Presteri na boen njoensoe — Ini bisnis- nanga wenkrigebied
1 Wi kisi foe jere dati ini foeroe gemeente na bisnis- èn wenkrigebied no e wroko geregeld. Ini son geval a de srefi so dati a no wroko foeroe jari. Disi de so ini a gemeente foe oenoe? San wi kan doe?
2 Ini foeroe gemeente joe abi kantoro nanga wenkri di panja ini na heri gebied. Sonwan foe den de wan pisi foe na gewoon oso na oso gebied. Foe dat-ede meki den prékiman ben kan kisi ini prakseri kande taki te den e wroko a gebied den moe fisiti sosrefi toe den kantoro nanga den wenkri. Efoe joe no kan go ini son kantoro, ofoe joe e si na a fosi tron di joe wroko a gebied taki den sma abi en druk skrifi disi dan, sodati den adres disi kan kisi wan fisiti bakaten tapoe wan moro boen ten.
3 Den boen bigi bisnis birti de ofoe wenkri centrum dan a ben sa boen foe meki foe den birti dati aparti foe bisnis- ofoe wenkrigebied. Bekwaam prékiman kan wroko den disi tapoe wan geregelde basis neleki wi e wroko oso pe sma e libi.
4 Efoe boen bigi bisnis birti ofoe wenkri centra no kan kisi fisiti foe na gemeente, dan den owroeman moe taki disi nanga na kringopziener. En kan tjari den moeiti foe den tra gemeente ini foto kon makandra sodati a gebied kan kisi fisiti foe bekwame prékiman.
5 San na ondrofeni foe oenoe de foe fisiti den kantoro ofoe wenkri na a presi pe joe e libi leki a moro boen ten? Son sma ben si dati froekoe mamanten foe satra de wan boen ten, ala di trawan e feni dati den mindri wikidé te sma no de so foeroe ini den wenkri wan moro boen ten.
6 Den sma di e wroko bisnis- nanga wenkrigebied moe weri krosi netjes. A de moro boen foe hori na presteri sjatoe. Sonwan e tjari kon na krin dati wi e kon ini na zaak foe di bisnissma ofoe sma di abi wenkri foeroetron no e de na oso te wi e kon na den doro foe den. Gebroiki tijdschrift, na boekoe presteri foe a moen ofoe traktaat. Fiti na presteri ofoe na fasi fa joe moe taki nanga sma na den omstandigheden di joe e miti.
7 A gemeente foe oenoe kan doe moro foe wroko na bisnis- nanga wenkri gebied? Wi ben kan lei bekwame prékiman op foe teki prati na a wroko disi. Oen owroeman, oen kan orga na wroko disi, sodati ini ala bisnis- nanga wenkrigebied na boen njoensoe e préki alaten?