Aksiboksu

● A fiti taki wan brada e lèy wan beri dienst gi wan sma fu na grontapu fu suma sma sabi taki a de wan ogriman?

Fu ten na ten aksi e kon ini a tori fu a lèy fu wan beri te na sma di dede, so leki wan famiriman di no de na bribi fu wan fu den Yehovah Kotoygi, ben abi pikinso ofu no wan enkri demakandra nanga Yehovah Kotoygi. Wan balans luku fu a lèy fu wan beri dienst gi so wan sma den e gi ini Na Wachttoren fu 1 december 1977, blz. 727 (Bakratongo uitgave).

Efu den e aksi wi fu lèy na beri fu wan grontapu sma di den e si, so leki fa furu sma sabi en na alasey, leki wan ogriman, dan wi no musu teki disi fu di a ben sa trowe wan fowtu leti tapu Yehovah èn en organisâsi. — Odo 18:3.

Fa a de nanga wan sma di no gi en srefi abra èn di fosten ben abi fu du nanga ogridu? Wan difrenti de a mindri wan sma di ben tan go doro fu libi wan libi fu ogridu èn wan sma di ini a ten di psa ben libi wan libi di no ben de so moy ma na yeye fasi ben de beysig fu kenki en srefi èn ben pruberi fu weri wan nyun persoonlekhèyt (Rom. 12:2; Ef. 4:17, 20-24). A sma no ben tron wan kresten sma ete di ben gi ensrefi abra èn teki dopu di ben waka na wan soyfri reti fasi èn ben krin (1 Kor. 6:9-11; Openb. 7:9, 10). Ma kande a ben du muyti fu kenki en libi, èn disi kan ori na prakseri te wan aksi e du fu sorgu gi na beri fu en. Efu den owruman abi na prakseri taki a no ben sa pori na vrede nanga wanfasi fu na gemeente èn taki so srefi tu a no ben sa tyari pori nen tapu Gado pipri, dan trobi no ben sa de fu wan owruman ben ori wan lezing, efu a kan tyari disi ini akruderi nanga en konsensi. — 1 Kor. 10:23, 24, 29, 32, 33.