A Waktitoren nanga Ontwaakt! — Tijdschrift foe waarheid
1 A Waktitoren foe 1 januari 1994, bladzijde 16, ben memre wi taki den tijdschrift foe wi e tjari kon na doro „artikel di kon na a joisti ten di ben taki foe den sani di sma abi troetroe fanowdoe”. Wi wani prati den tijdschrift disi na ala presi. Na ini den moen april nanga mei, A Waktitoren nanga Ontwaakt! na den tijdschrift di wi sa pristeri, so srefi ibriwan brochure boiti a Skoro-brochure.
2 Na oso-foe-oso wroko e gi wi a moro boen okasi foe prati den tijdschrift disi. Boen okasi kotoigi nanga gobaka abi leki bakapisi toe taki wi e prati den tijdschrift doronomo. A doe foe stratiwroko èn a fisiti foe bisnis oso na ini wi gebied, na so srefi boen fasi foe prati den tijdschrift moro foeroe.
3 Tori foe taki makandra: A Waktitoren foe 1 april (Bakratongo) e taki foe den tori „Wan moro boen grontapoe — Soso wan dren?” nanga „Wan moro boen grontapoe — De krosibei!” Disi de troetroe ini akroederi nanga a marki foe den tijdschrift, namkoe, foe meki a Kownoekondre foe Gado bekènti. A di foe toe artikel e tapoe nanga a sori di a e sori fa wan têgo paradijs sa tron wan troetroe sani na ondro a tiri foe Krestes Jesus. — Luk. 23:43.
4 „Pe joe kan feni tiri di joe kan froetrow?” na a aksi di den e taki makandra foe en ini a tijdschrift foe 1 april. Den tijdschrift foe mei sa ondrosoekoe a tori disi moro fara ini den artikel „Den fasi foe anbegi e sorgoe gi den fanowdoe foe joe?” nanga „Foe san ede wi moesoe leisi bijbel?” Wi moesoe man foe bigin takimakandra makriki nanga sma di e denki taki a libi foe den no wani taki noti èn taki a no abi wan marki.
5 Prati moro foeroe: A Waktitoren foe 1 januari ben gi wi fo rai foe prati moro foeroe tijdschrift. Wi ben kisi a deki-ati (1) foe hori den tijdschrift boen na prakseri. Te wi e leisi den, dan wi moesoe prakseri sortoe artikel moro foeroe kan hari sma ini wi gebied. Moro fara, efoe doronomo wi e teki eksemplaar nanga wi, dan kande wi man prati den na kompe-wrokoman, birtisma, skoromeester nanga skoromisi, skoromati, noso sma di e go na wenkri.
6 Den ben memre wi (2) foe hori a pristeri makriki. Teki wan moi penti, èn poti dati na ini wan toe wortoe. Efoe joe kan overtoigi a ososma foe teki a tijdschrift, dan a tijdschrift kan „taki” nanga a sma di joe ben miti noso nanga tra sma ini na osofamiri.
7 Wan tra sani di de fanowdoe na (3) foe man kenki a pristeri foe joe. A boen foe abi difrenti artikel na prakseri di joe wani taki foe den — wán gi jongoesma, wan trawan gi mansma, èn wan tra sani gi oemasma.
8 Leki lasti, wi moesoe (4) poti wan marki gi wisrefi foe prati tijdschrift. Ala di a gemeente no man poti wan spesroetoe nomroe omeni den sa prati na sma di abi belangstelling, tokoe wi kan poti wan marki gi wisrefi. Disi kan boeweigi wi moro foe de fajafaja ini a pristeri foe den tijdschrift. Efoe wi e bisteri wan fasti nomroe foe tijdschrift, dan disi kan poesoe wi foe doe moro.
9 Wi wani meki tra sma kon sabi foe a Kownoekondre foe Gado. Meki wi meki boen gebroiki foe a boen jepi di den tijdschrift e gi foe prati a Kownoekondre boskopoe. — Mat. 10:7.