Pristeri a boen njoensoe — Nanga tijdschrift
1 Na Wachttoren nanga Ontwaakt! ben de toemsi prenspari wrokosani foe préki a boen njoensoe. Den tijdschrift disi ben jepi foeroe sma foe kisi wan soifri sabi foe Gado Wortoe. Soleki fa a troe tori de dan a jari di psa sowan 258.000.000 tijdschrift ben prati ini difrenti foeroe kondre èn difrenti tongo. Te wi e pristeri a boen njoensoe wi wani meki soboen leki a kan gebroiki foe den wrokosani disi.
FOE DI WI E BOW TIJDSCHRIFTENROUTE
2 A de sowan 44 jari kaba taki wi e kisi na dek’ati foe meki wan tijdschriftenroute. Joe abi wan? Efoe dati de so dan sondro degedege joe sa abi prisiri ini den winimarki nanga blesi foe na tak foe dienst disi. Wan brada di abi sensi 1955 wan tijdschriftenroute, abi sowan 50 adres pe den e teki den tijdschrift regelmatig. Fa disi de wan produktief fasi foe prati a boen njoensoe. Fa a ben meki so wan route? A taki a wini di a si, dati a kon foe wan eenvoudig èn direkte fasi foe bigin taki. Baka te a libi tijdschrift na wan sma foe a fosi tron a e taki: „Mi ben sa wani foe kon baka foe sori joe den njoen tijdschrift te den kon.”
3 Wan sroto foe bow op èn foe tan hori wan tijdschriftenroute de foe de geregeld a ini na tijdschriftwroko. A de prenspari toe foe skrifi dorodoro ini joe oso na oso rapport. Alaten joe moe tan hori na bow op foe wan tijdschriftenroute na ini joe prakseri. Efoe joe e prati tijdschrift, wiki belangstelling na ini a ososma foe den tijdschrift di moesoe kon bakaten. Fa? Wan prékiman di owroe 7 jari èn di abi 11 tijdschriftenroute-adres, e gebroiki den bodoi ondro na pikinpisi „Ini wi uitgave di e kon”, èn foe „Jongoesma e aksi” èn „Gado Wortoe abi libi” noso foe faste rubriek foe kan wiki na belangstelling foe den uitgave di e kon. Efoe joesrefi de nanga faja foe den artikel disi, dan disi sa jepi toe foe meki na ososma kisi moro nanga moro belangstelling.
4 Efoe joe wani foe de troetroe wan winimarki gi joe route-adres, dan joe no moe si den ososma nomo leki sma na soema joe wani foe libi tijdschrift geregeld. Prakseri fa joe kan jepi den foe meki den kisi moro belangstelling gi Gado Wortoe. Gi den aksi di kan kisi piki foe di joe e poti den prakseri tapoe wan spesroetoe artikel ini a tijdschrift. Na a fasi disi joe e kweki warderi gi na inhoud foe den artikel. O moro joe e kon regelmatig baka èn joe e kon leri sabi na ososma moro betre, kande a sa kon taki pikinso moro fri nanga joe èn kande disi e grati a pasi gi joe foe opo wan bijbelstudie. Pasensi nanga hori doro de fanowdoe toe. Wan brada ben e tjari toe jari langa tijdschrift go na wan oema. A getrowfasi foe na brada, di moen baka moen ben kon baka, ben naki en ati sote dati te foe kaba den ben bigin wan bijbelstudie pe a no en wawan ben teki prati, ma en masra toe, toe foe en oemapikin èn wan granpikin foe en. — Gal. 6:9.
WENKRI-FOE-WENKRI-WROKO
5 Na wroko foe wenkri foe wenkri de ete wan sé foe na tijdschriftenwroko di ben gi boen winimarki. Ma a e aksi krakti foe si sani. A de prenspari foe tan taki sjatoe èn to the point. Pristeri foe 30 te 60 seconde e fiti djaso moro betre moro ala sani. Te joe e wroko na ini bisnis kontren, a sa tjari moro betre winimarki te joe e soekoe wan momenti te a no de so druk. Ferstan boen foe san-ede a de prenspari foe weri joe krosi krin, sodati sma e si joe leki wan sma di e sorgoe joesrefi boen.
6 Wan sisa di abi foeroe kolokoe na na wenkri foe wenkri-wroko e bigin taki taki, foe di a no e miti foeroe bisnissma na oso, a e doe wan moeiti foe miti den na den wrokope. Moro fara a e poti prakseri na tapoe na artikel di a e pristeri èn a e taki taki den foetroe no sa wani foe lési a bodoi disi densrefi wawan, ma dati den wani prati den nanga den osofamiri toe. Ete wantron hori na prakseri dati te joe e wroko na wenkri foe wenkri joe moe tan sjatoe èn to the point.
7 Ini a grontapoe disi di druk foe troe psa marki a de wan toemsi prenspari san foe ibripe wi e miti nanga sma foe pristeri den na boen njoensoe fajafaja. Wroko foe wenkri foe wenkri èn na bow op foe tijdschriftenroute de heri moi fasi foe miti sma nanga na boen njoensoe.