Pristeri na bun nyunsu — Nanga yepi fu telefon
1 Wi e gi a preiki fu a bun nyunsu pe wi e taki fesi nanga fesi nanga sma a fosi presi, ma omstandigheid kan meki a preiki nanga yepi fu telefon tron wan fanowdu sani. Preikiman di musu tan na oso fu wan pisiten ofu alaten fu di den siki ofu abi mankeri na skinfasi, kan kobroiki a telefon bun fu gi kotoigi. A bèl fu sma kan abi so srefi heri bun bakapisi fu meki kontakti nanga sma di de na den presi pe yu no e kisi pasi fu go sondro taki den ben gi yu wan kari na fesi. A preiki nanga yepi fu telefon e tyari aparti tyalensi nanga en, ma te yu e prakseri bun èn e meki bun plan, dan wi kan kakafutu gi den tyalensi.
2 Sontron yu kan feni nen nanga yepi fu wan bord na ini wan hal fu wan oso ofu tapu den brifi boksu. Dan yu kan kobroiki den telefon buku fu suku den telefon nomru. Disi musu du na ondro na tiri fu a dienstopziener, so taki kontren fu preiki nanga yepi fu telefon kan orga èn taki wan bun bericht kan hori fu disi.
FA FU SREKA YU SREFI
3 Fu abi bun bakapisi ini a preiki nanga yepi fu telefon, dan wi musu taki na wan waran èn switifasi. Kibri yu srefi fu no bel fruku mamanten ofu lati a neti, ofu te sma e nnyan. A no de fanwodu fu meki a telefon bari furu tron. Efu yu yere taki wan tape e piki, dan yu kan taki: „Mi nen na . . . , èn mi e bèl yu fu prati a beibri howpu fu a ten di e kon nanga yu. Mi sa bèl yu baka.” A de a moro bun sani fu si a sma di yu no ben kisi fu taki nanga en, leki wan sma di no ben de na oso èn dan yu musu bel en wan tra leisi baka.
4 Oefen yu lezing bun na fesi so taki a no de neleki yu e leisi en. Meki a ososma firi taki yu abi persoonlijk belangstelling gi en fu di yu e pruberi fu meki a abi wan prati na ini a takimakandra. Meki a sma sabi suma e bel fu di yu e kari yu fesinen nanga yu famirinen te yu e bigin fu taki èn du muiti fu kobroiki a nen fu na ososma ini a takimakandra.
5 Taki na wan bedarifasi èn prakseri bun, ma stòp fu taki soso te yu poti trutru wan aksi, fu di yu kan fruklari wan pauze leki wan aksi meki yu ben sa kan taki: „Mi nen na . . . , èn mi e bel yu fu di mi srefi no man fisiti yu.” Dan sondro fu yu stòp, yu kan taki morofara san e kon now: „A reide di mi bel yu na fu di mi ben sa wani yere nanga prisiri fa yu e denki fu wan tumusi moi aksi. Yu aksi yu srefi wan leisi kba efu . . . ?” Yu kan kenki a aksi fu di yu e aksi: „Yu ben prakseri wán leisi fu disi kba . . . ?” ofu „Yu prakseri wàn ten kba fu . . . ?” Sma no kan piki fowtu tapu den aksi disi, èn den aksi disi e meki en makriki gi ososma fu teki prati na a takimakandra. No wiki a firi ini a sma fu gi negatief piki fu di yu e taki: „Mi howpu taki mi no e stoor yu” ofu „Mi howpu taki yu no abi en tumusi druk”. Bigin fu taki nanga a prakseri taki a ten bun so langa a ososma no taki taki a no de so.
6 Efu a sma e taki: „Gi suma yu e teki presi?”, dan yu musu taki eenvoudig sondro fu draidrai: „Mi na wan fu den Yehovah Kotoigi, èn mi e bèl fu yere yu fasi fu denki fu a tumusi moi aksi disi. „Yu aksi yu srefi wan leisi kba . . . ?” Efu na ososma e aksi: „Fa yu du feni mi telefon nomru?”, dan yu kan piki: „Na ini na telefon buku, èn mi e bel fu yere yu fasi fu denki fu a tumusi moi aksi disi. A prakseri disi ben kon wan leisi na yu . . . ?”
7 Son wan ben abi bun bakapisi fu di eenvoudig den e fruteri a ososma taki wi abi wan programa fu gi piki tapu beibri aksi sondro fu yu pai èn dan den ben kari wantu nen fu den kapitri na ini a Têgo libi-buku. Ofu yu ben kan taki: „Fu di na oso pe yu e libi beveilig fu a hei nomru fu tranga-ogridu ede, meki fu dati-ede mi e bel yu fu aksi yu fasi fu prakseri. Fu san-ede so leki yu e prakseri a de so taki so furu tranga-ogridu de na ini a ten disi?”
8 Na ini wan oso di ben beveilig bun furu bun bakapisi no ben feni te leki preikiman ben pruberi fu gi kotoigi nanga yepi fu telefon. A bakapisi ben de taki 14 nyun beibri studi ben opo. Oso di yu no kan go sowmar, kan tron bakaten gebied di unu no e wroko, ma di lai nanga bun furu fruwakti. Nanga wan positief fasi fu si sani, nanga a frustan taki Yehovah e yepi unu, dan a gi fu kotoigi nanga yepi fu telefon kan de ete wan fasi fu prisiteri a bun nyunsu nanga bun bakapisi. — 2 Tim. 4:5.