Wroko na a bow fu tranga osofamiri banti
1 Fu di furutron sani e aksi na ten di papa nanga mama abi, meki den de na fesi na tyalensi fu bow wan osofamiri di tanapu fasti na ini a tru anbegi. Kresten osofamiri abi wan tranga banti fanowdu di e gi yepi na ini den muilek ten fu now (Preik. 4:9-12; 2 Tim. 3:1-5). Omoro na yeyefasi e gro, omoro wan osofamiri e kon tranga fu kakafutu gi den fadon di Satan nanga en seti fu sani e fadon kon feti nanga den.
BOW DEN YEYE EIGIFASI
2 Gemeente konmakandra nanga osofamiri beibristudi seiker musu abi wan presi na ini na ala wiki osofamiri schema (Deut. 6:6, 7; Hebr. 10:23-25; w86 1/11 blz. 23-25). Ma moro de fanowdu. Efu disi na a wan enkri skoro na yeyefasi di den pikin e kisi, dan ete wan sani e mankeri.
3 Wan bun osofamiri banti e gro te papa nanga mama e sori belangstelling gi na yeye tanbun fu den pikin. Na ini Israèl den papa nanga mama ben abi na frantiwortu fu gi den pikin fu den leri nanga skoro — den ben leri den nanga yepi fu wortu èn eksenpre. A programa di den Israèl sma ben kobroiki fu gi leri ben abi na ini wan praktis skoro gi a libi leki bigisma, leri na ini den fondamenti koni fu leisi nanga skrifi grati, èn leri nanga a prakseri tapu a gro fu yeye eigifasi. Te den ben gi den pikin leri, den ben poti krakti a tapu taki den ben musu abi frede gi Yehovah, na Wèti, respeki gi papa nanga mama nanga bigisma èn a prensparifasi fu gi yesi.
4 Du muiti fu psa ibri dei ten di kobroiki bun nanga yu osofamiri. Unu kan taki fu yeye sani na okasi, so leki te unu e nyanyan. Wan papa ben taki a frustan sani disi di e kon now: „Papa nanga mama sa kobroiki ten makandra nanga den pikin fu den — a kan de fu kweki yeye eigifasi na ini den, ofu fu de alaten klariklari fu yepi den fu komoto fu a wan problema baka na trawan.” O moro bun a de fu bow den yeye eigifasi di de fanowdu na ini den pikin, sotaki den kan kibri den srefi gi den trapu fu na grontapu! — 1 Kor. 3:10-15.
ABI PRISIRI FU DU VELDDIENST AKTIVITEIT
5 Prisiri na wan firi di e kon fu di wan sma e kisi ofu e fruwakti wan bun sani. Te wan sma sreka en srefi gi na preikiwroko dan nanga reti a kan fruwakti bun bakapisi. Sobun, sreka yu srefi na a sroto fu abi prisiri na ini a preikiwroko. Fu di bifo unu e go na ini a preikiwroko unu leki osofamiri e oefen geregeld san unu ben sa kan taki, meki dati e bow a frutrow na ini yu srefi. (Teki gersi Titus 1:3b). Ala sma kan abi wan marki na prakseri. Nanga yongu pikin ofu sma di bigin pas nanga a dienst, yu kan oefen wan eenvoudig pristeri.
6 Fu di papa nanga mama e wroko makandra nanga den pikin fu den na ini a kresten diniwroko, meki den kan yepi den fu kweki netso wan persoonlijk belangstelling gi sma leki di Yehovah nanga Yeises ben sori na ini a eksenpre fu den. A diniwroko e yepi wi so srefi fu kweki wan krosibei banti nanga Yehovah (w82 1/2 blz. 15-22). Son osofamiri e seti en so taki heri dei den kan de na makandra fu di baka na preikiwroko den abi bun ontspanning tapu den schema. Disi e meki taki den abi a ten fu kenki prakseri na ini wan switi sfeer, èn disi e tyari papa, mama nanga pikin kon moro krosibei fu makandra.
7 Abi a fasti bosroiti fu kweki den koni fu komunikâsi di de fanowdu fu kan kibri wan tranga banti nanga yu pikin. No meki noti tapu yu fu teki a ten di de fanowdu fu tranga yu osofamiri na yeyefasi. Begi gi den pikin fu yu èn makandra nanga den, ala di yu sabi taki Yehovah kan blesi den muiti di yu e meki fu bow wan tranga osofamiri banti nanga bun bakapisi. — Ps. 127:1; Odo 24:3.