„Hori den na ini prakseri di e teki fesi na mindri oenoe”
„Hori den na ini prakseri di e teki fesi na mindri oenoe, di ben taki a Wortoe foe Gado gi oenoe èn waka baka na bribi foe den, nanga ala di joe e loekoe na kaba foe a waka foe den.” — HEBREWSMA 13:7.
1. Sortoe kenki ben kon na ini na di foe tinanégi jarhondro na ini a tori foe na troe anbegi, ma fa den ben teki poti kristen owroe man?
NA INI na laatste kwartaal foe na di foe tinanégi jarhondro wan kon boen baka ben kon foe na troe anbegi foe wan pikin groepoe bijbelondroekoeman di ben gi densrefi abra èn di ben sroiti densrefi na Charles Taze Russell na ini Pitssburgh Pennsylvania (VS). Na fosi proeberi foe den ben de foe soekoe na kon boen baka foe na troe bijbelleri, sondro den flaka foe gwenti nanga filosofie foe Babylon. Ma na fosi protest foe a kon boen baka ben go safrisafi na tapoe na kontren foe gemeente organisaatsi. Aladi na mindri den bijbelondrosoekoeman owroe man nanga diaken (dienari na ini na diniwroko ben de), tokoe na son pisi den no ben krin densrefi foe falsi kerkiprakseri. Na so den owroe man srefi ete te na ini na di foe twenti eeuw den gemeente ben piki den nanga jepi foe wan democratis methode foe verkiezing, pe wan sma e sori soema a ben wani nanga opo foe en anoe.
2. Ma ete na sortoe hé markitiki owroe man ben moe doro na mindri Jehovah pipel?
2 Ma tokoe ete a lostoe ben de dati owroe man ben doro wan hémarkitiki, bikasi na ini The Watch Tower foe 1 november 1909 tapoe bladzijde 325 a ben taki: „Na a teki foe owroeman den wan di ben wei densrefi foe hori na ini prakseri taki na frantwortoe didon na tapoe den; no wan sten moe tjari kon na doro sondro wan loekoe nanga frede ini na wani foe Gado èn begi foe abi na tiri foe Gado.” Na ini na artikel moro fara krakti ben poti na tapoe dri marki foe wan boen owroe man: (1) A ben moesoe de koni na ini na gi foe leri, (2) a ben moesoe leri waarheid èn no falsi leri (3) saka-fasi èn vroomfasi ben de „den moro prenspari fasi foe wan owroe man.
Na kon boen baka foe na theocratis orde
3, 4. Sortoe historia kenki ini a tori foe aanstelling foe doe den gemeente frantwortoe ben kon na ini (a) 1918? (b) 1932? (c) 1938? (d) 1971? (na ini kondre pe Na Wachttoren ben vertaal poeroe foe Ingrisitongo, soleki Bakrakondre na ini 1972?
3 Na ini 1919 wan fosi stap ben doe foe meki na theocratis loekoe foe den aanstelling kon reti baka. Den gemeente ben kisi a kari foe pristeri wan brada di ben abi faja èn di ben sa teki fesi na ini a prékiwroko leki dienst-„tiriman”. Na gemeente foe a presi pe a de no sa teki en poti ibri jari njoen baka, ma na Wachttoren Genootschap, na wetteleke vertegenwoordiger foe gemeente foe den salfoewan, ben kan poti en rechtstreeks. Na ini 1932 dan den owroe man di den ben teki poti èn di ben moe wroko makandra nanga na dienst-„tiriman”, ben komoto èn ini den presi ben kon wan dienstkomité foe lepi brada di ben sa doe wroko na ini difrenti dienstpositsi na ini na gemeente, man di te na a ten dati ete a gemeente ben kan teki poti. Den ben poti na wortoe „owroe man” na wan sé èn teki den wortoe „groepoe dinari, bijbelstudie dinari èn so moro fara.
4 Na broko krinkrin nanga verkiezing ben kon pas na ini 1938, di a ben tjari kon na fesi dati na tiriskin foe na grontapoe kristen gemeente ben abi na makti foe poti sma. Foe sensi a ten dati dan na Genootschap ben e poti bekwaam man wantronwantron leki „dinari” foe doe difrenti wroko na ini a gemeente. Na ini Na Wachttoren foe 15 februari èn 1 april 1972 (na Ingrisi uitgave foe 15 november nanga 15 december 1971) dan ete wan moro krin froestan foe na marki foe den owroe man nanga opziener ben kon na fesi. Boen réde ben gi foe a drai go baka na den wortoe foe bijbel foe owroe man (presbuteros), èn opziener (episkopos).
