Jepi den pikin, foe den dini Jehovah nanga wan opregti ati
1 Salomo ben froeklari taki „manpikin na wan goedoe foe Jehovah” (Ps. 127:3-5). Foe troe, den na wan goedoe di warti srefisrefi. Papa nanga mama abi na frantiwortoe di Gado gi den foe leri, oefen èn gi den pikin foe den trangaleri. Disi wani taki toe foe oefen den ini velddienst, foe gi den deki-ati foe taki nanga wan opregti ati foe Jehovah èn a Kownoekondre. — Ef. 6:4.
2 O meni jari den pikin moesoe abi bifo papa nanga mama kan bigin nanga a skoro disi? Na piki di bijbel e gi, de krin: Den moesoe bigin foe a pikin-nengre ten (2 Tim. 3:14, 15). O moro froekoe den e bigin nanga a skoro disi, o moro bigi a tjans de taki den pikin sa kisi wan steifi fondamenti ini waarheid èn meki a diniwroko leki den libiwroko. A oefen disi di den e oefen den froekoefroekoe sa jepi toe foe kibri den foe grontapoe denki nanga fasi fa sma e tjari densrefi.
3 Foeroe foe den josi-josi ben sori taki den abi na koni foe kisi na bekwaamfasi foe man doe moeilek wroko. Ala di den de so jongoe, oen moesoe tiri a man di den man leri, go na a sei foe gi den leri ini bekwaamfasi di e meki Jehovah feni den boen (w88 1/8 blz. 15; w89 1/12 blz. 31). Foeroe pikin-nengre ben gro kon miti a penti foe tron preikiman di no dopoe ete. Son pikin e gi densrefi abra èn e dopoe bifosi den e doro den tini jari. Disi ben meki taki den ben man dini leki jepi pionier èn srefi leki gewoon pionier bifo den kaba den skoro. Foe doro den marki disi, den moesoe kisi leri fa den moesoe taki foe difrenti sortoe bijbel tori nanga sma.
4 Son bigi sma di ben sori a gwenti foe si den tini ini a ten disi leki den abi wan bigi mofo èn de sondro respeki, kande no abi foeroe belangstelling foe abi wan takimakandra nanga wan jongoe sma di e naki na a doro. San wan jongoe preikiman kan taki na a doro foe wini den skotoe disi èn hori na prakseri foe na bigi sma? Wan jongoe preikiman ben taki wan sani leki disi: „Morgoe, mi na ․․․․․․․․. Mi e fisiti den birtisma foe mi tide, bika foeroe foe den e broko ede nanga a ten di o kon. Leki wan bigi sma, joe abi seiker moro ondrofeni ini a libi leki mi. Ma, dja mi abi wan bijbel tekst di e trowstoe wi alamala.” Baka te joe leisi Openbaring 21:3, 4, joe kan tjari a takimakandra go tapoe a traktaat Libi ini wan vrede njoen grontapoe.
5 Wan tra idea na: „Hallo, mi na ․․․․․․․․. Mi e tjari sjatoe fisiti ini a birti, bika mi sabi taki foeroe bigi sma e broko ede nanga a pasi di jongoe sma e waka go ini a ten disi. Sontron jongoe sma e sori taki den no abi respeki, èn den e kakafoetoe srefi teige bigi sma. Ma mi e taki nanga sma foe wan tekst di e sori fa wan dei ibriwan sma sa leri foe libi makandra ini vrede.” Leisi Psalm 37:11 baka dati, èn taki foe penti di fiti. Te den bigi sma e jere den opregti froeklari disi foe den jongoe preikiman foe wi, wi kan de seiker taki dati sa naki na ati foe foeroe foe den.
6 Doesoendoesoen jongoe preikiman e go doro foe horibaka moi gi a Kownoekondre preikiwroko èn a wroko foe meki disipel. Wi moesoe prèise den na wan waran fasi. Jongoe wan di kresten papa nanga mama oefen den foe sensi den pikin-nengre ten, e doe wan sani wantewante tapoe na opregti deki-ati di den kisi, foe wroko so taki den kan abi wan moro bigi prati na ala taki foe a diniwroko. Den wan di sidon na skoro abi a toemoesi aparti okasi foe gi kotoigi na den skoro kompe foe den èn so srefi na den skoro meester foe den. Foeroe foe den ben abi toemoesi moi ondrofeni, foe gi kotoigi ini a spesroetoe kontren disi.
7 So boen, jepi den jongoe preikiman ini joe gemeente foe den abi wini foe na okasi foe dini Jehovah nanga a krakti di den abi leki jongoewan, èn foe prèise en nanga wan opregti ati. — Preik. 12:1.