Pristeri na boen njoensoe — Leki osofamiri
1 Wan foe den moro moi égifasi di wan papa ofoe mama kan prani go ini wan pikin, de a winsi foe prati na boen njoensoe foe na Kownoekondre nanga tra sma. Foe na onvolmaakti firi foe jeje nanga ati di pikin abi foe sensi den gebore, meki den moe kisi leri san den e ferwakti foe den foe plisi Gado (Ps. 71:17). Efoe joe loekoe en boen dan wi alamala moe kisi leri san den e ferwakti foe den foe plisi Gado (Ps. 71:17). Efoe joe loekoe en boen dan wi alamala moe kisi leri foe ’soekoe fosi na kownoekondre’, bika efoe den libi wi a oensrefi, dan wi e soekoe alaten fosi oen égi persoonlek lostoe. — Matt. 6:33.
2 Jehovah ben komanderi den Israëlsma foe leri den en wèt èn gebod (Deut. 6:6-9). Asrefi gebod dati e fiti gi osofamiri di e doe ini a ten disi santa dienst gi Gado. Joe e jepi na ati foe joe pikin foe seti en sodati den lobi Jehovah èn e prisiri foe abi wan prati na en dienst? Joe e teki joe pikin nanga joe na ini na velddienst?
EKSEMPRE FOE WAKA NA DEN BAKA
3 Na bijbel e gi toemsi moi eksempre foe jongoewan di tapoe jongoe jari ben de kaba ini santa dienst. Samuël ben bigin foe doe tempeldienst wantewante baka di en mama ben poeroe en na bobi; a no ben abi na jari foe go na skoro ete akroederi fa wi e ferstan sani na a ten disi (1 Sam. 3:1, 15). Na jongoe oemapikin foe Jefta di no ben trow ete ben bigin santa dienst na ini na tabernakel foe hori na sweri di en papa ben sweri (Kroe. 11:36-40). Timotéus ben abi wan toemsi moi nen leki wan faja kristen jongoeman (Tori. 16:2). Filippus na evangeliumprékiman ben abi fo oemapikin di ben e taki profétitori sodati ben kon a krin dati a ben teki fesi foe jepi en osofamiri foe dini Jehovah. Den memre foe joe osofamiri e doe moeiti foe jepi makandra foe tanapoe leki discipel foe Kristus ini na dienst?
4 Papa nanga mama moe seti sani dati den pikin foe den kan go nanga den ini na velddienst tapoe boen jongoe jari kaba. Disi de ondro na frantwortoe foe papa nanga mama. Na papa ofoe na mama ofoe pe a man, alatoe, moesoe gi leri geregeld a den pikin ini na velddienst. Gi wan boen eksempre de wan foe den moro moi fasi foe gi wan pikin dek’ati foe poti joisti marki na den fesi èn foe kweki boen bewégi foe ati (Odo 22:6). A bijbel e taki: „Na boenwan sa libi wan goedoe gi en pikinpikin” (Odo 13:22). Foeroe a hanga soboen foe na joisti eksempre di e gi èn séker wi no ben sa wani dati wi pikin waka na baka wan takroe eksempre. Foe di papa nanga mama di e frede Gado de a moro prenspari eksempre di a jongoewan e waka a baka, meki pikin kan bewégi go sofara foe poti den Kownoekondre-afersi tapoe a fosi presi efoe den papa nanga mama e teki na velddienst serjoesoe èn kan doe someni leki redelek ini na prékiwroko.
5 Nofotron srefi wan boen jongoesma kan langa wan strooibiljet ofoe wan tractaat gi wan ososma. Den kan abi wan prati na a prékiwroko foe di den kan kari kande sma kon na a Kownoekondrezaal èn foe meki den kon sabi dati wi prisiri foe den kon. Foeroe jongoewan e feni en boen foe gi kotoigi nanga den tijdschrift. Den e sreka wan sjatoe pristeri foe den laste uitgave. Papa nanga mama ben sa kan taki na a doro dati na pikin foe den e kisi leri na ini na diniwroko èn den feni en switi foe teki den nanga den. Wan jongoe prékiman ben kan kisi na kari foe skrifi den rapport foe na oso-foe-osowroko ofoe foe lési den tekst na den doro. Kande man srefi foe gi kommentaar tapoe a bijbelvers di gebroiki na ini na Tori foe takmakandra foe a moen ofoe foe piki wan ofoe toe aksi di a papa ofoe a mama e poti foe poti wan edeprakseri aparti. Son pikin kan doe srefi tapoe wan boen jongoe jari wan toemsi moi pristeri foe na bijbel foe na toemsi moi leri di den ben kisi foe na papa nanga na mama. Soleki joe kan ferstan, dan den jongoewan foe wi sa abi foeroe moro prisiri na a wroko efoe den abi wan prati na en. Nofotron ososma e tjari go sofara foe taki foe na toemsi moi fasi fa den sortoe jongoesma dati e taki.
6 Joe e teki na ten foe leri joe pikin foe di joe e wroko nanga den ini na velddienst? Oen jongoe prékiman, oen abi warderi gi na jepi di oenoe e kisi èn oenoe e sori dati oen de klari foe go nanga joe papa ofoe mama na ini na velddienst? Joe kan abi na overtoigi dati Jehovah e prisiri nanga joe efoe joe doe disi. A de wan prisiri sani foe si dati den pikin foe wi e poti den sani di wi e leri den na ini den libi. — Odo 23:15, 24.