Aksiboksu

● Suma musu behandel wantu sani tapu na dienstkonmakandra?

Na marki fu na pisi disi fu na dienstkonmakandra de fu gi na gemeente bodoy fu finifini pisi di de fu belang fu du na diniwroko di wi kisi. Sonwan fu den sani de leki yepi fu memre wi èn a wan wiki baka na trawan den de a srefi. Ma ala den sani di musu meki bekenti musu tyari kon krin na fesi. Nowan fu den sani di musu meki bekenti musu du frafra ofu behandel leki wan gwenti sani.

A de prenspari fu son sani di e meki bekenti kan aksi taki wan owruman musu du en. Ibri yuru te disi de na kofal, a sa de na frantiwortu fu na fesiman opziener fu seti sani taki wan bekwaam brada taki fu den bodoy, srefi efu wan tra brada e behandel den tra sani di poti fu meki bekenti.

Te wan brifi nanga bodoy gi na gemeente abi tra nyunsu na ini di de gi den owruman wwan, dan wan owruman musu pristeri den bodoy. Son brifi fu na Genootschap di abi aparti skrifilin gi na gemeente, wan owruman di de bekwaam moro betre kan leysi en. Den sortu brifi disi ben sa kan go fu spesrutu wroko fu skrifi brifi fu na bun fu wi brada di e kisi frufolgu. Wantu brifi abi kande finifini pisi fu bodoy fu teyokrasiyawroko fu a ten di e kon so leki a fisiti fu na kringopziener. kringkonmakandra nanga spesrutu deykonmakandra nanga kongres.

Fu ten na ten a kan psa taki wan prenspari meki bekenti musu du ini a tori fu na tanbun fu na gemeente, èn den bodoy dati musu tyari kon krin na fesi. Den sortu meki bekenti dati moro bun wan owruman kan du en.

Efu a de now wan owruman ofu dinari ini a diniwroko di e meki wantu sani bekenti, den musu tyari kon abra krin èn syatu. A waka baka den tirilin disi sa de wan dyaranti taki skrifilin sa tyari kon abra na wan yoysti fasi, so taki ala sma ini wanfasi sa go na fesi. — Ps. 133:1; 1 Kor. 14:8, 9, 40.