Oen papa nanga mama — Gi leri na joe pikin na ini na velddienst
1 Fa a de toemsi prenspari foe gi nofo sorgoe nanga prakseri na joe osofamiri! Paulus ben skrifi gi Timóteus: „Séker efoe wan sma no e sorgoe gi den sma foe en, èn spesroetoe gi den di de memre foe en osofamiri, dan a ben drai baka gi na bribi èn a de moro ogri leki wan sma di no de na bribi” (1 Tim. 5:8). Na jejesé a de den moro prenspari frantwortoe foe kristen papa nanga mama dati den studeri nanga den pikin foe den èn lei den op (Deut. 6:6, 7; Ef. 6:4; 1 Tim. 4:15, 16). Gi leri na ini na osofamiri sa abi leki bakapisi dati moro koni bedinari e kon di e panja a boen njoensoe foe a kownoekondre. — 2 Tim. 2:1, 2.
2 Papa nanga mana moe poti ten tapoe den schema foe wroko geregeld nanga den pikin foe den na ini na velddienst. Disi no de alaten makriki. Ma den alamala kan agri dati a gi foe ten na a velddienst tapoe wan geregelde fasi e tjari foeroe blesi kon. Teki joe pikin go nanga joe geregeld, sa jepi den foe si na prenspari fasi foe na velddienst. Omoro den e kon abi wan prati dorodoro na velddienst, omoro a bekwaamheid foe den e gro èn den e ondrofeni Jehovah blesi a tapoe a wroko foe den èn a prisiri foe den sa gro. — Ps. 71:17.
3 San joe kan doe foe jepi joe pikin foe kisi moro warderi gi na velddienst èn foe kisi prisiri foe en? Sori den fa den kan abi wan prati na en. Sreka oensrefi a fesi makandra tapoe na velddienst. Jongoewan e warderi na lobi prakseri di den e kisi, èn di e jepi den foe go na fesi, tangi foe wan progressief leri. A e anga foe a jari foe den dati den kan leri foe de nanga prakseri na den doro ofoe foe gi na ososma wan kari ofoe wan traktaat. Te den e go na fesi, joe kan leri den foe abi wan actief prati foe di den e lési wan tekst. Foeroe jongoewan e wroko nanga ala prisiri nanga den tijdschrift. Wan eenvoudig tijdschriftpristeri de makriki foe leri. Papa nanga mama makandra kan jepi den pikin foe den foe feni na ini den tijdschrift di wi e prati boen punt foe tak makandra èn foe hori boen takmakandra. Geregelde èn progressief leri foe a sé foe papa nanga mama e tjari positief bakapisi kon. — Ef. 4:13, 14.
NA WAARDE FOE NA EKSEMPRE
4 Pikin e doe san den e si. Na bijbel e taki: „Na boen sma sa libi wan goedoe a baka gi den pikinpikin” (Odo 13:22). Foe dat’ede meki papa nanga mama moe doe ala moeiti foe gi na boen eksempre. A fasi fa joe e loekoe a dienst sa abi bigi krakti na tapoe joe pikin. Joe e bewijsi na joe pikin nanga den takmakandra èn na teki geregeld prati na a prékiwroko omeni joe e warderi na velddienst? Den takmakandra nanga fasi foe joe e sori dati joe e si pionier leki wan marki di jongoewan èn owroewan moe feti na en baka? — Deut. 5:29.
5 Foeroe jongoe pikin di no dopoe ete e teki prati na a velddienst. Wi e prisiri dati wi abi den na oen mindri (Matt. 19:13-15). Kande den jongoe ete foe ferstan dorodoro san a wani taki foe gi den libi abra na Jehovah. Ma ten no e tan tiri. Foe dat’ede meki papa nanga mama moe jepi den pikin foe den foe si dati a de fanowdoe foe kon na fesi èn tapoe na joisti ten foe doe sani foe gi densrefi abra èn teki dopoe. Den pikin foe joe e teki na tranga leri nanga na makti rai foe Jehovah na wan boen fasi? Den poti na ini den libi na oso èn na ini na gemeente san den e leri? Wi e howpoe dati den jongoe prékiman foe wi sa tan go na fesi èn sa tan gro na ini den lobi gi Jehovah èn na ini den lostoe foe dini en.