joesrefi na den sortoe momenti dati. Na wroko ini bisniskontren ben tjari heri moi bakapisi!