De fayafaya ini a panya fu a Kownukondre boskopu
1 Yehovah na wan Gado fu tumusi bun wroko, èn a e du ala muiti fu klari den. Ala san a e du, de fu a bun fu den wan di e dini en. Yeises ben gi wan tumusi moi eksenpre na ini a waka di a ben e waka baka na faya fu en Tata. Na wán okasi a faya gi na oso fu Yehovah, ben buweigi en fu puru den sma na ini a tenpri di ben meki a tron wan oso fu seri èn bai sani (Yoh. 2:14-17). Efu wi wani taki sma kon sabi unu leki wan pipri „di abi faya fu du tumusi bun wroko”, dan wi tu musu sori faya na ini wi diniwroko gi Yehovah Gado. —Tit. 2:14.
2 Den tumusi bun wroko fu kresten e tyari wini gi trawan. A moro bun sani di wi kan du gi wan tra sma, na fu yepi en fu leri sabi Yehovah èn fu dini en (Yoh. 17:3). Wi e gi so wan yepi, nanga yepi fu na faya fasi di wi e preiki na Kownukondre èn a meki di wi e meki disipri.
3 San a faya wani taki? A faya wani taki fayafasi (e angri nanga yu heri ati). A faya fu wan kresten e kon fu wan opregti angri fu du san de yoisti èn fiti. A Griki wortu gi „faya” wani taki „bori”. Leki bedinari fu Gado wi musu sori a eigifasi disi, te wi e panya a Kownukondre boskopu. Wi abi faya ini a diniwroko? Wi e du ala san wi kan fu yepi trawan fu kon sabi den prakseri fu Yehovah?
SORI FAYA INI A PRISTERI FU DEN BROCHURE
4 Na ini a mun september wi abi a grani baka fu pristeri wan fu den tijdschriftformaatbrochure di e teri 32 bladzijde, boiti Yehovah Kotoigi nanga na skoro. Wi kan pristeri Njanboen foe têgo foe a libi na grontapoe!, „Luku! Mi e meki ala sani kon nyun”, Yu musu sori bribi ini a Driwanfasi?, A Nen fu Gado di sa tan fu têgo ofu A tiri di sa tjari a Paradijs kon. Sreka yu srefi fu pristeri alaten wan brochure di sori taki a fiti moro bun gi a gebied ofu a sma di yu e miti na a doro.
5 Fu abi a faya ini a panya fu a kownukondre boskopu, wi musu sreka bun. Wi sabi a Tori fu takimakandra fu a mun bun? Fa wi kan abra fu a Tori fu takimakandra go na a brochure di wi e pristeri? Fu sortu spesrutu penti fu a brochure wi kan taki? Efu wi e teki a ten fu sabi den feifi brochure bun èn e kisi ini wi yeye wan faya gi den, dan wi sa de srekasreka fu pristeri den nanga faya na den sma na ini wi gebied.
RAI FU PRISTERI DEN BROCHURE
6 Baka te yu taki suma na yu, yu ben sa kan taki: „Yu aksi yu srefi oiti wanten efu Gado e broko en ede nanga den disiten gadolowsu fasi na ini a grontapu? [Gi okasi fu wan piki.] A beibri e fruklari taki dyonsro ala gadolowsu sma sa kisi pori. [Leisi Psalm 92:7] Na suma wi kan go nanga disi na prakseri fu kisi trutru tiri nanga kibri? [Leisi Psalm 145:20.] Wi kan kisi frulusu sobun soso te wi abi wan bun matifasi nanga wi Mekiman, Yehovah Gado. Wi musu ondrusuku den blesi di a e pramisi ala sma di e gi yesi”. Bakadati yu kan go na a prenki 49 fu a Njanbun-brochure èn leisi san skrifi na en sei, pe yu e poti krakti tapu den blesi di tyari kon a krin drape. Ofu opo blz. 29 fu a Tiri-brochure èn taki fu den blesi fu san den e fruteri drape. Son sma wani kobroiki kande par. 49 nanga 50 fu a „Luku!”-brochure fu fruteri san Gado kownukondre o du gi a libismafamiri.
7 Fu di wi e libi na ini muilek ten, meki a boskopu di wi e tyari de tranga fanowdu. A de fanowdu fu wi abi faya ini a panya fu a Kownukondre boskopu èn fu gi trawan deki-ati fu leri sabi Gado èn en wortu. Fu di nanga faya wi sa panya a sabi disi, di e gi libi, meki wi e sori wan gi di wi e gi wi srefi na ini a dini fu Gado èn fu wi lobi gi Yehovah. Aksi yu srefi: ’Mi abi faya gi tumusi bun wroko? Den kan taki fu mi taki nanga faya mi e horibaka gi a preikiwroko nanga mi heri sili?’ Den piki fu wi sa tyari kon a krin omeni faya wi abi. Omoro wi e teki prati na a panya fu a Kownukondre boskopu, omoro bigi a faya fu wi sa de. Trawan sa si taki wi de trutru ’wán pipri, di abi faya gi tumusi bun wroko’.