Aksi di opo kon

◼ Te wi e gi kotoigi nanga yepi fu telefon, dan wi musu taigi a sma di wi e bel taki a kan gi moni efu a wani fu horibaka gi a wroko di wi e du na heri grontapu?

Te wi e gi kotoigi na sma di wi e miti, dan wi kan fruteri den taki sma e horibaka gi a Bijbel leriwroko di Yehovah Kotoigi e du na heri grontapu fu di den e gi moni efu den wani, èn wi kan taigi den taki wi breiti te sma e horibaka gi a wroko na so wan fasi. Ma te wi e gi kotoigi nanga yepi fu telefon, dan wi no musu taigi a sma di wi e bel taki a kan gi moni efu a wani, fu di a sma kan prakseri taki wi e bel en nomo fu aksi en moni. A diniwroko di Yehovah Kotoigi e du no abi leki marki fu meki moni srefisrefi.​—2 Kor. 2:17.

◼ San wi musu du efu wi e gi kotoigi nanga yepi fu telefon èn a sma e taki dati Yehovah Kotoigi no musu bel en moro?

Wi musu lespeki a sani di a sma e aksi fu wi. Skrifi a nen fu a sma na tapu papira èn skrifi a dei di a sma ben aksi taki Yehovah Kotoigi no bel en moro. Poti a papira na a karta fu a gebied. Na so wan fasi den tra preikiman sa sabi dati den no musu bel a sma dati moro. Wán leisi na ini wan yari, wi musu luku baka na tapu a papira suma na den sma di ben aksi taki Yehovah Kotoigi no bel den moro. A dienstopziener musu seti sani taki den preikiman di abi furu ondrofeni èn di sabi fa fu taki bun nanga sma, e go na den sma disi. Den preikiman sa luku efu den sma abi a srefi bosroiti ete taki Yehovah Kotoigi no musu bel den moro.​—Luku a Vragenbus na ini Onze Koninkrijksdienst fu yanuari 1994.