Wroko makandra leki osofamiri e gi bun bakapisi
1 Na osofamiri seti de na moro owru seti gi libisma. Gi Yehovah a de wan diri sani, fu di na en „ibri famiri ini heymel nanga grontapu musu gi tangi fu a nen di den abi”. — Ef. 3:15.
2 Ini beybri ten a ppa ben abi na moro prenspari frantiwortu fu sorgu taki na osofamiri ben de teyokrasiya dorodoro. Disi de now so srefi tu (Yos. 24:15; Ef. 6:1-4). A de wan tyalansi fu sorgu gi a ala fanowdu osofamiri afersi. Fa disi kan du? Nanga yepi fu osofamiri wrokomakandra èn orga. — 1 Kor. 14:40.
TEKI FESI LEKI EDEMAN
3 Na yeyefasi fu ala sma de na moro prenspari sorgu. Na osofamiri stuka musu ori doronomo èn musu fiti na a fanowdu fu na osofamiri. Disi musu de so srefi tu na kofal nanga a luku fu na deytekst. Fa a de wan tumusi bun sani fu bigin a dey nanga wan takimakandra fu na Wortu fu Gado! Te wi go denki dipi fu en ini na pisten fu na dey, dan dati sa yepi wi ’fu tan prakseri den sani di krin èn moy èn di sma e taki bun fu den’ (Fil. 4:8). Yu kan tyari kenki kon ini disi?
4 Na sey na osofamiri stuka wan programa fu stuka nanga yu srefi de prenspari. Den wortu ini Yosuwa 1:8 fiti net so krakti gi ibriwan fu wi persoonlek: „Na wet buku disi no musu way komoto fu yu mofo, èn yu musu leysi dey nanga neti na ini en nanga safri sten, so taki yu sa kan handri finifini akruderi ala sani san tanapu skrifi na ini; bikasi dan yu pasi sa abi bun bakapisi èn dan yu sa handri koni.”
5 A de wan tyalansi fu de biten na den gemeente konmakandra. Disi tu e aksi fu wrokomakandra. Na tiri fu na ede fu na osofamiri sa sorgu taki yepi e gi te a de fanowdu. Disi sa yepi ala sma fu doro biten fu teki prati na na bigin singi nanga begi.
6 Fu di someni elementi de di e wroko teyge na wanfasi fu na osofamiri seti, dan a de fu tumusi bigi belang taki na ede fu na osofamiri e teki fesi ini begi (2 Tim. 3:1-5). „Hori doro ini begi” na a deki-ati fu Paulus ini Romen 12:12. Te wi du disi doronomo, a kan de wan yepi fu smeti na osofamiri na wan. Na begi disi no e kon na presi fu den persoonlek begi fu den memre fu na osofamiri.
SREKA
7 A meki bekenti fu Yehovah nen de wan pisi fu na anbegi fu en. Ten fu ufen nanga na osofamiri sa yepi ala sma fu de srekasreka tapu na diniwroko. Wan tumusi bun wrokosani di wi kan kobroyki na a Taki-go-taki-kon-buku. Fu bladzijde 9-15 inleiding kan piki fu poti na a Tori fu Takimakandra. Na ede fu na osofamiri kan gi ray di fiti fu tyari kenki kon.
8 A pasi opo gi wan ofu moro memre fu na osofamiri fu go na ini na furuten wroko? (1 Kor. 16:9) Disi sa aksi fu ala sma ini na osofamiri wan bun wrokomakandra nanga orga. Fu di den meki den fasi fu libi moro eenvoudig èn abi na koni fu feni pasi fu du sani, furu osofamiri e nyanbun fu na prisiri fu na grani disi.
9 Aladi na ppa ofu ede fu na osofamiri musu teki fesi, dan ibri memre fu na osofamiri musu memre taki en persoonlek de frantiwortu fu yepi na osofamiri ini na anbegi fu Yehovah. Abi wan opo ay gi den belang fu ala sma e yepi fu kisi wan koloku osofamiri di tyari kon na wan.