Konmakandra abi winimarki gi wi pikin
1 Na nâsi Israèl ben kisi na komando „[fu kari] na pipri kon makandra, den man èn den uma èn den pikinwan . . . so taki den kan arki èn den kan leri” (Deut. 31:12). Iya, pikinnengre, srefi nyofi pikin, ben de ini a tori fu den konmakandra fu anbegi. So srefi tu den gemeente konmakandra fu Yehovah Kotoygi ini na ten disi abi winimarki gi den pikin. — Psalm 148:1, 12.
2 A no de fu taki taki a prakseri fu pikinnengre kan puru na wan makriki fasi. Den musu kisi leri fu arki bun na san e taki. Den abi yepi tu fanowdu fu frustan bepaalde pisi fu na materiyâl di den e pristeri. Den ray di e kon now kan dini leki wan yepi fu meki wi, pikin nyan na a moro bun fasi, fu den kresten konmakandra.
SREKA GI DEN KONMAKANDRA
3 Na yoysti leri na oso sa yepi pikin fu warderi na grani fu kon makandra nanga trawan èn fu anbegi Yehovah. Pikinnengre musu kisi yepi fu frustan taki disi na Gado wani èn taki gi yesi ini a tori disi e gi wini. Srefi nyofi pikin kan kisi yepi fu frustan taki kresten konmakandra na fu den tu. — Ps. 133:1; Yes. 48:17; Mat. 19:14.
4 Sreka en srefi sa meki na prisiri di a pikin abi nanga den konmakandra, kon moro bigi. A de wan bun sani te pikinnengre abi den eygi beybri, singibuku nanga tra buku fu kobroyki te den konmakandra e hori. Ppa nanga mma musu yepi yonguwan fu sreka gi ibri konmakandra awasi fa a no fa wan pisi fu na leri (Hebr. 10:23). Disi kan du akruderi na man di a pikin man frustan den konmakandra èn teki prati na den. A de krin taki gi ala sma, so srefi tu den pikin, a de wan yoysti sani fu poti ten na wan sey gi a sreka tapu konmakandra. — Hebr. 13:15.
5 Son pikin ben feni wini fu spesrutu toewijzing te den konmakandra e hori. Nyofi pikin e feni en kande switi fu luku omeni leysi Gado nen, a Kownukondre ofu wan spesrutu beybritori e kari èn taki den e taki wan sani fu en. Pikinso moro owru pikin yu kan gi na wroko fu skrifi beybritekst di den e leysi ofu e kari. Awasi sortu wroko tu den pikin e kisi fu du, den sa nyan bun moro furu fu en efu sma e preyse den gi na muyti fu den. Bakaten yu ben sa kan gi den na okasi tu fu gi piki tapu penti di den leri ofu fu fruteri fa den nyan bun fu den penti di ben pristeri tapu na konmakandra.
6 Ala pikin di kan leysi, musu kisi deki-ati èn yepi fu abi wan eygi programma fu leysi na publikâsi fu na Genootschap den srefi. A e ddon na a man di na pikin man fu leysi efu den sa gi en tu na Beybritori-buku, Bigi Leriman nanga Yonguwan-buku, èn so srefi tu den artikel di piki puru fu den tijdschrift, So wan programma sa yepi wan yonguwan fu leysi ala den teyokrasiya publikâsi fu na ten disi èn fu no de a baka nanga den.
KROSI NANGA BUN MANIRI
7 Furutron fisitiman e fruwondru te den e si tapu sortu respeki fasi den yonguwan fu wi e weri krosi na den kresten konmakandra. Na fasi fa wan pikin e weri krosi gi den konmakandra, abi leki fa a gwenti de wan krakti, di de fu si, tapu en fasi èn maniri fu tyari en srefi tapu konmakandra. Na wan fisiti na a Bèykantoro a de gi pikinnengre so srefi leki gi bigi sma wan sani di fiti fu weri na so wan fasi so taki den ben sa du gi wan kresten konmakandra. — om blz. 132.
8 Na tumusi bun fasi fu tyari den srefi fu na sey fu wi pikin tapu konmakandra e tyari tu preyse nanga grani gi Yehovah nen. Fu dati-ede ppa nanga mma musu frustan taki wan srapu luku na tapu pikin na den konmakandra de fanowdu. Ppa nanga mma di e broko den ede sa sreka en so taki te den konmakandra e hori na osofamiri e sdon na makandra èn den sa luku na tapu taki den pikin fu den alaten e sori yoysti maniri. Ppa nanga mma kan taki kande nanga trawan di abi bun bakapisi nanga den nyofi pikin fu den fu kisi moro fara bun ray.
9 A de a lostu fu wi taki pikinnengre teki dorodoro prati na wi kresten konmakandra èn e ’gi trawan deki-ati fu sori fu lobi èn tumusi bun wroko’ (Hebr. 10:24). Ini na seti fu Yehovah Gado den konmakandra de gi pikinnengre tu.