5. (a) Foe san-ede spesroetoe sorgoe moesoe poti na tapoe na rekomanderi foe owroe man? (b) Sortoe faktor moesce hori na prakseri?
5 Ete wan tron baka den hé marki tiki di santa jeje ben poti èn di tanapoe na ini na Wortoe foe Gado, krakti ben poti a tapoe. Foe san-ede disi ben de so? Foe di wan owroe man foe a kan kisi respeki, fosi den ben rekomanderia en èn poti en, ben moe teki fesi na ini kristen libifasi èn na diniwroko (Hebr. 13:7, 17). Foe dat’ede den skin foe owroe man no moe haasti foe handri te den e rekomanderi njoen owroe man (1 Tim. 3:6; 5:22). Prakseri dati foeroetron a e kostoe moro ten nanga takmakandra foe poeroe wan owroe man di no boen, leki foe rekomanderi en foe den poti en a ini wroko. Wan ekstra pasi di moe waka, te joe loekoe en boen, de, efoe na gemeente ben behandel a brada neleki a ben de wan owroeman kaba bifosi en aanstelling. A ben kisi na respeki foe den di a ben doro den bijbel marki sodati no wan degedege ben de abra na aanstelling?
’Teki fesi na tapoe wan toemsi moi fasi na ini en osofamiri’
6. San na wan toe foe den marki di wan owroe man moe doro na ini a tori foe en osofamiri?,
6 Meki wi go loekoe sjatoe wan toe foe den marki di Paulus ben kari èn di wan owroe man moe doro èn loeekoe san den wani taki na ini disi ten na ini praktis fasi. Paulus ben skrifi:
”Efoe wan man de di de fri foe fowtoe, a man foe wán wefi, di abi pikin di e bribi, di fowtoe no kan feni na den foe loesoe fani foe libi èn di no ben de nanga tranga-ede.” — Tit. 1:6.
„Na opziener foe dat’ede moe de wan sma di e teki fesi na tapoe wan toemsi moi fasi na ini égi osofamiri, di abi pikin na en ondro na ini ala ernst; (bika efoe wan sma no man foe tjari en égi osofamiri fa a sa kan sorgoe dan gi na gemeente foe Gado?).” — 1 Tim. 3:2, 4, 5.
7. Sortoe spesroetoe balans moesoe de na mindri na frantowrtoe di na owroe man e tjari na fesi foe en osofamiri èn na fesi foe na gemeente?
7 Na marki foe sorgoe na joisti fasi gi na osofamiri foe den, de gi foeroe owroeman wan tjalansi. Fa wan owroe man kan teki fesi na ini na gemeente èn tokoe meki moeiti sodati na jeje fanowdoe èn firi foe en oema nanga go na baka? Dati a no wan makriki sani. Disi séker e aksi lepi na jejefasi foe hori wan boen balansi na mindri den frantwortoe disi. Sma foe a gemeente e aksi sontron ten nanga prakseri di na owroe man nanga reti ben sa moe gi na en osofamiri. Foe san-ede na sorgoe foe en osofamiri ben sa moe teki sowan prenspari presi? Foe di te a poti na fasi fa a de nanga den difrenti memre foe en osofamiri na wan sé ofoe te den minderjarig pikin di anga foe en ete no e handri na ini akroederi nanga na bribi foe di den no e tjari densrefi na wan boenfasi, dan a no boen moro foe de wan owroe man aladi di a abi bekwaamheid nanga faja. Foe dat’ede wi moe hori na ini prakseri dati herderlek wroko e bigin na oso! Ija, na owroe man leki en osofamiri moe sori wan boen balansfasi, èn ooktoe na gemeente moe doe disi na ini a tori foe den marki di e poti. — Ef. 5:28-33; 6:4; 1 Tim. 5:8, 1 Petr. 3:7,
’No nanga tranga-ede, ma redelek’
8, 9. Sortoe égifasi wan owroeman moe sori na ini en demakandra nanga tra sma?
