Pristeri na bun nyunsu — Ini gebied di wroko furutron
1 Omeni tron yu e wroko na gebied fu unu? Efu na gebied e wroko furutron dan unu e kisi blesi aparti. Fu san-ede? Fudi gemeente di e wroko den gebied furutron e gro gewoonlek es’esi. Disi de na ondrofeni fu gemeente na ini furu bigi foto. Ini na foto New York fu eksempre, pe a moro bigi pisi fu na gebied e wroko geregeld, yu abi now moro leki 340 gemeente. Na ini wi kondre moro nanga moro gemeente di e go furutron psa na gebied fu den e ondrofeni, dati na wroko na ini pikin grupu e meki a gebied wroko moro fini, moro bun kontakti e kon èn trutru gro e feni presi.
2 De wan brada ben de bezig ini wan gebied di den ben wroko en, a ben miti nanga wan uma di ben taki, taki noiti a fesi a ben abi kontakti. A ben teki nanga ala prisiri lectuur èn a ben prisiri taki wan sma ben feni en. Yu abi sobun te now ete sma ini na sortu gebied disi di no ben abi okasi fu yere na bun nyunsu (Teki gersi nanga 2 Petrus 3:9b.) Wan finifini wroko fu gebied di furutron wi e fisiti, de fu bigi belang fu puru den sma na ini di wi kan teki gersi nanga skapu. — Matt. 10:11.
Kaka futu gi na tyalansi
3 Pe furutron gebied e wroko, a de moro prenspari fu hori wan oso-fu-osorapport soifri. Lijst nanga sma di no ben de a oso kan gebroiki sodati preikiman, te tra gebied no de moro, toku kan tan wroko. Fu san-ede yu no gebroiki pisten fu bakadina fu gi kotoigi èn fu proberi fu miti den sma di a fesi tapu a dei dati wi no ben miti a oso? Prakseri dati den sma di na deiten èn ini den weekend gwe, nofotron ini na lati bakadina e teki bro a oso.
4 Te wi e wroko a pikinso moro furutron, dan a bun fu kenki na inleiding fu yu. Yu kan feni inleiding di fiti tapu bladzijde 9 te 15 fu na Tak-go-tak-kon-buku. Gebroiki disi leki wan yepi fu takmakandra nanga den sma di yu e miti ini a veld. — Odo 1:5.
5 Ete wan fasi fu kenki yu inleiding de fu pristeri wan traktaat. Tyari na tori fu na traktaat kon miti nanga na tori fu takmakandra. Meki ooktoe gebroiki fu sani di psa di abi na belangstelling fu sma. Na poti fu aksi di e go fu den sortu sani disi kan pusu a prakseri fu na ososma èn na sofasi poti wan fondamenti fu wan tumsi moi takmakandra.
Gi ibri sma kotoigi
6 Yu e gebroiki so wan fu yu velddienst ten ini a tyari fu gobaka èn na hori fu bijbelstudi? Efu yu e hori wan aparti oso-fu-osorapport fu den sma di e sori belangstelling, dan yu sa man fu gi yu rapport nanga sma di no ben de na oso na a sma di abi a gebied. Go spesrutu wantewante baka na ala sma di e teki lektuur èn ooktu na ala tra sma di sori belangstelling gi na kownukondreboskopu.
7 Wi sa kan miti moro sma ete nanga na bun nyunsu efu wi e poti prakseri tapu ala okasi fu gi kotoigi. Te fu eksempre wi e wroko wi gebied, wi e si nofotron sma e gwe libi den oso fu den. Fu san-ede yu no ben sa gi den tijdschrift èn, pristeri den wan traktaat, te disi de mogelek ini-wan ten èn a de fiti?
8 Hori srefi na prakseri drape pe a gebied ibri wiki e wroko taki kande seiker sma nanga wan opregti ati de di wi mu feni ete srefi aladi wi ben du muiti alaten baka ini a wroko fu miti den. Èn aladi na a ten di pasa yu ben gi kotoigi na a srefi doro toku yu e miti a tron disi kande wan tra sma. Meki fu dat-ede netleki den apostel, wi gi kotoigi finifini ini na gebied di wi kisi fu wroko. — Tori 8:14, 25; 20:20, 21.