Pristeri na bun nyunsu — Leki osofamiri
1 Wan osofamiri di gi den srefi abra èn e du dorodoro santa diniwroko — nanga ppa, mma nanga pikin di e dini Gado nanga den heri sili — de wan prèyse gi Yehovah bigi nen. Wi prisiri taki ini den gemeente fu Yehovah pipri na a heri grontapu den sortu osofamiri disi de fu feni.
2 A no de fu taki, taki a de na a fosi presi a frantiwortu fu a ppa fu sorgu gi den yeye fanowdu fu en osofamiri (1 Kor. 11:3). Te a e wroko makandra nanga en uma èn den pikin dan en osofamiri kan abi wan tranga krakti tapu trawan (Mat. 5:16). San na wantu kontren pe a wrokomakandra disi kan sori en srefi?
PPA NANGA MMA E TEKI FESI
3 Ini furu kofal a ppa sa de wan owruman ofu dinari ini na diniwroko. Disi wani taki, taki boyti den afersi fu en osofamiri, pikinso fu en ten nanga prakseri musu gi tu na gemeente afersi. A de a frantiwortu fu na ppa fu hori ay a tapu taki a prati na ten di a abi bun, so taki a no de so taki a no e luku en osofamiri bun. Disi no sa de ala ten makriki a srefi fu di doronomo den e aksi a pikinso ten fu en. Ma fu di en osofamiri na a moro prenspari frantiwortu fu en, meki a musu poti doronomo pikinso fu en warti ten na wan sey fu studeri nanga en osofamiri, fu go nanga den ini a preykiwroko èn na den konmakandra, èn fu abi ontspanning di fiti. Sontron a schema fu a ppa kan kenki fu di omstandigheid nanga tra frantiwortu di e kon moro ete, ma fa a warti a muyti efu ibri mun a ben de nanga den memre fu en osofamiri na ini a preykiwroko.
4 A wrokomakandra fu a trow-uma de tumusi prenspari. A kan de wan tumusi prenspari mankeri pisi gi en masra fu di a sa yepi tu fu skoro den pikin ini a diniwroko. A eksenpre fu en fu a faya fu den sani èn fu gi en srefi ini a diniwroko sa du furu fu meki a warderi fu den pikin gro gi a diniwroko. — 2 Tim. 3:14, 15.
5 Furu tumusi moy eksenpre de fu situwâsi pe wan bigisma nomo tyari na yeye lay fu frantiwortu èn skoro den pikin ini a diniwroko nanga bun bakapisi. Furu yonguwan teki wan krakti bosroyti gi a waarheid èn teki srefi na furuten-dienst fu di den ppa ofu mma gi den wan tumusi bun eksenpre.
A FRANTIWORTU FU DEN PIKIN
6 Fa a de nanga a frantiwortu fu den pikin? Srefi na volmaakti Manpikin fu Gado, Yeyses, ben saka en srefi na a tiri nanga den ray fu en ppa nanga mma di a ben de wan yongu pikin ete (Luk. 2:51). Fu dati-ede te ppa nanga mma e seti sani fu go makandra leki osofamiri ini a preykiwroko, dan a de na prekti fu den pikin fu sori taki den e gi den srefi na ini a dini fu Gado fu di den e wroko makandra nanga den ppa nanga mma. — Ef. 6:1-3.
7 Fu wroko makandra leki osofamiri ini a tru anbegi — fu studeri, fu teki prati na ini a preykiwroko — èn fu fisiti konmakandra — e tranga a banti fu lobi nanga wánfasi ini a osofamiri kring. Ppa nanga mma èn pikin e tyari ibriwan fu den a pisi fu den frantiwortu na ini a tori disi.