8 Wan lo tra marki abi foeroe foe doe nanga na fasi fa na owroe man tanapoe nanga en kompe-owroe man èn nanga na heri gemeente. Paulus e tjari disi na ini en brifi gi Titus nanga Timotéus na a fasi disi kon ondro wortoe:
„Bika wan opziener moesoe de leki na beheerder foe Gado fri foe fowtoe, no nanga tranga-ede, no moe lobi foe kisi atibron, . . . no wan sma di e naki, . . . di e dwengi ensrefi.” — Tit. 1:7, 8.
„A no moe de wan sma di e naki, ma redelek, no lobi foe stré.” — 1 Tim. 3:3.
9 Den marki disi e sori dati wan owroe man ini a sma di a de moe proberi foe de leki Kristus. Dati de séker wan hé markitiki. Ma na markitiki disi de gi ala kristen! Wi alamala moe waka baka Kristus, èn disi wani taki wi moe lobi vréde (1 Kor. 11:1). Na bijbelskrifiman Jakobus ben tjari disi kon na fesi na a fasi disi: „Na koni foe tapoesé de na a fosi presi soifri, dan a lobi vréde, redelek, de klari foe gi jesi, foeroe nanga sari-ati èn boen froktoe . . . boiti dati, na siri foe regtvaardikifasi e sai na ondro vréde toestand gi den di e meki vréde.” — Jak. 3:17, 18.
10, 11. (a) Fa na libifasi foe wan owroe man kan abi krakti na tapoe wan gemeente? (b) Sortoe jejefasi moesoe kon moro na fesi, srefi te difrenti de na mindri na fasi fa en e si sani?
10 Wi kan taki foe wi leki owroe man dati wi „e meki vréde”? No wan enkri owroe man no ben sa wani de na oorzaak foe kesekese nanga trobi. Wan skin foe owroe man na ini a tori disi moe gi wan boen eksempre. Na a fasi disi na gemeente no sa broeja foe di difrenti de na mindri den owroe man foe na fasi fa den e prakseri sani. Meki wi alamala hori den wortoe foe Paulus na ini prakseri: „Mi wani dati na ini ibri presi den man gi densrefi abra na begi, e opo loyaal anoe go na tapoe, sondro atibron, èn stré nanga wortoe.” — 1 Tim. 2:8.
11 Wawantron difrenti sa de na ini prakseri. Wan sma di de redelek, no sa de nanga tranga-ede èn kakafoetoe — awasi a de wan tranga man na ini a sma di a de. A sa de klari foe taki a de fowtoe te bijbel gronprakseri no de ini a tori. Èn te den de wèl ini a tori, dan a sa sori taki a de so koni foe si o prenspari a de foe dwengi ensrefi. A sa tjari kon na ini en prakseri na gronprakseri di tanapoe na ini 1 Korintesma 13:4, 5, dati lobi ’no e kisi ati-bron’. — Kol. 3:12-14.
„Hori tranga na a getrow wortoe”
12. Tapoe sortoe tra marki Paulus e poti krakti?
12 San sa jepi wan owroe man foe kweki den fanowdoe marki moro fara? Èn san a kan doe na ini son geval foe hori den? Wi abi na piki na ini tra wortoe foe Paulus:
„Hori tranga na a getrow wortoe na ini a tori foe na koni foe leri sma, sodati a man foe fermane nanga jepi foe na gesontoe leri èn pir’ai gi den sma di e taki tége.” — Tit. 1:9.
„De bekwaam foe leri sma.” — 1 Tim. 3:2.
13. Fa wan owroeman moe poti speciaal prakseri a tapoe en jeje gesontoe?
13 San wan owroe man kan doe foe hori tranga na a getrow wortoe èn ’de bekwaam foe leri sma’? Na ini na fosi presi a moe poti geregeld ten na wan sé gi persoonlek bijbelstudie. Na ini disi de en sreka gi kristen komakandra èn den tron di a kisi foe hori wan lezing. Foe a boen foe en égi jeje gesontoe dan na sreka disi no moe de frafa. So kande a kan strepi esesi den piki na ini wan studie-artikel foe Na Wachttoren, ma disi wani taki dati a ben stoeka na materiaal? Na fasi fa na thema ben tjari kon na fesi de krin gi en srefsrefi? A ben loekoe den tekst di skrifi èn di no skrifi foe kan si fa den gebroiki? A de krin dati disi no kan psa na ini wan sjatoe ten foe hari strepi. Persoonlek studie èn osofamiri-studie e aksi ten. — Joz. 1:8; Ps. 1:2; 77:6, 12.
