Pristeri na bun nyunsu — Nanga yepi fu kenki ini na oso-fu-oso-wroko
1 Yehovah en mekisani no de furu nanga kenki? Na Psalmsingiman ben fruklari: „O furu den wroko fu yu de, o Yehovah! Yu meki den alamala nanga koni. Grontapu furu fu den sani di yu ben meki” (Ps. 104:24). Ooktu na bun nyunsu di a ben gi wi na komando fu preyki, abi furu pisi. Yu e kobroyki difrenti fasi fu wroko ini yu oso-fu-oso diniwroko fu miti so furu sma leki a kan?
TAPU TIJDSCHRIFTDEY
2 Na Genootschap e gi ala sma deki-ati fu teki ibri satra prati na a prati fu den tijdschrift. Na presi fu kobroyki na Tori fu takimakandra a fiti fu du van 30-60 seconde pristeri, pe yu e poti a prakseri a tapu soso wán artikel ofu tori èn e pristeri dan ala tu tijdschrift fu Sf 1,00. Efu na ososma e poti aksi ofu e sori moro leki gewoon belangstelling, dan a no de fanowdu fu prakseri taki wi musu go esi-esi na a tra doro.
3 Fu taki fu Na Wachttoren èn na Ontwaakt! difrenti no e mankeri den. Furu tron a brada di e handri na fosi pisi fu na konmakandra sa tyari tori fu kan taki fu en fu den tijdschrift di kon na fesi. Poti prakseri tapu dati; skrifi esi-esi den ray di yu ben sa kan kobroyki. Efu den e gi wan demonstratie na a diniwroko konmakandra, luku dan fa den e du èn oefen èn kobroyki en baka dati ini a velddienst tapu satra. Efu yu si taki furu sma no e poti prakseri teki wan tra tori fu kobroyki. Ibri uitgave abi wantu tori di abi leki marki fu taki nanga sma di no abi na srefi belangstelling. Fu di yu e kon sabi den artikel ini ala den tu tijdschrift, a sa de moro makriki fu fiti na pristeri fu yu na a belangstelling fu na ososma.
KENKI YU INLEIDING
4 Na tra momenti na hori fu takimakandra musu kobroyki nanga na pristeri fu na mun. Fu ten na ten Wi Kownukondredienst e gi wan tra Tori fu takimakandra leki ray. Te yu e lèy wan nyun sma op a de a moro bun sani fu kobroyki na tori di wi abi ini wan eenvoudig pristeri. Na tapu tra momenti a kan bun fu abi difrenti fasi fu bigin nanga sma. Yu pruberi fu bigin yu taki nanga a pristeri fu wan traktaat ofu strooibiljet fu bigin wan takimakandra?
5 Sondro degedege dan na ini na Taki-go-taki-kon-buku wantu inleiding de di yu no pruberi ete. Tapu blz. 9 nanga 10 fu eksenpre den e gi ray fu inleiding di abi den gron fu sani di e psa ini wi ten. Tan fu sabi den sani disi èn abi beybri tekst na prakseri di abi fu du nanga nyunsu fu ala dey. Den e wroko unu gebied furu tron? Efu dati de so, dan yu sa du bun fu kobroyki difrenti fasi fu inleiding fu di yu e meki kobroyki fu den wan di de tapu blz. 15 fu na Taki-go-taki-kon-buku. No frigiti tu den tumusi bun ray ini Na Wachttoren fu 15 yuli 1988, blz. 15-20. Pruberi ibriwan fu den aksi di den prakseri dipi fu en tapu blz. 19 par. 16, èn sorgu taki yu gi na ososma na okasi fu taki fa en e si na tori.
6 Na den sma na ini wi gebied furu difrenti bakagron nanga omstandigheden e prey wan rol. Wi musu kenki wi fasi fu bigin nanga sma so taki a boskopu de moy gi ala sma di wani arki, èn wi musu du disi fu di wi e broko wi ede gi na tanbun fu trawan (1 Kor. 9:19-23). A kobroyki fu kenki ini wi oso-fu-oso diniwroko sa yepi wi ’fu frulusu wisrefi èn so srefi tu den di e arki wi’. — 1 Tim. 4:16.