Pristeri na boen njoensoe — Foe di joe e wroko a gebied finifini
1 Omoro a nomroe foe Jehovah kotoigi o tan gro omoro wi e si taki wi e wroko moro foeroe tron a gebied foe wi. Na ini son kontren den gebied den e wroko srefi ibri wiki wan tron. Na prékiwroko disi foe na boen njoensoe foe na Kownoekondre di wi e doe, e gi den sma moro okasi foe jere na waarheid èn foe teki en tapoe wan boenfasi. — Rom. 10:13-15.
2 Teki na eilanti Guadeloupe na ini na caraibisch gebied pikinso. Tapoe na eilanti disi wan verhouding de foe wán prékiman tapoe ibri 81 sma. A de krin dati den e wroko a gebied foe den foeroe tron èn den abi toemsi moi bakapisi. Den ben tapoe na dienstjari di psa nanga wan njoen hémarki foe 4064 prékiman èn den ben hori ala nanga ala 5092 studies. A dienstjari di pasa den ben abi wan grofoe 14 procent.
WROKO A GEBIED TROETROE FINIFINI
3 San wi kan doe, aladi kande wi wroko na gebied nofotron foe sorgoe dati a gebied wroko finifini. Na ini a fosi presi wi kan skrifi wan soifri bericht foe den sma di no ben de na oso. Proeberi, efoe a kan, foe go fisiti den sma disi bakaten tapoe asrefi dé baka foe di sonwan foe den kande wan sjatoe pisten soso no ben de na oso èn foe a sé foe den trawan di wi no ben miti na oso, wi kan proeberi foe miti den wan tra dé ofoe tapoe wan tra pisten foe a dé. Son sma ben kon si taki foe di den ben go baka na sma di no ben de na oso, a ben teki pikinmoro toe tron so langa foe wroko wan gebied. Disi wani taki dati den no e go naki a doro someni tron na den srefi sma. Ma tokoe ete den e wroko a gebied nanga dati finifini.
4 Efoe wi no de na ini na okasi foe go tjari esesi den sortoe fisiti dati, dan wi moe gi na lijst nanga den sma di no ben de na oso na wan tra sma di abi na okasi foe doe dati kande wan sma di tapoe wan tra dé o go nanga na groepoe na ini a dienst. Tapoe sowan fasi den sma di no ben de na oso ini na weekend, kande kan kisi fisiti na a mindri foe a wiki.
5 Ini son oso di fosten wán osofamiri ben e libi na ini now moro osofamiri e libi na ini èn wi moe doe moeiti foe miti wan sma foe ibriwan foe den osofamiri. Na ini son presi moro aparti oso tanapoe ete na baka na oso di de na strati sé èn wi moe go loekoe dati wi fisiti den oso dati ooktoe. Foe wroko wan gebied finifini wani taki ooktoe foe meki kontakti nanga sma di e wroko na ini bigi wenkri di kande de na ini wi gebied.
6 Ete wan sani foe wroko wan gebied finifini de foe gobaka fajafaja na belangstelling di sma ben sori. Na ini presi pe brada nanga sisa no abi foeroe gebied, den e fiti moro foe doe disi. Den e go baka na ibriwan sma di e sori belangstelling èn nanga a prakseri foe bigin wan bijbelstudi. Wi e hori den sortoe marki disi ooktoe na wi fesi?
7 Foe di wi e wroko wi gebied nofotron èn e proeberi foe doe disi finifini, meki son ososma e kragi kande èn den e aksi foe san-ede wi e kon so foeroe tron. Wi kan wiki kande na belangstelling foe den foe di wi kan gebroiki wan foe den rai tapoe bladzijde 15 foe na Tak-go-tak-kon-boekoe, noso kande a e ferferi den kande dati wi e fisiti den so foeroe tron.
8 A wroko foe oen gebied finifini nanga na boen njoensoe sa abi leki bakapisi na ferloesoe foe son sma di e arki na wi (1 Tim. 4:16). Te na langa wi sa kan prisiri foe a sani disi, dati wi, foe taki en nanga den wortoe foe na apostel Paulus, ’No abi moro na ini den kontren disi gebied di wi no ben fasi’. — Rom. 15:23.