14. San wan owroe man kan doe foe poti prakseri na tapoe na koni foe leri sma?
14 Na ini di foe toe presi a de fanowdoe — foe di nanga wan druk schema ten moe de foe doe ala sani — dati wan owroe man poti spesroetoe prakseri na wan kristelek boekoe nanga artikel di abi direkt foe doe nanga en ’koni foe leri sma èn na gi foe fermane èn pir’ai’. Na makriki jepi na ini a tori disi de wan bibliotheek di de netjes èn di seti boen. Spesroetoe wan owroe man moe man feni esesi soifri bodoi foe na bijbel, èn disi wani taki a moe meki geregeld gebroiki foe den index di a Wachttoren Genootschap skrifi. Foe san-ede ala disi de so prenspari? Na apostel Paulus ben skrifi: „Poti alaten prakseri na joesrefi èn joe leri. Tan na den sani disi, bikasi te joe doe disi, joe sa ferloesoe joesrefi leki den sma di e arki joe.” — 1 Tim. 4:16.
15. Foe san-ede rai di no komoto foe a bijbel de kefarlek?
15 Ija, na a rai di wan owroe man e gi, libi nanga ferloesoe kan de ini a tori. Na ini afersi di abi foe doe nanga a poeroe foe wan bere, broedoe transfusie èn kristelek neutraliteit wan owroe man foe eksempre kan abi wan dipi krakti na wan boen fasi ofoe na wan takroe fasi na tapoe en égi konsensi leki di foe trawan, èn ooktoe na tapoe na matifasi fa sma de nanga Jehovah. Foe dat-ede wi kan froestan dati a no de wan sani di no de wan froestan sani foe piki aksi te wi no de séker foe den bijbel gronprakseri di de ini a tori. Rai di no abi wan bijbel fundamenti, ben sa kan tjari ogri kon di no sa man foe meki kon boen baka. Fil. 1:9, 10.
16. Foe san-ede son owroe man e gi densrefi abra na bigi sondoe, èn disi ben de wan pikin tori?
16 Ete wan réde foe poti prakseri na joesrefi leki owroe man de na fanowdoe foe kweki èn hori wan boen matifasi nanga Jehovah. A wan sari sani dati son owroe man ben poti na matifasi disi so na wan sé dati den ben fadon go na ini na doe foe soetadoe. Fa disi ben man foe psa now? Makriki foe di den ben gi pasi dati Jehovah nanga en pramisi ben kon na baka. Na jeje loekoe foe den troeboe èn gridi lostoe ben teki den abra. Mi-no-ke-fasi gi na sjen di sa trowe na tapoe Jehovah santa nen èn na pina di den e tjari kon na tapoe den lobiwan foe den, meki wantoe owroe man kon de deloyaal na ini a trowpramisi foe den. Den sortoe man disi de séker wan réde foe sma stotoe foetoe fadon. A sondoe foe den joe no kan si makriki leki wan pikin sani ofoe poti en na wan sé foe di wi e libi now na ini wan pisiten pe pasi e gi foe doe seks. — Matt. 13:41; 18:7-9; Hebr. 13:4.
Getrow owroe man nanga den wefi foe den
17. Sortoe toemsi moi eksempre a moro bigi pisi foe den owroe man e gi?
17 Na a tra sé wi moe taki toe dati den owroe man na a heri grontapoe, te joe poeroe wantoe na inisé e teki wan krakti standpunt gi soifrifasi èn waarheid. Na toemsi moi eksempre foe den na ini den moro leki 45.000 gemeente de wan fonten foe dekati gi na pipel foe Gado. Na ini den „moeiliki ten disi,. . . di tranga foe psa”, dan opziener nanga faja di netleki na apostel Paulus de druk bezig dé nanga neti (2 Tim. 3:1; Tori. 20:31). Den owroe man disi de klari foe go loekoe sma na oso di siki na jeje fasi, awasi san de a tori leki a fara pe den e libi èn fa a weer de. Èn fa a de wan moi sani foe si fa den „owroe man” disi e teki na wan geregelde fasi fesi na ini na velddienst!
