No meki yu anu rostu
1 Na bericht ini na Yari-buku 1988 e gi wi reide fu prisiri psamarki te wi e prakseri fu na yeye tanbun di Yehovah pipel abi alape. Na asrefi ten a e sori dati ’furu de fu du ete na ini a wroko fu Masra’. — 1 Kor. 15:58.
2 Soso kaba na ini den Verenigde Staten fu eksempre yu ben abi 1.778.066 sma tapu na Memrefesa tapu 12 april 1987 èn 13.562 sma ben teki dopu tapu na „Vertrouw tapu Yehovah”-districtcongres. Na ini Sranankondre na nomru fu sma di ben de tapu na Avondmaal ben de 4225, aladi ini a dienstyari di psa 75 sma ben teki dopu. Wi no mu go doro ini na dienstyari 1988 fu wroko na gebied fu wi finifini, fu di den moi bakapisi disi fu wan pisi ben du kon fu a systematisch wroko fu a gebied nanga faya? Na wroko fu wi no sa de fu soso.
MUITI DI KON MORO FURU FU PREIKI INI GEBIED DI NO BEN WROKO FURU
3 Efu yu gemeente abi gebied di nofotron no ben wroko, dan yu kan aksi yusrefi efu wan fu den kan gi na yu leki persoonlek gebied. Na aksi fu yu kan yepi na gemeente kande fu wroko pisi fu na gebied di nofotron no e kisi a prakseri fu a gemeente.
4 Na sei fu dati dan owruman ini den sortu gemeente disi kan seti sani di fiti gi a gi kotoigi na ini grupu, fu kan wroko na gebied di no e wroko so furu. Kande den preikiman kan teki nanga den na nyanyan fu den èn wroko wan heri dei ini pisi fu na gemeente gebied di didon moro fara. Fu san-ede yu no e poti en leki wan marki fu wroko na ini a yari disi fu someni leki a kan na ini den gebied disi?
5 Efu na gemeente fu yu e wroko na wan regelmatigfasi na gebied fu en, kande yu abi na okasi fu wan pisten fu yepi gemeente ini wan tra kontren nanga a wroko ini a gebied fu den. A sei fu dati yu abi fu den sma di e meki plan fu go dini pe a fanowdu de moro bigi. Efu dati de na winsi fu yu dan wi e gi yu na dek’ati fu taki na afersi disi nanga den owruman ini na gemeente. Yu sa wani ooktu fu leisi ete wantron ete na pisi di tanapu tapu bladzijde 3 fu „Wi Kownukondredienst” fu februari 1985. Sobun furu de di frantwoortu brada èn ala preikiman kan du fu gi yesi moro bun na a komando ’fu meki na Kownukondre bekenti na alape’. — Luk. 9:60.
ABI WAN PRATI NA A SAI FU KOWNUKONDRE SIRI
6 Wi abi ala reide fu poti na anu fu wi na a plugu fu na activiteit di kon moro furu èn fu luku go na den sani di de na wi fesi (Luk. 9:62). Go prakseri, wi no sabi pe moro gro sa komoto (Preik. 11:6). Meki fu dat’ede netleki Filipus, wi de srekasreka leki wrokosani ini na anu fu Yehovah fu sai waarheid siri pe disi de fanowdu bifo na kaba kon. — Tori. 8:26, 27; Matt. 28:20.