18. Sortoe toemsi moi rol den oema foe den owroe man e pré na ini a gemeente?
18 Wi abi ooktoe foeroe warderi gi den offer di den owroeman-wefi e tjari sontron! Den oema disi sontron moe tan den wawan na oso ala di a masra foe den moe de na spesroetoe komakandra ofoe de na herderlek fisiti. Sontron boen persoonlek plan di meki na fesi moe poti na wan sé foe dini wan ofoe tra fanowdoe problema na ini a gemeente di aksi a prakseri foe den. Ija, wi e prijse ooktoe den boen sisa disi, di e loekoe boen foe tan farawe foe kon sabi fertrow afersi foe den man foe den. Den e sori respeki gi den owroe man èn den de wan wini gi na gemeente. — Teki gersi Romeinisma 16:12; Titus 2:3-5.
19. (a) San a wani taki foe de wan owroe man? (b) San man di gi densrefi abra ma di no de owroe man ben kan aksi densrefi?
19 Te wi loekoe na rol foe den owroe man na ini na disiten kristen gemeente ete wan tron èn e si fa a moro bigi groepoe e offer densrefi èn tapoe wan toemsi moi fasi e teki fesi, dan wi ati e foeroe nanga tangi gi Jehovab foe di en ben meki na lobi seti disi doe kon. Bekwaam man, di abi warderi gi jeje waarde e poti densrefi na ini a gemeente foe doe dienst! Foe dat’ede Paulus ben taki gi Timotéus: „Efoe wan sma e proeberi foe doe a wroko foe wan opziener, a e feti a baka wan toemsi moi wroka” A ’toemsi moi wroko’ dati no de wan positsi, makti èn bigi nen, soleki disi de na ini na kristenheid. Foe na wroko disi wan sma no moe abi gridifasi, moe tjari offer èn moe doe dienst. Efoe joe leki wan dopoe man di gi ensrefi abra no de wan owroe man ete, sori dati joe de klari dan foe doe moeiti nanga wan soifri boewégi foe ati foe teki na frantiwortoe dati na joe tapoe? — 1 Tim. 3:1; Luk. 17:10.
20, 21. (a) Fa wi moesoe si den getrow owroe man na ini a gemeente? (b) Fa wi e sori moro ete te wi doe disi?
20 Den sma di e teki fesi ge-row, e kisi respeki na ini a gemeente. Loyaal sma a ini na gemeente de klari foe waka na baka na lobi eksempre foe den èn waka na rai foe Paulus: „Hori den na ini prakseri di e teki fesi na mindri oenoe, di ben taki na wortoe foe Gado gi oenoe, èn waka baka a bribi foe den, ala di oenoe e poti oen ai na tapoe na kaba foe na waka foe den. Gi jesi na den di e teki fesi na ondro oenoe èn saka oensrefi bikasi den e loekoe oen sili leki sma di moe gi frantwortoe sodati den doe disi nanga prisiri èn no nanga soktoe, bika disi ben sa doe joe ogri.” — Hebr. 13:7, 17.
21 Meki wi alamala sori dati wi ben saka wisrefi na ondro na theocratis seti èn abi respeki gi den owroe man di troetroe e teki fesi, sodati den kan doe disi nanga prisiri èn no nanga soktoe. Te wi sa handri na so wan fasi, dan wi sa sori dati wi abi respeki gi na Moro Hé opziener Jehovah, èn en Opziener di a gi ala makti, Jezus Kristus. — 1 Petr. 2:25; Openb. 1.1; 2:1-3:22.
[Foetoewortoe]
a Rekomanderi wani taki a pristeri ofoe gi rai foe teki wan sma a ini wan wroko
Joe kan memre disi ete?
□ „Owroe man di den ben teki poti” moe doro sortoe hé marki?
□ Sortoe stap ben doe foe 1919 te go miti 1938 foe meki na theocratis orde na ini na kristelek organisaatsi kon boen baka?
□ Sortoe balans wan owroe man moe hori foe teki frantwortoe na fesi foe en osofamiri èn na gemeente?
□ Sortoe ègifasi e kon moro na fesi di den owroe man moe sori na ini a matifasi foe den nanga tra sma?
□ Foe san-ede a de toemsi prenspari dati wan owroe ’hori ensrefi stéfi na a getrow wortoe’?
□ Foe san-ede wi moe de nanga tangi gi na owroe man regeling na ini na gemeente?
[Prenki na tapoe bladzijde 6]
Wan owroeman e doe koni te a e gi ten ini na prékiwroko nanga en osofamiri
[Prenki na tapoe bladzijde 7]
A e poti ten na wan sé foe njan boen foe gesontoe ontspanning nanga en lobiwan